Fréttir

Engin yfir­sýn hvort það séu Tik Tok-mynd­bönd eða klám sem eigi að geyma

Björg Eva Erlendsdóttir framkvæmdastjóri Landverndar varar við stefnuleysi í uppbyggingu gagnavera. Það verði að vera skýrt hvaða gögn gagnaver á Íslandi geymi og hvort að gögn sem séu Íslendingum samfélagslega mikilvæg séu. Björg Eva segir í aðsendri grein náttúru Íslands eiga betra skilið en „stefnulausa uppbyggingu orkufrekasta iðnaðar nútímans“.

Innlent 17.10.2026 17:01

Leggi línuna að sam­þykki veiti rétt til að stór­skaða fólk

Réttargæslumaður konu sem slasaðist alvarlega eftir að hafa farið á fund við karlmann til að stunda kynlíf er verulega hissa á viðsnúningi í málinu fyrir íslenskum dómsmálum. Hún segir mikilvægt að ríkissaksóknari sæki um áfrýjunarleyfi til Hæstaréttar.

Innlent 17.10.2026 16:49

Vara við „perra­gler­augum“

Evrópska persónuverndarráðið hefur gefið út yfirlýsingu um þær áskoranir sem notkun snjallgleraugna hafa í för með sér fyrir persónuvernd. Gleraugun verða sívinsælli víða um heim og eru gjarnan kölluð „perrugleraugu“ þar sem fólk notar þau í að taka fólk myndbönd af fólki á götum úti án þeirra vitundar og birta á netinu.

Innlent 17.10.2026 16:31

Setti málningu í matinn og eitraði fyrir hundruðum barna

Eigandi barnaheimilis í Kína og fimm starfsmenn hafa verið dæmdir í fangelsi eftir að hafa eitrað fyrir yfir tvö hundruð börnum. Eigandinn setti málningu í matinn til að hann myndi líta betur út og börnin vildu frekar borða hann. 

Erlent 17.10.2026 15:30

Þyrlan kölluð út vegna slyss á há­lendinu

Þyrla Landhelgisgæslunnar var kölluð út á níunda tímanum í gær að beiðni lögreglunnar á Norðurlandi eystra. Þeim hafði þá borist tilkynning um slys á hálendinu norðan Vatnajökuls, á Gæsavatnaleið. 

Innlent 17.10.2026 14:15

Kannast ekki við lýsingar Jóns

Dómsmálaráðherra segist ekki kannast við það að samband hennar og utanríkisráðherra sé stirt, líkt og Jón Gnarr, fyrrverandi þingmaður Viðreisnar, hélt fram í gær. Það sé áfall fyrir flokkinn og ríkisstjórnina að hann kjósi að ganga úr þingflokknum. 

Innlent 17.10.2026 13:57

Mót­mælendur réðust inn í ráð­húsið í Marseille

Meira en 160 manns hafa verið handteknir víðs vegar um Frakkland á mótmælum sem fara fram víða um land. Hópur mótmælenda braust um stundarsakir inn í ráðhúsið í Marseille og kveiktu í ferðaskrifstofu í Lyon. Búist er við því að tugir þúsunda taki þátt í mótmælum gegn versnandi gæðum menntunar og háum framfærslukostnaði.

Erlent 17.10.2026 13:37

Bakar til góðs næsta sólar­hringinn

Núna klukkan tólf hófst svokallað bakstursmaraþon en fjölskylda úr Kópavogi ætlar að baka næstu 24 klukkutímana til styrktar góðu málefni. Yfirbakarinn hvetur fólk til að kíkja við. 

Innlent 17.10.2026 12:01

Þakplötur að losna af í­þrótta­húsi í Grundar­firði

Þakplötur eru byrjaðar að losna af íþróttahúsinu í Grundarfirði. Hinrik Konráðsson íþrótta- og tómstundafulltrúi bæjarins segir í samtali við Vísi að það sé orðið verulega hvasst en verktaki sé á svæðinu að skoða málið. Björgunarsveitin Klakkur hefur verið kölluð til. 

Innlent 17.10.2026 12:01

Skoða við­brögð við rann­sókn á Öl­gerðinni

Lífeyrissjóður verzlunarmanna íhugar að kalla eftir skýringum frá stjórnendum Ölgerðarinnar vegna rannsóknar Samkeppniseftirlitsins á fyrirtækinu. Sjóðurinn er einn tíu lífeyrissjóða sem eiga samanlagt tæplega helming í móðurfélagi Ölgerðarinnar. Brot á samkeppnislögum samræmist ekki stefnu sjóðsins og gæti haft afleiðingar. 

Innlent 17.10.2026 11:44

Minna á út­gáfu nafnskírteina vegna rann­sóknar lög­reglu

Þjóðskrá minnir í tilkynningu á að þau gefa út örugg og áreiðanleg persónuskilríki í formi nafnskírteina. Lögreglan á höfuðborgarsvæðinu rannsakar nú sölu á fölsuðum skilríkjum til hundraða ungmenna í gegnum smáforrit.

