Taylor Swift trú­lofuð

„Enskukennarinn þinn og íþróttakennarinn þinn eru að fara gifta sig,“ skrifa þau undir mynd í sameiginlegri færslu á Instagram síðdegis í dag.

Á ljósmyndunum sem parið birti má sjá Kelce fara niður á skeljarnar. Þá er mynd af gríðarstórum demantshring sem prýðir nú fingur söngkonunnar og parið faðmast í fallegum garði.

Swift og Kelce byrjuðu að stinga saman nefjum sumarið 2023 og hefur TMZ eftir heimildum að Kelce hafi beðið föður Swift um hönd hennar í desember það sama ár. Swift hefur ítrekað sést á fótboltaleikjum unnustans og hann sömuleiðis á tónleikum stjörnunnar.