Maðurinn með níu líf Jón Þór Stefánsson skrifar 13. desember 2023 21:47 Guðmundur stökk inn í logandi bíl í vikunni, en það var langt frá því í fyrsta skipti sem hann lendir í ótrúlegu atviki. Tímarit.is/Vilhelm/aðsend Guðmundur Hinrik Hjaltason húsasmíðameistari er sagður vera með níu líf. Í vikunni fór hann inn í logandi bíl, til að losa hann úr handbremsu. Aðgerðin bjargaði líklega húsi Guðmundar frá eldsvoða. Það er ekki í fyrsta skipti sem hann lendir í hremmingum, en hann sagði frá atvikinu sem átti sér stað í vikunni, og öðrum ótrúlegum atvikum sem hann hefur lent í, í Reykjavík síðdegis á Bylgjunni í dag. „Hann var búinn að standa í svolítinn tíma þessi bíll og ég ætlaði að fara að losa mig við hann. Hann var rafmagnslaus og ég hlóð hann þarna um morguninn. Ég kom svo heim í hádeginu og setti hann í gang og það voru engin vandamál. Ég leyfði honum því að ganga og hann var kannski búinn að vera í gangi í hálftíma. Svo var ég bara við það að fara og þá bankar nágranni minn upp á og segir að það sé kviknað í bílnum.“ „Fór bara inn og hélt niðri í mér andanum“ Guðmundur segir að þegar hann hafi litið á bílinn þá hafi verið farið að loga undan vélarhlífinni. „Hver mínúta er dýrmæt í svona aðstæðum. Við vorum sammála um að við þyrftum að koma bílnum af planinu, út á götuna. Bíllinn var í handbremsu, fullur af reyk, þannig ég fór bara inn og hélt niðri í mér andanum og tók hann úr bremsu.“ Nokkur atriði gerðu verkið enn erfiðara. Vegna þess hversu lengi bíllinn hafði staðið voru klossarnir orðnir fastir við diskana og þar af leiðandi þurfti Guðmundur að beita miklu afli. Þá þurfti hann að færa annan bíl frá, og þar að auki var mjög hált úti. Guðmundur segist ekki hafa hugmynd um það hvernig kviknaði í bílnum, en sem betur fer hafi lítið sem ekkert verið í honum, og verðmæti hans ekki mikið. Nauðlending við Bessastaði Líkt og áður segir hefur því verið haldið fram að Guðmundur sé með níu líf. Hann er líka flugmaður og hefur þurft að nauðlenda vélum tvisvar. Önnur nauðlendingin átti sér stað á Bessastaðavegi, innkeyrslunni að bústaði forseta, árið 2003. „Bensíngjöfin, sem er kölluð trotla á flugvél, fór úr sambandi og þá var ákveðið að taka smá sveig þarna. Svo var hún farin að lækka flugið ískyggilega og við treystum okkur ekki yfir Fossvoginn. Þá var þetta eini staðurinn á öllu Reykjavíkursvæðinu þar sem eru ekki ljósastórar,“ útskýrði Guðmundur. „Það er enginn tími í svona aðstæðum. Maður hefur bara örfáar sekúndur til að taka ákvörðun.“ Aðspurður um hvort Ólafur Ragnar Grímsson, þáverandi forseti, hafi heilsað upp á hann svarar hann neitandi. „Ég held að hann hafi verið upptekinn.“ Guðmundur hefur ekki bara lent í ævintýrum á Íslandi, heldur líka erlendis, meðal annars í Nevada-eyðimörkinni.Aðsend Eyddi nótt í eyðimörkinni „Það var svolítið meira,“ segir Guðmundur um nauðlendingu í eyðimörkinni í Nevada-ríki Bandaríkjanna árið 2012. Hann útskýrir að í flugvélum séu tvær bensíndælur og hann þurfti að nota aðra þeirra sem var brunnin yfir og vélin drap á sér. „Hún var allt í einu steindauð.