Innlent 17.10.2026 10:44

Gæti komið til lokana með stuttum fyrir­vara

Vegagerðin vekur athygli á því að vegna appelsínugulrar veðurviðvörunar á norðanverðu Snæfellsnesi upp úr hádegi gæti komið til lokana á vegum með stuttum fyrirvara. Búast má við hviðum allt að 45 metrum á sekúndu á svæðinu.

Veður 17.10.2026 10:13

Al­var­lega slösuð eftir skot­á­rás í í­þrótta­húsi

Kona á þrítugsaldri er alvarlega slösuð í kjölfar skotárásar í íþróttahúsi í Älvsjö í suðurhluta Stokkhólms í gærkvöldi. Tveir ungir karlmenn voru snemma í morgun handteknir og úrskurðaðir í gæsluvarðhald samkvæmt vef SVT. Fjöldi var yfirheyrður í nótt vegna málsins og mennirnir handteknir í kjölfarið.

Erlent 17.10.2026 08:35

Frestar gildis­töku refsi­að­gerða gegn Rúss­landi

Donald Trump forseti Bandaríkjanna undirritaði í gær forsetatilskipun um að fresta gildistöku umfangsmikilla nýrra refsiaðgerða og viðskiptaþvingana gegn rússnesku efnahagslífi. Hann tilkynnti á þinginu í gær að hann væri að fresta gildistökunni í þágu þjóðarhagsmuna en útskýrði það ekki nánar. 

Erlent 17.10.2026 08:17

Eldur í lyftara í ál­verinu í Straumvík

Slökkviliðið á höfuðborgarsvæðinu var í nótt kallað út vegna bruna í lyftara í Straumsvík. Í tilkynningu á Facebook kemur fram að slökkvilið hafi farið í sams konar útkall fyrir viku síðan.

Innlent 17.10.2026 07:45

Stormur með tals­verðri rigningu síð­degis í dag

Gular og appelsínugular viðvaranir taka gildi síðdegis í dag þegar næsta lægð gengur yfir landið. Í hugleiðingum veðurfræðings kemur fram að við Suður-Grænland sé alldjúp og víðáttumikil lægð sem stjórni veðrinu hjá okkur í dag. Það verði vaxandi sunnan- og suðaustanátt, hvassviðri eða stormur síðdegis með talsverðri rigningu sunnan- og vestanlands.

Veður 17.10.2026 07:40

Tveir reyndu að flýja lög­reglu á fótum eftir eftir­för

Einn ungur ökumaður var stöðvaður af lögreglu á Suðurlandsvegi eftir að hafa verið mældur á 151 kílómetra hraða. Lögregla sinnti eftirför í Kópavogi og Fossvogi. Ökumennirnir reyndu báðir að flýja á fótum eftir að hafa stöðvað bíla sína. 

Innlent 17.10.2026 07:21

Faðir tveggja nem­enda í skólanum sá sem skaut á­rásar­manninn

Tvö fórnarlamba árásarmanns sem skaut þrjú börn og einn kennara til bana í Oregonríki í Bandaríkjunum í vikunni hafa verið nafngreind. Árásarmaðurinn var hinn sextán ára gamli Griffin J. John II og nú hefur verið greint frá því að hann sé fyrrverandi nemandi í skólanum sem er fyrir börn frá leikskólaaldri og upp í fimmta bekk sem eru með sérþarfir . 

Erlent 17.10.2026 00:05

Varaði við nýju Rúss­landi Pútíns

Vólódímír Selenskí segir að Úkraínumenn eigi rétt á því að verja sig og að hann sé einungis að standa vörð um hagsmuni þjóðarinnar. Er það eftir gagnrýni Donalds Trump í hans garð vegna árása á rússneska olíuvinnsluinnviði. Selenskí varaði líka við því að Vladimír Pútín væri að skapa Rússland sem líktist Norður-Kóreu og að öðrum ríkjum myndi áfram stafa ógn af Rússlandi í framtíðinni.

Erlent 16.10.2026 22:03

Ást­vinir þeirra sem létust í flug­slysinu bíða enn

Meira en vika er liðin síðan tuttugu og fimm létust eftir að flugvél nígeríska flughersins fórst en enn er leitað að braki úr vélinni og leifum hinna látnu. Aðstæður á svæðinu hafa gert björgunarstarfsfólki erfitt fyrir en flugvélin brotlenti í mýrlendi á afskekktu svæði í suðvesturhluta ​Nígeríu. Um borð voru nítján hermenn og sex óbreyttir borgarar.

Erlent 16.10.2026 21:43

„Fylgjumst grannt með fram­vindu mála“

Moskítóflugan virðist ekki láta íslenska vetrarfrostið á sig fá en skordýraáhugamaður í Kjósinni fann flugu í garðinum hjá sér í vikunni. Hann hafði í sumar leitað að lirfum en án árangurs og átt ekki von á því að finna fleiri flugur. Nú bíður hann spenntur eftir því að sjá hvort fleiri stingi upp kollinum.

Innlent 16.10.2026 21:09