Bandaríkin

Bandaríkin

Höfuðborg: Washington DC. Mannfjöldi: 347,2 milljónir (2025). Flatarmál: 9.833.517 ferkílómetrar.

Fréttamynd

Meintur byssu­maður 21 árs góð­kunningi leyni­þjónustunnar

Fjölmiðlar í Bandaríkjunum hafa nafngreint meintan byssumann sem var felldur af öryggissveitum Bandaríkjaforseta í gær eftir að hafa hleypt af skotum við Hvíta húsið. Lögreglan hefur oft áður haft afskipti af honum fyrir utan Hvíta húsið en hann er talinn hafa átt við geðræn vandamál að stríða.

Erlent

Fréttir í tímaröð

Fréttamynd

Rutte segir ríka Evrópu reiða sig um of á Banda­ríkin

Utanríkisráðherra Bandaríkjanna segir að bandarískum hermönnum í Evrópu muni fækka. Um það sé skilningur meðal aðildarríkja NATO en framkvæmdastjóri bandalagsins segir að hin ríka Evrópa hafi reitt sig of mikið á Bandaríkin í varnarmálum og að það muni breytast á næstu árum.

Erlent
Fréttamynd

Nýjasta sumartrendið í boði Travolta

Leikstjórnarfrumraun Johns Travolta var frumsýnd á kvikmyndahátíðinni í Cannes um síðustu helgi og hlaut Hollywood-stjarnan heiðursverðlaun hátíðarinnar. Það sem vakti þó helst athygli var útlit Travolta: vandlega snyrt skegg, spangargleraugu og alpahúfur í ýmsum litum. Travolta útskýrði valið á alpahúfunni sem gæti vel orðið nýjasta sumartrendið.

Tíska og hönnun
Fréttamynd

Birta loks um­deilda „krufningu“ á fram­boði Harris

Forsvarsmenn Landstjórnar Demókrataflokksins (DNC) birtu í gær umdeilda skýrslu þar sem rýna átti í hvað fór úrskeiðis hjá flokknum í síðustu forsetakosningum. Ken Martin, stjórnandi DNC, hefur setið á skýrslunni um langt skeið en hún þykir ekki vel unnin og hafa tafir á birtingu hennar leitt til deilna innan flokksins. Martin sjálfur þykir ekki í öruggri stöðu.

Erlent
Fréttamynd

Fljúga dag­lega til Washington D.C. í sumar

United Airlines hóf í dag beint flug til Keflavíkurflugvallar frá Washington D.C. og var af því tilefni tekið vel á móti farþegum við komuna til Keflavíkurflugvallar. Í sumar mun United Airlines fljúga daglega á milli KEF og Dulles flugvallar. sem fjölgar valkostum ferðalanga, bæði hvað varðar þægindi og flugtengingar.

Viðskipti innlent
Fréttamynd

Trump sendir 5.000 her­menn til Pól­lands

Donald Trump Bandaríkjaforseti hefur greint frá því að hann hyggist senda 5.000 hermenn til Póllands, aðeins nokkrum dögum eftir að varnarmálaráðuneytið tilkynnti að ekkert yrði af fyrirhuguðum 4.000 manna flutningi þangað.

Erlent
Fréttamynd

Veit ekki hvort hann hafi misst tökin á öldunga­deildinni

Repúblikanar í öldungadeild Bandaríkjaþings fóru í helgarfrí í dag án þess að greiða atkvæði um frumvarp sem ætlað er að fjármagna aðgerðir ríkisstjórnar Trumps varðandi innflytjendur. Þá hafa Repúblikanar einnig neitað að samþykkja eins milljarðs dala fjárveitingu vegna veislusalarins sem Trump er að reisa á lóð Hvíta hússins.

Erlent
Fréttamynd

Trump segist munu ræða við for­seta Taí­van

Donald Trump Bandaríkjaforseti sagði í gær að hann hefði í hyggju að ræða við Lai Ching-te, forseta Taívan. „Ég mun tala við hann,“ sagði forsetinn. „Ég tala við alla... Við munum vinna í þessu; Taívan-vandamálinu.“

Erlent
Fréttamynd

Verð­mætasta fyrir­tæki heims slær enn eitt metið

Sölutekjur Nvidia, verðmætasta fyrirtækis heims, jukust um 85 prósent á síðasta uppgjörsfjórðungi, borið saman við sama tímabil í fyrra. Tekjurnar voru meiri en greinendur gerðu ráð, eða um 3,4 prósentum meiri. Hagnaðurinn var þó 36,5 prósentum meiri en búið var að spá og er það vegna gífurlegrar eftirspurnar eftir tölvuflögum fyrir gervigreind.

