Innlent

Þrír á slysa­deild eftir þriggja bíla á­rekstur á Sæ­braut

Kolbeinn Tumi Daðason skrifar
Frá vettvangi slyssins.
Frá vettvangi slyssins. Vísir/Stefán

Fjórir sjúkrabílar og slökkviliðsbíll voru kallaðir út rétt fyrir klukkan tólf á hádegi vegna áreksturs á gatnamótum Sæbrautar og Miklubrautar í Vogahverfinu.

Samkvæmt upplýsingum frá slökkviliðinu á höfuðborgarsvæðinu var um þriggja bíla árekstur að ræða. Þrír voru fluttir á slysadeild og var einn töluvert meira slasaður en klippa þurfti hann út úr bílnum. Hinir tveir voru með minniháttar meiðsli.

Frá vettvangi.Vegagerðin

Heilmiklar tafir hafa orðið á umferð vegna árekstursins en biðin fer að styttast því verið er að draga bílana í burtu.

Samgönguslys Reykjavík Slökkvilið Sjúkraflutningar Landspítalinn

Mest lesið


Fleiri fréttir

Sjá meira


×

Mest lesið