Þau látnu eldri borgarar á leið í spila­víti

Slysið átti sér stað við gatnamót á hrauðbraut nærri bænum Carberry í suðvestanverðu Manitoba, um 170 kílómetra vestur af Winnipeg, í gær. Tuttugu og fimm manns voru um borð í rútunni, flestir þeirra eldri borgarar frá bænum Dauphin sem voru á leið í spilavíti í Carberry.

Rob Lasson, lögregluforingi hjá konunglegu kanadísku riddaralögreglunni, segir að rútan hafi verið á suðurleið og að hún hefði átt að koma að stöðvunarmerki. Rútan hafi þverað akreinar sem liggja til austurs þegar hún varð fyrir flutningabílnum sem var ekið til austurs, að því er kemur fram í frétt AP-fréttastofunnar.

Hann sagði jafnframt að ökumenn bæði rútunnar og flutningabílsins væru lifandi og á sjúkrahúsi.

Sjónvarvottur segist hafa séð logandi rútuna í grasinu í vegarkantinum. Viðbragðsaðilar hafi reynt að bjarga fólki út úr brennandi flakinu.

Um 8.600 manns búa í Dauphin. Kim Armstrong, forstöðumaður öldrunarheimilisins þaðan sem rútan lagði upp í gærmorgun, segir missinn mikinn fyrir samfélagið sem sé í áfalli. 

Fánar við fylkisþingið í Winnipeg voru dregnir í hálfa stöng eftir slysið.

Justin Trudeau, forsætisráðherra, sagði slysið hörmulegt í tísti.

„Ég sendi dýpstu samúðaróskir minna til þeirra sem misstu ástvini í dag og ég hugsa til þeirra sem slösuðust,“ tísti Trudeau.