Viðskipti erlent
Fréttamynd

Sat inni í 37 daga fyrir að grínast með morðið á Kirk

Maður sem sat í fangelsi í Tennessee í Bandaríkjunum vegna færslu sem hann skrifaði á Facebook um morðið á Charlie Kirk, sem var áhrifamikill áhrifavaldur á hægri væng stjórnmálanna í Bandaríkjunum, mun fá 835 þúsund dali í skaðabætur. Hann var handtekinn eftir að hann grínaðist með dauða Kirks.

Erlent
Fréttamynd

Lög­reglu­menn vilja stöðva skaðabótasjóð Trumps

Tveir lögregluþjónar sem voru að störfum í þinghúsi Bandaríkjanna þegar stuðningsmenn Donalds Trump forseta ruddu sér leið þar inn þann 6. janúar, hafa höfðað mál gegn ríkisstjórninni. Þeir vilja koma í veg fyrir að Trump-liðar geti greitt bandamönnum forsetans úr nýstofnuðum sjóði sem ætlað er að útvega fólki sem telur sig fórnarlömb vopnvæðingar réttarkerfis Bandaríkjanna skaðabætur.

Erlent
Fréttamynd

Að­för sem krefjist þess að talað sé um kven­réttindi frekar en kynja­jafn­rétti

Stella Samúelsdóttir, framkvæmdastýra UN Women, fundaði í mars með hundruðum félagasamtaka á árlegri kvennaráðstefnu Sameinuðu þjóðanna. Hún segir að í fyrsta skipti í 70 ára sögu þessa fundar hafi umræður og ályktun snúist um að verja þau réttindi sem þegar hafa náðst í stað þess að ræða það hvert eigi að stefna. Samtökin efna til fundar síðar í dag um bakslag í jafnréttismálum. 

Innlent
Fréttamynd

Ní­tján ára þegar Óskarsverðlaunahafi sýndi henni punginn

Leikkonan Hayden Panettiere segir „mikilsvirtan“ Óskarsverðlaunahafa, sem er bæði leikari og leikstjóri, hafa berað sig fyrir framan hana og sýnt henni pung sinn þegar hún var nítján ára. Panettiere gaf nýverið út ævisögu sína þar sem hún gerir upp feril sinn í Hollywood og hafa safaríkustu kaflarnir ratað í fjölmiðla.

Bíó og sjónvarp
Fréttamynd

Hugðust frelsa Ahmadinejad og koma honum til valda

Stjórnvöld í Bandaríkjunum og Ísrael hugðust koma fyrrverandi forseta Íran, Mahmoud Ahmadinejad, aftur til valda þegar þeir hófu árásir á landið. Ísraelsmenn lögðu á ráðin um árás á heimili Ahmadinejad í Tehran, þar sem hann sætti stofufangelsi, til að frelsa forsetann fyrrverandi. Ahmadinejad, sem særðist í árásinni, ku hafa vitað af áætluninni en snúist hugur þegar hann var frjáls. Ekki er vitað hvar hann er niðurkominn.

Erlent
Fréttamynd

Trump tókst að fella Massie

Thomas Massie, fulltrúadeildarþingmaður Repúblikanaflokksins, beið ósigur í forvali flokksins í Kentucky í gær. Massie, sem hefur setið á þingi frá 2012, tapaði fyrir Ed Gallrein, sem var valinn af Donald Trump Bandaríkjaforseta til að skora Massie á hólm. Úrslitin þykja til marks um það að Trump hafi enn tangarhald á Repúblikanaflokknum, þrátt fyrir vaxandi óvinsældir.

Erlent
Fréttamynd

Streymdu á­rásinni í beinni á netinu

Ungu mennirnir sem skutu þrjá til bana við mosku í San Diego í Bandaríkjunum í gær streymdu árásinni í beinni útsendingu á netinu. Þeir voru vopnaðir þremur byssum, hálfsjálfvirkum riffli, haglabyssu og skammbyssu, sem þeir höfðu skreytt með nasistatáknum og báru þeir einnig slík tákn á fatnaði sínum.

Erlent
Fréttamynd

Bannar Skattinum að rann­saka Trump og fjöl­skyldu

Starfandi dómsmálaráðherra Bandaríkjanna bætti óvænt í dag við samkomulag dómsmálaráðuneytisins við Donald Trump, forseta, sem tilkynnt var í gær. Auk þess að stofna um tvö hundruð milljarða sjóð til að deila út skaðabótum til bandamanna Trump, felur samkomulagið einnig í sér að Skattinum hefur verið alfarið meinað að rannsaka eða grípa til aðgerða gegn Trump, fjölskyldu hans eða fyrirtæki vegna gamalla skattskýrslna þeirra sem munu hafa verið til rannsóknar um árabil.

Erlent

Mest lesið