“ Guðmundur var í vélinni með eiginkonu sinni. „Við vorum ekki alveg sammála um hvar við ættum að lenda. En ég réði því,“ segir hann. „Þetta voru erfiðar samræður,“ bætir hann við og hlær. Fjallað var um lendingu Guðmundar í Fréttatímanum árið 2012Tímarit.is Þó að þau hafi verið í eyðimörk þá er gróður eða kjarr víða í eyðimörkinni og aðstæður til lendingar erfiðar. Guðmundur segist þó hafa séð „sköllóttan blett“ og lent á honum. „Þetta var eins og steypt,“ segir hann og vill meina að þau hafi verið mjög heppinn. Hjónin þurftu að sofa í eyðimörkinni um nóttina. Þar var ekkert símasamband, en til allrar hamingju var Guðmundur með neyðarhnapp, sem hann notaði svo þau yrðu sótt. Á hnappnum voru tveir möguleikar: annars vegar eru senda skilaboð um að það sé í lagi með þig, en þú þurfir aðstoð, og hins vegar algjört neyðarboð, SOS. Fyrst ýtti Guðmundur á fyrri möguleikann, en enginn kom, og þá reyndi hann á seinni kostinn og þá kom fólk hjónunum til bjargar. Guðmundur hefur fengið þau skilaboð að fólk sem lendi í jafnörgum og miklum hremmingum og hann sé allajafna látið. Fæstir hafi það af. „Það er svolítið skrýtið,“ segir Guðmundur við því. Fréttir af flugi Slökkvilið Bandaríkin Reykjavík Reykjavík síðdegis Ástin og lífið Mest lesið Segir Bjarna Benediktssyni að stinga tappa upp í „tengdasoninn“ Innlent Verða boðaðir á fund lögreglu Innlent Ákváðu að stöðva ekki tónleikana: „Þá fyrst hefði skrattinn hitt ömmu sína“ Innlent Faðir bræðranna sem létust segir úrræði gegn fíkn rjúkandi rúst Innlent Ungmenni réðust á varnarlaust fórnarlamb í skógræktinni á Akranesi Innlent Flutt á sjúkrahús eftir bílslys á Háaleitisbraut Innlent „Ozempic tennur“ meðal aukaverkana þyngdarstjórnunarlyfja Innlent Segir „rasistum“ að leggja íslenska fánanum og fá sér sinn eigin Innlent Brottvísun Oscars frestað Innlent Vilja ný og öruggari bílastæði á samningslausu landi gróðrarstöðvar Innlent Fleiri fréttir Fundaði með borginni: „Hef upplifað ýmislegt en aldrei svona grimmd“ „Beðið um leyfi fyrir átta þúsund manns“ Bendir ríkisstjórn á „byrjendanámskeið í verkefnastjórnun“ Fundað vegna örtraðarinnar í höllinni Minnsta fylgi Framsóknar í 33 ára sögu þjóðarpúlsins Kalla út snjóruðningstæki og bændur koma búfé í skjól Vilja ný og öruggari bílastæði á samningslausu landi gróðrarstöðvar Óveður, yfirlið á tónleikum og málahali Ákváðu að stöðva ekki tónleikana: „Þá fyrst hefði skrattinn hitt ömmu sína“ Hvergi af baki dottinn og fer með áminninguna fyrir Landsrétt Flutt á sjúkrahús eftir bílslys á Háaleitisbraut „Yfirgnæfandi líkur“ á að Oscar fái íslenskan ríkisborgararétt Útskrifaður samdægurs eftir hnífaárás á Húsavík Gæti komið til lokana á vegum Selfosskirkjugarður að fyllast Í haldi grunaður um að hafa valdið alvarlegum áverkum Ungmenni réðust á varnarlaust fórnarlamb í skógræktinni á Akranesi Brottvísun Oscars frestað Segir vegið að rétti fatlaðra við uppbyggingu á Fannborgar- og Traðarreit Veitingamaður með langan brotaferil hlaut þunga sekt Faðir bræðranna sem létust segir úrræði gegn fíkn rjúkandi rúst Áminning Höskuldar stendur Þarf ekki að víkja úr dómsal: „Þegar þú drepst þá mun ég brosa“ Frá Goðafossi að Gróttuvita með hundrað kíló í eftirdragi Slæmt að fá hret á varptíma Verða boðaðir á fund lögreglu Lögregla boðar tónleikahaldara á sinn fund Segir „rasistum“ að leggja íslenska fánanum og fá sér sinn eigin Þorleifur keilari hvergi nærri af baki dottinn Áhugi á Bandaríkjareisum snarminnkar Sjá meira
