„Stjörnufólk er pirrað“

Þetta sagði Hlynur, fyrrverandi leikmaður Stjörnunnar, sem varð Íslandsmeistari undir stjórn Baldurs árið 2025, í beinni útsendingu í Körfuboltakvöld á Sýn Sport í gærkvöldi. 

Greint var frá tíðindunum skömmu áður en Baldur hefur nýlokið sínu öðru tímabili sem þjálfari Stjörnunnar. Hann gerði liðið í fyrsta sinn að Íslandsmeisturum í fyrra. 

„Hvað vil ég segja um þetta? Ég vil bara vera heiðarlegur,“ sagði Hlynur. „Óska Álftnesingum til hamingju með ráðninguna. En að sama skapi held ég að Baldur og allir í kringum Álftanes viti að það þarf meira til. Meira sem þarf að gerast í kringum þetta. En fyrir samfélagið á Álftanes, liðið, er þetta náttúrulega bara frábært. Mikil lyftistöng fyrir þá deild. Ber vott um metnaðinn sem fólkið í kringum félagið hefur.

Stjörnufólk sé hins vegar mjög pirrað

„Ég er að fara mjög varlega í þetta. Stjörnufólk er alveg pirrað. En þetta er til marks um það sem Álftnesingar hafa náð að gera þarna. Ég er að reyna feta einhverja línu.“

Orðrómar höfðu verið á kreiki um þessa hreyfingu Baldurs Þórs í einhvern tíma og komu tíðindin því sérfræðingum Körfuboltakvölds ekki á óvart.

Hins vegar komi tíðindin fjölda fólks, sem fylgist með íslenskum körfubolta, á óvart.

„Að hann skuli fara frá frábæru liði Stjörnunnar, þar sem mikil uppbygging og frábært lið. Lið sem er að fara berjast um titla næstu árin veit ég. Það kom mér mest á óvart,“ bætti Hermann Hauksson, annar af sérfræðingum Körfuboltakvölds við.

Magnús Þór Gunnarsson þekkir það vel að söðla um og ganga til liðs við nágranna í sama bæ.

„Ég fór yfir í Njarðvík frá Keflavík og var hataður í nokkra mánuði. Það verður ekki skemmtileg heimkoman í Stjörnuheimilið. En mikill metnaður hjá Álftnesingum, að ráða hann. Bara geggjað.“

Umræðuna um Baldur Þór Ragnarsson og óvænt skipti hans yfir til Álftaness má sjá í spilaranum hér fyrir ofan.