Seðlabankinn

Fréttamynd

Ís­land og ESB: samnings­mark­mið, aðildar­viðræður og Evran

Þótt öll ný aðildarríki ESB séu skuldbundin til að taka upp evru má fresta því um óákveðinn tíma. Ríkin sem hafa valið að taka ekki upp evru gera það af því ekki síst að það er pólitískur meirihluti fyrir sjálfstæðri peningastefnu. Þarna virðist meðal annars á ferðinni gildismat sem hverfist um fullveldið og að geta haft ákvörðunarvald yfir efnahagsstefnunni, einkum ef áföll verða.

Umræðan
Fréttamynd

Útlána­tap bankanna gæti numið um 150 milljörðum við „al­var­legt á­fall“

Samkvæmt álagsprófi Seðlabankans gætu kerfislega mikilvægu bankarnir þrír staðið af sér „alvarlegt áfall“, sem gæti þýtt fyrir þá samtals um 150 milljarða króna útlánatap, án þess að þeir þyrftu að skerða of mikið framboð af lánsfé til viðskiptavina. Fjármálastöðugleikanefnd vekur athygli á vaxandi skuldum í byggingargeiranum samhliða því að lengri tíma tekur að selja eignir og beinir því til lánveitenda að þeir þurfi að „gæta að aukinni áhættu í geiranum.“

Innherji
Fréttamynd

Leiðin að lægri vöxtum sé sú sama með krónu og evru

Ásgeir Jónsson seðlabankastjóri segir að upptaka evrunnar myndi veita Íslandi aðgang að stærra efnahagssvæði og hefði stærðarhagkvæmni í för með sér, en Ísland yrði að innleiða önnur hagstjórnartæki til að tryggja stöðugleika í hagkerfinu í stað sjálfstæðrar peningastefnu.

Viðskipti innlent
Fréttamynd

Krefjast þess að bankarnir dragi hækkanir til baka

VR, LÍV og fagfélögin fordæma vaxtahækkanir viðskiptabankanna sem tilkynntar voru fyrir helgi í kjölfar þess að peningastefnunefnd Seðlabankans hækkaði stýrivexti um 25 punkta og standa því í 7,75 prósentum. Þau krefjast þess að bankarnir dragi vaxtahækkanir til baka svo kjarasamningar haldist.

Innlent
Fréttamynd

Verðbólguþróunin í sumar mun ríða bagga­muninn um næstu skref bankans

Ef mælingin núna í maí, sú fyrsta af þremur þangað til peningastefnunefnd kemur næst saman, verður yfir fimm prósent þá mun það halda annarri vaxtahækkun í ágúst opinni, að mati aðalhagfræðings Kviku. Sé litið á meðalspá fimm greinenda þá er útlit fyrir að tólf mánaða takturinn lækki eilítið en verði eftir sem áður rúmlega fimm prósent.

Innherji
Fréttamynd

„Munum aldrei“ geta tekið upp evru nema koma vinnu­markaðinum fyrst í lag

Krónan er ekki orsakavaldur þeirrar þrálátu verðbólgu sem peningastefnunefnd Seðlabankans er núna að reyna ná niður með hækkun vaxta, að sögn seðlabankastjóra, heldur er fremur augljóst að miklar launahækkanir eru að birtast með skýrum hætti í verðbólgutölunum. Hann segir að vinnumarkaðslíkanið sé greinilega „brotið“ og það muni ekki lagast sjálfkrafa við mögulega inngöngu Íslands í evrópska myntbandalagið heldur þurfi að koma því í lag á undan.

Innherji
Fréttamynd

Launa­stefna Seðla­bankans: Hverjir sitja eftir?

Stöðugleiki má ekki byggja á því að menntun borgi sig sífellt verr. Í nýrri rammagrein Seðlabanka Íslands er því haldið fram að almennar umsamdar launahækkanir ættu til lengri tíma að vera um 2% á ári til að samrýmast verðbólgumarkmiði bankans. Afgangurinn af „svigrúminu“ eigi að fara í launaskrið og sértækar hækkanir lægstu launa.

Skoðun
Fréttamynd

Enn ríður Indó á vaðið

Í kjölfar vaxtahækkunar Seðlabanka Íslands í dag hefur Indó sparisjóður ákveðið að hækka vexti á inn- og útlánum sínum. Önnur fjármálafyrirtæki hafa ekki greint frá áformum sínum um vexti.

Viðskipti innlent
Fréttamynd

„Við erum komin með hæstu laun í Evrópu“

Seðlabankastjóri segir verðbólgu allt of mikla og að peningastefnunefnd hafi ákveði að hækka vexti í 7,75 prósent til þess að koma í veg fyrir að hún aukist enn meira. Framhaldið muni ráðast af því hvað gerist í haust, þegar forsenduákvæði kjarasamninga mun virkjast, miðað við verðbólguspá Seðlabankans.

Viðskipti innlent
Fréttamynd

Vextir hækkaðir sam­hliða horfum á minni hag­vexti og meira at­vinnu­leysi

Annan fundinn í röð hefur peningastefnunefnd ákveðið að hækka meginvexti Seðlabankans um 25 punkta, sem var í samræmi við spár flestra greinenda, á sama tíma og ný þjóðhagsspá teiknar upp dekkri efnahagshorfur sem einkennast af minni hagvexti og meira atvinnuleysi. Nefndin segist reiðubúin að herða taumhald peningastefnunnar frekar en ekki er útlit fyrir að verðbólgan fari undir fjögur prósent fyrr en á seinni hluta næsta árs.