Það er ekki í fyrsta skipti sem hann lendir í hremmingum, en hann sagði frá atvikinu sem átti sér stað í vikunni, og öðrum ótrúlegum atvikum sem hann hefur lent í, í Reykjavík síðdegis á Bylgjunni í dag. „Hann var búinn að standa í svolítinn tíma þessi bíll og ég ætlaði að fara að losa mig við hann. Hann var rafmagnslaus og ég hlóð hann þarna um morguninn. Ég kom svo heim í hádeginu og setti hann í gang og það voru engin vandamál. Ég leyfði honum því að ganga og hann var kannski búinn að vera í gangi í hálftíma. Svo var ég bara við það að fara og þá bankar nágranni minn upp á og segir að það sé kviknað í bílnum.“ „Fór bara inn og hélt niðri í mér andanum“ Guðmundur segir að þegar hann hafi litið á bílinn þá hafi verið farið að loga undan vélarhlífinni. „Hver mínúta er dýrmæt í svona aðstæðum. Við vorum sammála um að við þyrftum að koma bílnum af planinu, út á götuna. Bíllinn var í handbremsu, fullur af reyk, þannig ég fór bara inn og hélt niðri í mér andanum og tók hann úr bremsu.“ Nokkur atriði gerðu verkið enn erfiðara. Vegna þess hversu lengi bíllinn hafði staðið voru klossarnir orðnir fastir við diskana og þar af leiðandi þurfti Guðmundur að beita miklu afli. Þá þurfti hann að færa annan bíl frá, og þar að auki var mjög hált úti. Guðmundur segist ekki hafa hugmynd um það hvernig kviknaði í bílnum, en sem betur fer hafi lítið sem ekkert verið í honum, og verðmæti hans ekki mikið. Nauðlending við Bessastaði Líkt og áður segir hefur því verið haldið fram að Guðmundur sé með níu líf. Hann er líka flugmaður og hefur þurft að nauðlenda vélum tvisvar. Önnur nauðlendingin átti sér stað á Bessastaðavegi, innkeyrslunni að bústaði forseta, árið 2003. „Bensíngjöfin, sem er kölluð trotla á flugvél, fór úr sambandi og þá var ákveðið að taka smá sveig þarna. Svo var hún farin að lækka flugið ískyggilega og við treystum okkur ekki yfir Fossvoginn. Þá var þetta eini staðurinn á öllu Reykjavíkursvæðinu þar sem eru ekki ljósastórar,“ útskýrði Guðmundur. „Það er enginn tími í svona aðstæðum. Maður hefur bara örfáar sekúndur til að taka ákvörðun.“ Aðspurður um hvort Ólafur Ragnar Grímsson, þáverandi forseti, hafi heilsað upp á hann svarar hann neitandi. „Ég held að hann hafi verið upptekinn.“ Guðmundur hefur ekki bara lent í ævintýrum á Íslandi, heldur líka erlendis, meðal annars í Nevada-eyðimörkinni.Aðsend Eyddi nótt í eyðimörkinni „Það var svolítið meira,“ segir Guðmundur um nauðlendingu í eyðimörkinni í Nevada-ríki Bandaríkjanna árið 2012. Hann útskýrir að í flugvélum séu tvær bensíndælur og hann þurfti að nota aðra þeirra sem var brunnin yfir og vélin drap á sér. „Hún var allt í einu steindauð.