Matt Brown er látinn

Matt fannst látinn í á í Washington-ríki í Bandaríkjunum. Bear Brown, bróðir Matts, greinir frá andlátinu í færslu á samfélagsmiðlum. Talið er að hann hafi svipt sig lífi. Hann hafði glímt við áfengis- og fíkniefnavanda og hafði nýlega gengið í gegnum erfið sambandsslit. 

Þættirnir Alaskan Bush People voru sýndir á Discovery-rásinni frá 2014 til 2022. Brown-fjölskyldan stundaði einskonar sjálfsþurftarbúskap í óbyggðum Alaska-ríkis. Gerðar voru fjórtán þáttaraðir og sýndir 114 þættir. Matt birtist í 79 þeirra en hann sagði skilið við þættina þegar fjölskyldan flutti til Washington-ríkis.