Körfubolti

Álftnesingar sóttu stóra skyttu

Henry Birgir Gunnarsson skrifar
Palyza mætti á Álftanesið í gærkvöldi.
Palyza mætti á Álftanesið í gærkvöldi. mynd/álftanes

Álftnesingar tilkynntu um komu nýs leikmanns í gærkvöldi. Sá heitir Lukas Palyza og mun leika með Álftanesi út yfirstandandi leiktíð.

Palyza er reynslumikill leikmaður frá Tékklandi. Hann er 203 sentimetra hár framherji, sem hefur fimm sinnum orðið Tékklandsmeistari og þrívegis orðið bikarmeistari. Þessi reynslubolti hefur spilað tugi landsleikja og verið fulltrúi þjóðar sinnar á Ólympíuleikunum, lokakeppni HM og lokakeppni EM (Eurobasket).

Á síðustu leiktíð lék Palyza með Caledonia Gladiators í efstu deild á Bretlandseyjum. Hann skoraði þar 11,2 stig í leik. Hann var sjötti í deildinni yfir flestar þriggja stiga körfur og hitti úr 41,7 prósenta skota sinna fyrir utan línuna.

Palyza tók einnig þátt í undankeppni Champions League og riðlakeppni FIBA Europe Cup með umræddu liði.

Bónus-deild karla Körfubolti UMF Álftanes

Mest lesið


Fleiri fréttir

Sjá meira


×

Mest lesið