Innherji
Fréttamynd

Bein út­sending: Rök­styðja hækkun stýrivaxta

Ásgeir Jónsson seðlabankastjóri og Þórarinn G. Pétursson varaseðlabankastjóri peningastefnu gera grein fyrir ákvörðun peningastefnunefndar um hækkun stýrivaxta og sitja fyrir svörum á blaðamannafundi, sem hefst klukkan 09:30 og verður í beinni hér á Vísi. Þá mun Karen Áslaug Vignisdóttur, aðalhagfræðingur bankans og framkvæmdastjóri sviðs hagfræði og peningastefnu, kynna efni Peningamála, sem komu út í dag.

Viðskipti innlent
Fréttamynd

Hækka stýrivexti aftur

Peningastefnunefnd hefur ákveðið að hækka stýrivexti um 25 punkta og þeir fara því úr 7,50 prósentum í 7,75. Stýrivextir voru hækkaðir í fyrsta sinn um langt skeið þann 18. mars síðastliðinn þegar þeir voru færðir upp í 7,5 prósent. Þá var verðbólga 5,2 prósent, sú sama og í dag. Flestir greiningaraðilar höfðu spáð 25 punkta hækkun.

Viðskipti innlent
Fréttamynd

Vaxta­hækkun gefin skýrt til kynna

Búast má við stýrivaxtahækkun um 0,25 prósentustig, samkvæmt aðalhagfræðingi Landsbankans. Hún segir forsvarsmenn Seðlabankans hafa gefið skýrt til kynna við síðustu ákvörðun að herða þyrfti taumhaldið. Það þyrfti að gera þó það gæti kælt hagkerfið.

Viðskipti innlent
Fréttamynd

Höfrungahlaup Seðla­banka Ís­lands

Seðlabankastjórarnir reita hár sitt um þessar mundir. Þeir skilja ekki af hverju verðbólgan hjaðnar ekki. Þeir telja það jafnframt mikla ráðgátu, til margra ára, af hverju markaðsaðilar telji aðhald peningastefnunnar sé allt of mikið en geri á sama tíma ekkert ráð fyrir að verðbólgumarkmiðið náist. Seðlabankastjóri hefur sett þá spurningu fram á opinberum kynningarfundi peningastefnunefndar hvort markaðsaðilar séu mögulega kleifhugar!

Skoðun
Fréttamynd

Spá stórri vaxta­hækkun til að ná aðhaldinu á ný upp í „æski­legt stig“

Trúverðugleiki peningastefnunnar er „mjög laskaður“ eftir lang tímabil þar sem verðbólgan hefur verið umfram markmið og nefndin mun sennilega vilja ná fram sama aðhaldi og var áður en verðbólgan fór að rísa á nýjan leik undir lok síðasta árs, að mati hagfræðinga IFS, sem spá því að vextir hækki um fimmtíu punkta í næstu viku.

Innherji
Fréttamynd

Nefndin „verður“ að hækka aftur vexti vilji hún við­halda trúverðug­leika sínum

Við núverandi aðstæður þarf peningastefnunefnd Seðlabankans að senda skýr skilaboð til viðhalda trúverðugleika sínum, að sögn greinenda Acro, en ljóst er að verðbólguhorfur hafa ekki batnað frá síðustu vaxtahækkun fyrir tveimur mánuðum. Þeir telja líklegast að vextir hækki um 25 punkta í næstu viku, en alls ekki sé hægt að útiloka enn stærra skref.

Innherji
Fréttamynd

Tveir bankar spá stýrivaxtahækkun þrátt fyrir kólnun hag­kerfis

Bæði Landsbanki og Íslandsbanki spá 0,25 prósenta hækkun stýrivaxta í næstu viku. Verðbólguþróun og hækkandi verðbólguvæntingar munu vega þyngra en kólnun hagkerfisins. Aðalhagfræðingur Landsbankans segir það vegna hækkana á eldsneyti. Ef ekki hefði komið til lækkana á virðisaukaskatti væri ástandið verra. 

Innlent
Fréttamynd

Senni­legt að gjald­eyris­kaupin miði að því að halda aftur af styrkingu krónunnar

Ekki er að sjá að mikil þörf sé á því að stækka gjaldeyrisforða Seðlabankans um þessar mundir, að sögn sérfræðings á gjaldeyrismarkaði, sem telur sennilegra að áform bankans um að hefja á nýjan leik regluleg gjaldeyriskaup miði að því að halda aftur af gengisstyrkingu krónunnar. Markaðurinn ætti að eiga auðvelt með að mæta þessari gjaldeyriseftirspurn hjá Seðlabankanum á komandi mánuðum.

Innherji
Fréttamynd

Borgar­full­trúar til rann­sóknar vegna gagnaleka

Gagnaleki vegna birtingar ársreiknings Reykjavíkurborgar í lok apríl hefur verið tilkynnt til fjármálaeftirlits Seðlabanka Íslands, innri endurskoðunar Reykjavíkurborgar og endurskoðunarnefndar. Tekið er fram í bréfi regluvarðar Reykjavíkurborgar að um sé að ræða markaðssvik.

Innlent
Fréttamynd

Er­lendir fjár­festar tekið stöðu með krónunni í auknum mæli síðustu misseri

Á síðustu misserum hefur mátt merkja að erlendir fjárfestingarsjóðir séu í vaxandi mæli að „taka stöðu með krónunni“ þegar litið er til mótaðilasamsetningar á framvirkri stöðu viðskiptabankanna. Hár vaxtamunur við útlönd getur skapað hvata fyrir fjárfesta að kaupa krónueignir með stuttan líftíma þótt reglur Seðlabankans girði fyrir óhóflega stöðutöku.

Innherji

Mest lesið