Tottenham einu skrefi nær titli eftir sigur í norður Noregi

Tottenham er komið í úrslitaleik Evrópudeildarinnar á móti Manchester United eftir 2-0 útisigur á Bodö/Glimt í kvöld. Það verður því enskur úrslitaleikur í Bilbao.

Tottenham vann fyrri leikinn 3-1 og einvígið þar með 5-1 samanlagt.

Það var markalaust frá á 63. mínútu en þá gerði Tottenham liðið endanlega út um einvígið með tveimur mörkum á sex mínútna kafla. Sigurinn og sæti í úrslitaleiknum var í lítilli hættu eftir það.

Dominic Solanke skoraði fyrra markið á 63. mínútu eftir stoðsendingu frá Cristian Romero en það síðara skoraði Pedro Porro á 69. mínútu þegar fyrirgjöf eða skot hans utan af kanti endaði í markinu.