Írönum og Banda­ríkja­mönnum ber ekki saman um stöðuna á Hormuz-sundi

Bandaríski aðmírállinn Brad Cooper sagði hins vegar að Bandaríkjamenn ynnu að því að sökkva flota Íran og hefðu þegar tortímt sautján herskipum. Á þessum tímapunkti væri ekki eitt einasta íranska herskip á sundinu, í Ómanflóa né á Arabíuhafi.

Donald Trump Bandaríkjaforseti sagði í gær að Bandaríkjamenn myndu mögulega fylgja skipum um Hormuz-sund ef til þess kæmi.

Cooper sagði einnig í gær að aðgerðir Bandaríkjamanna gegn Íran hefðu á fyrsta sólahringnum verið nærri tvöfalt umfangsmeiri en þegar ráðist var gegn Írak árið 2003. Bandaríkjamenn hefðu ráðist á 2.000 skotmörk það sem af er.

Íranir skutu eldflaugum á Ísrael í morgun og voru viðvaranir gefnar út til íbúa í Jerúsalem, Tel Aviv og víðar um að leita skjóls. Engar fregnir hafa borist af mannskaða. 

Ísraelar gerðu sjálfir árásir á Líbanon í morgun, þar sem fjórir létu lífið og sex særðust. Þá heyrðust sprengingar í Tehran í morgun.

Talið er að um 800 hafi fallið í árásum Bandaríkjamanna og Ísrael á Íran.

Tugþúsundir eru enn strandaglópar vegna átakanna en ríki heims hafa unnið að því að reyna að ná ríkissborgurum sínum frá Mið-Austurlöndum.