Byr í seglin Tinna Traustadóttir skrifar 15. apríl 2022 10:00 Velgengni Landsvirkjunar og viðskiptavina hennar haldast í hendur. Grunnur fyrirtækisins var lagður með fyrstu viðskiptavinunum. Þau sem á undan okkur eru gengin lögðu líka sitt af mörkum með byggingu virkjana og fóru yfir illfæra vegi með rafmagnsstaura, kefli og víra til þess að byggja upp flutningskerfið svo flytja mætti raforkuna. Nú eru stórnotendur raforku orðnir tíu talsins og flóran aldrei verið fjölbreyttari. Stefna Landsvirkjunar kveður á um framúrskarandi þjónustu við viðskiptavini. Það þýðir þó alls ekki að ekki sé tekist hart á við samningaborðið, enda miklir hagsmunir undir. Að vinna þétt með viðskiptavinum á heldur ekki bara við þegar vel gengur heldur einnig þegar á móti blæs. Mikilvægi þessarar stefnumörkunar sannaði sig á síðasta ári. Aðstæður í upphafi árs 2021 voru krefjandi, lituðust af hruni í eftirspurn og lágu afurðaverði. Mikið reyndi á samvinnu og stuðning við viðskiptavini. Við komumst í gegnum það með lausnum sem hentuðu hverjum og einum. En eins og í öllum góðum samböndum þarf samvinnan að þróast áfram. Við vinnum sífellt að þeirri jafnvægislist. Nýir raforkusamningar við Rio Tinto og Norðurál eru góður vitnisburður um þetta. Þar fundum við nýtt jafnvægi og nýjar leiðir til þess að starfa saman á komandi árum. Samningarnir renna styrkari stoðum undir rekstur viðskiptavinanna og styðja við áform um aukinn virðisauka af starfseminni hér á landi. Við hjá Landsvirkjun erum stoltir stuðningsmenn slíkrar framþróunar. Samvinnan reynist öllum vel Eftir krefjandi tíma tók heldur betur að rofa til. Það birtir nefnilega alltaf til um síðir. Mikill viðsnúningur varð á mörkuðum og verð hækkaði um tugi ef ekki hundruð prósenta. Við slíkar aðstæður þurfum við líka að vera tilbúin að leggja við hlustir og skilja þarfir viðskiptavinanna. Hér gagnast sömu meðul og áður, samvinna og stuðningur. Afrakstur samvinnunnar kemur öllum vel. Eftirspurn eftir raforku vex og hagur viðskiptavina vænkast, þvert á iðngreinar. Nýir raforkusamningar, nýr steypuskáli á Grundartanga og gagnaversiðnaður sem er að slíta barnsskónum. Gagnaverin eru ný kynslóð viðskiptavina en viðskiptamódelið er hið sama og áður, langtíma raforkusamningar og langtíma viðskiptasamband. Vinnsla rafmyntar hefur vissulega hjálpað þessari nýju grein að komast á legg en ekki hefur verið virkjað fyrir slíka starfsemi sem er ekki hluti af sýn gagnaveranna til lengri tíma litið. Raforkuverð til stórnotenda hefur aldrei verið hærra og valdið straumhvörfum í fjárhag Landvirkjunar. Á sama tíma hefur samkeppnishæfni viðskiptavinanna aukist. Fast verðtryggt verð hefur reynst samkeppnishæfast til lengri tíma og sérstaklega núna, þegar orkuverð erlendis hefur margfaldast og sveiflur eru tíðar. Fjölbreyttari heildsölumarkaður Um 20% af raforkunni ratar inn á heildsölumarkað. Lengi vel var viðskiptaumhverfið staðnað en nú hafa þrír nýir aðilar haslað sér þar völl á undanförum árum. Sama staða er því uppi þar og á stórnotendamarkaði, viðskiptavinaflóran hefur aldrei verið fjölbreyttari sem er mikið fagnaðarefni. Töluvert hefur reynt á að þróa fyrirkomulag raforkuviðskipta í takt við breytta tíma. Þróa vöruframboð, auka sveigjanleika í viðskiptum og leggja áherslu á rafrænan þátt viðskiptanna. Þannig leggjum við okkar af