“ Guðmundur var í vélinni með eiginkonu sinni. „Við vorum ekki alveg sammála um hvar við ættum að lenda. En ég réði því,“ segir hann. „Þetta voru erfiðar samræður,“ bætir hann við og hlær. Fjallað var um lendingu Guðmundar í Fréttatímanum árið 2012Tímarit.is Þó að þau hafi verið í eyðimörk þá er gróður eða kjarr víða í eyðimörkinni og aðstæður til lendingar erfiðar. Guðmundur segist þó hafa séð „sköllóttan blett“ og lent á honum. „Þetta var eins og steypt,“ segir hann og vill meina að þau hafi verið mjög heppinn. Hjónin þurftu að sofa í eyðimörkinni um nóttina. Þar var ekkert símasamband, en til allrar hamingju var Guðmundur með neyðarhnapp, sem hann notaði svo þau yrðu sótt. Á hnappnum voru tveir möguleikar: annars vegar eru senda skilaboð um að það sé í lagi með þig, en þú þurfir aðstoð, og hins vegar algjört neyðarboð, SOS. Fyrst ýtti Guðmundur á fyrri möguleikann, en enginn kom, og þá reyndi hann á seinni kostinn og þá kom fólk hjónunum til bjargar. Guðmundur hefur fengið þau skilaboð að fólk sem lendi í jafnörgum og miklum hremmingum og hann sé allajafna látið. Fæstir hafi það af. „Það er svolítið skrýtið,“ segir Guðmundur við því.
Fréttir af flugi Slökkvilið Bandaríkin Reykjavík Reykjavík síðdegis Ástin og lífið Mest lesið Segir Bjarna Benediktssyni að stinga tappa upp í „tengdasoninn“ Innlent Verða boðaðir á fund lögreglu Innlent Ákváðu að stöðva ekki tónleikana: „Þá fyrst hefði skrattinn hitt ömmu sína“ Innlent Faðir bræðranna sem létust segir úrræði gegn fíkn rjúkandi rúst Innlent Ungmenni réðust á varnarlaust fórnarlamb í skógræktinni á Akranesi Innlent Flutt á sjúkrahús eftir bílslys á Háaleitisbraut Innlent „Ozempic tennur“ meðal aukaverkana þyngdarstjórnunarlyfja Innlent Segir „rasistum“ að leggja íslenska fánanum og fá sér sinn eigin Innlent Brottvísun Oscars frestað Innlent Vilja ný og öruggari bílastæði á samningslausu landi gróðrarstöðvar Innlent Fleiri fréttir Fundaði með borginni: „Hef upplifað ýmislegt en aldrei svona grimmd“ „Beðið um leyfi fyrir átta þúsund manns“ Bendir ríkisstjórn á „byrjendanámskeið í verkefnastjórnun“ Fundað vegna örtraðarinnar í höllinni Minnsta fylgi Framsóknar í 33 ára sögu þjóðarpúlsins Kalla út snjóruðningstæki og bændur koma búfé í skjól Vilja ný og öruggari bílastæði á samningslausu landi gróðrarstöðvar Óveður, yfirlið á tónleikum og málahali Ákváðu að stöðva ekki tónleikana: „Þá fyrst hefði skrattinn hitt ömmu sína“ Hvergi af baki dottinn og fer með áminninguna fyrir Landsrétt Flutt á sjúkrahús eftir bílslys á Háaleitisbraut „Yfirgnæfandi líkur“ á að Oscar fái íslenskan ríkisborgararétt Útskrifaður samdægurs eftir hnífaárás á Húsavík Gæti komið til lokana á vegum Selfosskirkjugarður að fyllast Í haldi grunaður um að hafa valdið alvarlegum áverkum Ungmenni réðust á varnarlaust fórnarlamb í skógræktinni á Akranesi Brottvísun Oscars frestað Segir vegið að rétti fatlaðra við uppbyggingu á Fannborgar- og Traðarreit Veitingamaður með langan brotaferil hlaut þunga sekt Faðir bræðranna sem létust segir úrræði gegn fíkn rjúkandi rúst Áminning Höskuldar stendur Þarf ekki að víkja úr dómsal: „Þegar þú drepst þá mun ég brosa“ Frá Goðafossi að Gróttuvita með hundrað kíló í eftirdragi Slæmt að fá hret á varptíma Verða boðaðir á fund lögreglu Lögregla boðar tónleikahaldara á sinn fund Segir „rasistum“ að leggja íslenska fánanum og fá sér sinn eigin Þorleifur keilari hvergi nærri af baki dottinn Áhugi á Bandaríkjareisum snarminnkar Sjá meira