Auður fann ástina erlendis

Auðunn vill lítið tjá sig um draumadísina. Hann birti þó kynþokkafulla mynd af henni á heimili sínu í Los Angeles á dögunum. 

Samkvæmt upplýsingum fréttastofu heitir kærastan Cassandra. Hún er ekki virk á samfélagsmiðlum. 

LA-draumur

Auðunn lét gamlan draum rætast í byrjun árs þegar hann flutti til Los Angeles. 

„Ég er þakklátur fyrir að vera kominn út og er spenntur fyrir framhaldinu þar sem ég er sífellt að kynnast nýju hæfileikaríku fólki,“ sagði Auðunn á dögunum í samtali við Vísi. Hann starfar við lagasmíð og framleiðslu dag frá degi.

Nýlega gaf hann út plötuna Útvarp úlala. Platan inniheldur fimm lög úr ólíkum áttum sem Auðunn samdi og tók upp.

Hann segir Los Angeles höfuðborg hugverkanna þar sem fyrirmyndir hans í tónlist starfa. Auðunn keypti sér farmiða aðra leið út fyrir heimsfaraldur. Hann er með bandarískan ríkisborgararétt og getur því dvalið vestanhafs eins og hann lystir.