mörkum til þess að heilbrigð samkeppni fái þrifist. Með innkomu nýrra aðila á markað hefur samkeppni aukist og raforkuverð til heimila og fyrirtækja lækkað. Aukin samkeppni hefur haft í för með sér að fleiri heimili skipta nú um raforkusala. Það er athyglisvert að lægsta verð til heimila bjóða ný fyrirtæki sem kaupa einungis raforkuna í gegnum heildsölumarkað og eru ekki með eigin vinnslu. En vegferðinni er ekki lokið og við höldum áfram að þróa reksturinn í takt við nýja tíma. Útlitið er bjart en slakt vatnsár hefur sett tímabundið strik í reikninginn. Það er óyndisúrræði að takmarka afhendingu á raforku til viðskiptavina, en þó eðlilegur hluti af rekstri í lokuðu kerfi endurnýjanlegra orkugjafa. Viðskiptavinir okkar fá bæði þakkir og hrós fyrir gott samstarf í þessu tímabundna en erfiða verkefni. Höfundur er framkvæmdastjóri Sölu og þjónustu hjá Landsvirkjun. Viltu birta grein á Vísi? Sendu okkur póst. Senda grein Landsvirkjun Orkumál Tinna Traustadóttir Mest lesið Hörmulegur atburður í flugstöð Leifs Eiríkssonar Jón Pétursson Skoðun Forstjórinn stígur fram Örn Pálsson Skoðun Lífsgæði íbúa Mosfellsbæjar skert Regína Ásvaldsdóttir Skoðun Börnin á Gaza eru ekki í fríi Bjarni Fritzson,Blær Guðmundsdóttir ,Elías Rúni Þorsteinsson,Elísabet Thoroddsen,Gunnar Helgason,Linda Ólafsdóttir,Lóa Hlín Hjálmtýsdóttir,Yrsa Þöll Gylfadóttir Skoðun Uppbygging í Grafarvogi eflir hverfið og mætir húsnæðiskrísunni á skynsaman hátt Dóra Björt Guðjónsdóttir Skoðun Tilvera okkar er undarlegt ferðalag Hópur meðlima No Borders Skoðun Brimrót og veðragnýr í alþjóðamálum Árni Þór Sigurðsson Skoðun Eiga ellilífeyrir og örorkubætur að fylgja launavísitölu? Haukur Arnþórsson Skoðun Nennið þið plís blessaða ríkisstjórn! Derek T. Allen Skoðun Mannréttindi fatlaðs fólks - orð og efndir Unnur Helga Óttarsdóttir,Alma Ýr Ingólfsdóttir Skoðun Skoðun Skoðun Karlar, piltar og strákar Jón Pétur Zimsen skrifar Skoðun Eiga ellilífeyrir og örorkubætur að fylgja launavísitölu? Haukur Arnþórsson skrifar Skoðun Ísland verður að vernda hafið og fiskimiðin frá námuvinnslu á hafsbotni Laura Sólveig Lefort Scheefer,Þorgerður María Þorbjarnardóttir,Árni Finnsson,Sæunn Júlía Sigurjónsdóttir,Belén García Ovide,Huld Hafliðadóttir skrifar Skoðun Nennið þið plís blessaða ríkisstjórn! Derek T. Allen skrifar Skoðun Ertu klár? Jakob Smári Magnússon skrifar Skoðun Kengúrur eða Þorskar: Hver forritar framtíð Íslands? Björgmundur Örn Guðmundsson skrifar Skoðun Börnin á Gaza eru ekki í fríi Bjarni Fritzson,Blær Guðmundsdóttir ,Elías Rúni Þorsteinsson,Elísabet Thoroddsen,Gunnar Helgason,Linda Ólafsdóttir,Lóa Hlín Hjálmtýsdóttir,Yrsa Þöll Gylfadóttir skrifar Skoðun Mannréttindi fatlaðs fólks - orð og efndir Unnur Helga Óttarsdóttir,Alma Ýr Ingólfsdóttir skrifar Skoðun Brimrót og veðragnýr í alþjóðamálum Árni Þór Sigurðsson skrifar Skoðun Forstjórinn stígur fram Örn Pálsson skrifar Skoðun Lífsgæði íbúa Mosfellsbæjar skert Regína Ásvaldsdóttir skrifar Skoðun Lestur lykillinn að endurhæfingu? Hvað ef lestur væri lykillinn út? Guðmundur Ingi Þóroddsson skrifar Skoðun Tilvera okkar er undarlegt ferðalag Hópur meðlima No Borders skrifar Skoðun Uppbygging í Grafarvogi eflir hverfið og mætir húsnæðiskrísunni á skynsaman hátt Dóra Björt Guðjónsdóttir skrifar Skoðun Það að þrá börn eða ekki Matthildur Björnsdóttir