Diddy selur svörtu einkaþotuna

Viðskiptamiðillinn Business Insider greindi frá fregnunum á föstudag. Þar hefur miðillinn eftir fyrirtækinu Silver Air Private Jets, sem áður sá um að bóka þotu Combs í leiguflug, að einkaþotan hafi verið seld í október síðastliðnum. 

Ekki kemur þó fram hvað Combs fékk fyrir flugvélina. Samkvæmt umfjöllun Business Insider fáist á bilinu tuttugu til þjátíu milljónir Bandaríkjadala (2,5 til 3,7 milljarðar krónar) fyrir slíka þotu samkvæmt en það velti þó á ásigkomulagi og notkun.

Einkaþotan var byggð árið 2015, er svört að utan og drapplituð að innan, getur ferjað allt að fjórtán farþega, leyfir gæludýr og er með sérstakt afþreyingarkerfi. Þotan ber nú einkennisstafina T7-OKS en T7-forliðurinn þýðir að flugvélin er skráð í smáríkinu San Marinó. Áður var þotan skráð sem N1969C á hlutafélagið LoveAir í eigu Combs.

Mánuðina eftir handtöku Diddy í september 2024 þar sem hann var ákærður fyrir fjölda glæpa, þar á meðal mansal, skipulagða glæpastarfsemi, mútugreiðslur og kynferðisbrot, flaug einkaþotan vítt og breitt um heiminn til landa á borð við Frönsku Pólýnesíu, Nýja-Sjálands, Bandaríkjanna og Mexíkó. Líklega hefur það verið til að afla Diddy tímabundins fjár.

Ekkki er minnst akkúrat á þessa einkaþotu í ákærunum gegn Combs en hann var þó sakaður þar um að fljúga fórnarlömbum sínum með einkaþotu og nota flugvélina til að skaffa sér eiturlyf.

Kveðinn var upp dómur í máli Combs í október 2025 og var hann sýknaður af alvarlegustu ásökununum á hendur honum, mansali og skipulagðri glæpastarfsemi, en var sakfelldur í tveimur ákæruliðum sem tengdust flutningi fólks í tengslum við vændisstarfsemi. Fyrir það laut hann fimmtíu mánaða dóm og sekt upp á hálfa milljón dala.

Þó hann sé búinn að selja einkaþotuna á Combs enn tvær villur í Miami og eina villu í Los Angeles. Þá síðastnefndu setti hann á sölu fyrir 6,1 milljón dala í september 2024 en það gekk ekki að selja hana þannig hún var tekin af sölu.