skrifar Skoðun Tímanna tákn? Hólmgeir Baldursson skrifar Skoðun Hörmulegur atburður í flugstöð Leifs Eiríkssonar Jón Pétursson skrifar Skoðun Kvótaverð, veiðigjald, fjárfesting og arðsemi í sjávarútvegi Ásgeir Daníelsson skrifar Skoðun Getur Seljaskóli núna orðið símalaus skóli, Jóhanna? Kristín Jónsdóttir skrifar Skoðun Gagnsæi og traust á raforkumarkaði Einar S Einarsson skrifar Skoðun Ef þetta er rétt – hvað er þá rangt? Anna Berg Samúelsdóttir skrifar Skoðun Hvað er þetta MG? Júlíana Magnúsdóttir skrifar Skoðun Sjúkraþyrlu sem allra fyrst, kerfi sem veitir lífsbjörg Gunnar Svanur Einarsson skrifar Skoðun Ríkisstofnun forherðist við gagnrýni Björn Ólafsson skrifar Skoðun Bylting, bóla, bölvun - bull? Brynjólfur Þorvarðsson skrifar Skoðun Eru smáþjóðir stikkfríar? Snæbjörn Guðmundsson skrifar Skoðun Ákall Valdimar Júlíusson skrifar Skoðun Á að leyfa eða halda áfram að banna? Sigurður G. Guðjónsson skrifar Skoðun Íslenski fáninn fyrir samstöðu ekki mismunun Ása Berglind Hjálmarsdóttir skrifar Skoðun Jafnlaunabarnið og baðvatnið Helga Sigrún Harðardóttir skrifar Sjá meira
Velgengni Landsvirkjunar og viðskiptavina hennar haldast í hendur. Grunnur fyrirtækisins var lagður með fyrstu viðskiptavinunum. Þau sem á undan okkur eru gengin lögðu líka sitt af mörkum með byggingu virkjana og fóru yfir illfæra vegi með rafmagnsstaura, kefli og víra til þess að byggja upp flutningskerfið svo flytja mætti raforkuna. Nú eru stórnotendur raforku orðnir tíu talsins og flóran aldrei verið fjölbreyttari. Stefna Landsvirkjunar kveður á um framúrskarandi þjónustu við viðskiptavini. Það þýðir þó alls ekki að ekki sé tekist hart á við samningaborðið, enda miklir hagsmunir undir. Að vinna þétt með viðskiptavinum á heldur ekki bara við þegar vel gengur heldur einnig þegar á móti blæs. Mikilvægi þessarar stefnumörkunar sannaði sig á síðasta ári. Aðstæður í upphafi árs 2021 voru krefjandi, lituðust af hruni í eftirspurn og lágu afurðaverði. Mikið reyndi á samvinnu og stuðning við viðskiptavini. Við komumst í gegnum það með lausnum sem hentuðu hverjum og einum. En eins og í öllum góðum samböndum þarf samvinnan að þróast áfram. Við vinnum sífellt að þeirri jafnvægislist. Nýir raforkusamningar við Rio Tinto og Norðurál eru góður vitnisburður um þetta. Þar fundum við nýtt jafnvægi og nýjar leiðir til þess að starfa saman á komandi árum. Samningarnir renna styrkari stoðum undir rekstur viðskiptavinanna og styðja við áform um aukinn virðisauka af starfseminni hér á landi. Við hjá Landsvirkjun erum stoltir stuðningsmenn slíkrar framþróunar. Samvinnan reynist öllum vel Eftir krefjandi tíma tók heldur betur að rofa til. Það birtir nefnilega alltaf til um síðir. Mikill viðsnúningur varð á mörkuðum og verð hækkaði um tugi ef ekki hundruð prósenta. Við slíkar aðstæður þurfum við líka að vera tilbúin að leggja við hlustir og skilja þarfir viðskiptavinanna. Hér gagnast sömu meðul og áður, samvinna og stuðningur. Afrakstur samvinnunnar kemur öllum vel. Eftirspurn eftir raforku vex og hagur viðskiptavina vænkast, þvert á iðngreinar. Nýir raforkusamningar, nýr steypuskáli á Grundartanga og gagnaversiðnaður sem er að slíta barnsskónum. Gagnaverin eru ný kynslóð viðskiptavina en viðskiptamódelið er hið sama og áður, langtíma raforkusamningar og langtíma viðskiptasamband. Vinnsla rafmyntar hefur vissulega hjálpað þessari nýju grein að komast á legg en ekki hefur verið virkjað fyrir slíka starfsemi sem er ekki hluti af sýn gagnaveranna til lengri tíma litið. Raforkuverð til stórnotenda hefur aldrei verið hærra og valdið straumhvörfum í fjárhag Landvirkjunar. Á sama tíma hefur samkeppnishæfni viðskiptavinanna aukist. Fast verðtryggt verð hefur reynst samkeppnishæfast til lengri tíma og sérstaklega núna, þegar orkuverð erlendis hefur margfaldast og sveiflur eru tíðar. Fjölbreyttari heildsölumarkaður Um 20% af raforkunni ratar inn á heildsölumarkað. Lengi vel var viðskiptaumhverfið staðnað en nú hafa þrír nýir aðilar haslað sér þar völl á undanförum árum. Sama staða er því uppi þar og á stórnotendamarkaði, viðskiptavinaflóran hefur aldrei verið fjölbreyttari sem er mikið fagnaðarefni. Töluvert hefur reynt á að þróa fyrirkomulag raforkuviðskipta í takt við breytta tíma. Þróa vöruframboð, auka sveigjanleika í viðskiptum og leggja áherslu á rafrænan þátt viðskiptanna. Þannig leggjum við okkar af mörkum til þess að heilbrigð samkeppni fái þrifist. Með innkomu nýrra aðila á markað hefur samkeppni aukist og raforkuverð til heimila og fyrirtækja lækkað. Aukin samkeppni hefur haft í för með sér að fleiri heimili skipta nú um raforkusala. Það er athyglisvert að lægsta verð til heimila bjóða ný fyrirtæki sem kaupa einungis raforkuna í gegnum heildsölumarkað og eru ekki með eigin vinnslu. En vegferðinni er ekki lokið og við höldum áfram að þróa reksturinn í takt við nýja tíma. Útlitið er bjart en slakt vatnsár hefur sett tímabundið strik í reikninginn. Það er óyndisúrræði að takmarka afhendingu á raforku til viðskiptavina, en þó eðlilegur hluti af rekstri í lokuðu kerfi endurnýjanlegra orkugjafa. Viðskiptavinir okkar fá bæði þakkir og hrós fyrir gott samstarf í þessu tímabundna en erfiða verkefni. Höfundur er framkvæmdastjóri Sölu og þjónustu hjá Landsvirkjun.
Börnin á Gaza eru ekki í fríi Bjarni Fritzson,Blær Guðmundsdóttir ,Elías Rúni Þorsteinsson,Elísabet Thoroddsen,Gunnar Helgason,Linda Ólafsdóttir,Lóa Hlín Hjálmtýsdóttir,Yrsa Þöll Gylfadóttir Skoðun
Uppbygging í Grafarvogi eflir hverfið og mætir húsnæðiskrísunni á skynsaman hátt Dóra Björt Guðjónsdóttir Skoðun
Skoðun Ísland verður að vernda hafið og fiskimiðin frá námuvinnslu á hafsbotni Laura Sólveig Lefort Scheefer,Þorgerður María Þorbjarnardóttir,Árni Finnsson,Sæunn Júlía Sigurjónsdóttir,Belén García Ovide,Huld Hafliðadóttir skrifar
Skoðun Börnin á Gaza eru ekki í fríi Bjarni Fritzson,Blær Guðmundsdóttir ,Elías Rúni Þorsteinsson,Elísabet Thoroddsen,Gunnar Helgason,Linda Ólafsdóttir,Lóa Hlín Hjálmtýsdóttir,Yrsa Þöll Gylfadóttir skrifar
Skoðun Mannréttindi fatlaðs fólks - orð og efndir Unnur Helga Óttarsdóttir,Alma Ýr Ingólfsdóttir skrifar
Skoðun Lestur lykillinn að endurhæfingu? Hvað ef lestur væri lykillinn út? Guðmundur Ingi Þóroddsson skrifar
Skoðun Uppbygging í Grafarvogi eflir hverfið og mætir húsnæðiskrísunni á skynsaman hátt Dóra Björt Guðjónsdóttir skrifar
Börnin á Gaza eru ekki í fríi Bjarni Fritzson,Blær Guðmundsdóttir ,Elías Rúni Þorsteinsson,Elísabet Thoroddsen,Gunnar Helgason,Linda Ólafsdóttir,Lóa Hlín Hjálmtýsdóttir,Yrsa Þöll Gylfadóttir Skoðun
Uppbygging í Grafarvogi eflir hverfið og mætir húsnæðiskrísunni á skynsaman hátt Dóra Björt Guðjónsdóttir Skoðun