Óvæntar skilnaðartölur í faraldrinum í Svíþjóð Kolbeinn Tumi Daðason skrifar 17. ágúst 2021 11:30 Séra Þórhallur Heimisson var sóknarprestur við Breiðholtskirkju og Hafnarfjarðarkirkju áður en hann flutti sig til Svíþjóðar árið 2013. Hann hefur þó komið heim og staðið fyrir hjónaráðgjöf. Íslenskur prestur búsettur í Svíþjóð segir skilnuðum hafa fækkað verulega þar í landi í kórónuveirufaraldrinum. Fólk neyðist til að ræða saman, leysa hlutina og leiti inn á við. Þórhallur Heimisson hefur um árabil unnið með íslenskum hjónum í vandræðum með samband sitt. Hann er í dag búsettur í Uppsala í Svíþjóð og greindi í Bítinu á Bylgjunni í morgun frá nýlegri rannsókn. Skilnuðum í Svíþjóð hefur fækkað um 14 prósent í faraldrinum miðað við tölur fyrir fyrstu sjö mánuði ársins. Hann segir faraldurinn og áhrif hans einu ástæðuna sem hægt sé að benda á. Leita inn á við „Skilnaðartíðnin heufr verið í kringum 48-49 prósent í tuttugu til þrjátíu ár og ekkert hefur haggað því,“ segir Þórhallur. Þangað til nú, í breyttu ástandi, þá verði svo mikil sveifla. Sem kemur mörgum spánskt fyrir sjónir enda fjölmargir haft orð á því að of mikil samvera myndi gera út af við sambandið. „Margir hafa sagt að það sé best fyrir fólk að vera eins mikið í sundur og hægt er. En þetta með samveruna hefur orðið til þess að fólk hefur byrjað upp á nýtt, leitað nýrra leiða og unnið sig saman.“ Þórhallur segist ekki hafa séð nýlegar tölur á Íslandi en er spenntur að vita hver þróunin hafi verið hér. Það sé merkilegt að í Svíþjóð sé 50 prósent alls heimilishalds einstæðingar, þar með taldir einstæðir foreldrar. Nenna þessu ekki „Það eru margir sem eru ekki í sambúð,“ segir Þórhallur. Hraðinn í sænsku stórborgunum sé mikill, fjarlægðir sömuleiðis. Þegar eitthvað komi upp á þá skipti fólk fljótt um stefnu og yfirgefi sambandið. „Fólk hugsar með sér að það nenni ekki að standa í þessu og er bara farið.“ Samfélagið í Svíþjóð sé reyndar þannig að fólki sé gert mjög auðvelt að skilja. Fjárhagsáhyggjur vegna skilnaðar séu ekki svo miklar enda auðvelt að hoppa í leiguíbúð við sambandsslit með litlum fyrirvara. Þá séu margir með rósrauða drauma um sambandið og lífið. Ef draumarnir rætist ekki þá nenni fólk ekki að leggja neitt af mörkum. Standi upp og fari óháð því hvaða áhrif það hafi til dæmis á börnin. Vinna í heimilum sínum „Nú hefur fólk neyðst til að vera saman. Vinna heima, leysa hlutina,“ segir Þórhallur. Ferðalög til útlanda og jafnvel milli svæða innanlands séu í lágmarki. Fólk leiti inn á við, vinni í heimilum sínum, fari saman í sumarfrí og þar fram eftir götunum. Þá blæs Þórhallur á umræðu hér heima að skilnuðum fari fjölgandi. Hann segir hlutfallið hafa verið í kringum 39 prósent hér á landi undanfarin þrjátíu ár. Það sé hlutfall þeirra hjónabanda sem endi með skilnaði. Þar sé ekki kynslóðamun að finna. „Ég hef oft sagt að vandamálin eru alltaf þau sömu.“ Fólk taki hvort öðru sem sjálfsögðum hlut, fjarlægist hvort annað og gefi sér ekki tíma. Við bætast fjárhagserfiðleikar, barneignir, erfiðleikar í atvinnu og framhjáhöld. Hjón sem hafa ekki ræktað sambandið vel standi ekki vel þegar slík vandamál komi upp. Þessar aukabirgðir sé erfitt að takast á við. Karlarnir alveg til í að tala Hann segir þó ýmislegt hafa breyst á Íslandi varðandi sambönd og nefnir helst að pör og hjón séu opnari fyrir því að ræða málin við þriðja aðila. „Það var oft sagt að karlar vilji ekki tala um neitt, en það er algjör vitleysa. Þeir eru alveg jafnopnir að ræða málin ef þeir fá tækifæri til.“ Vinskapur í samböndum skipti annars mestu máli. Vísaði Þórhallur til rannsóknar í Bandaríkjunum þar sem rætt var við hjón sem höfðu verið saman í lengri tíma, tuttugu ár eða svo. Lykillinn að árangri? Þau væru góðir vinir. „Það er kjarninn í þessu, að reyna að rækta vináttuna. Hafa gaman af lífinu saman. Það sleppur enginn við vandamál. Gera hlutina saman og sýna hvort öðru virðingu.“ Viðtalið við Þórhall í heild má heyra í spilaranum hér að ofan. Íslendingar erlendis Svíþjóð Ástin og lífið Fjölskyldumál Mest lesið Vægar viðreynslur en engir pervertar Lífið Fréttatía vikunnar: Leiðtogafundur, Hollywood-stjarna og umdeilt brúðkaup Lífið Lilja Sif Pétursdóttir krýnd Miss Supranational Europe og talin myndfríðust Lífið Áslaug selur glæsiíbúð í Reykjavík Lífið Stefnir á sigur í stærstu kokkakeppni heims Lífið Albert og Guðlaug saman í fríi á Ibiza Lífið Rúrik mætti með kærustuna í brúðkaupið Lífið Byggir á viðskiptamódeli bandarískrar trúboðsstöðvar Lífið F1: The Movie frumsýnd í Egilshöll – sjáðu myndirnar Lífið samstarf Kyana og Viktor giftu sig undir berum himni Lífið Fleiri fréttir Lilja Sif Pétursdóttir krýnd Miss Supranational Europe og talin myndfríðust Fréttatía vikunnar: Leiðtogafundur, Hollywood-stjarna og umdeilt brúðkaup Stefnir á sigur í stærstu kokkakeppni heims Áslaug selur glæsiíbúð í Reykjavík Vægar viðreynslur en engir pervertar Martin Österdahl hættir hjá Eurovision Kyana og Viktor giftu sig undir berum himni Beckham á spítala Albert og Guðlaug saman í fríi á Ibiza Byggir á viðskiptamódeli bandarískrar trúboðsstöðvar Eurovision aðdáendur flykkjast enn til Húsavíkur Hundruðir gengu skrúðgöngu í Laugardal Íslensku sjónvarpsverðlaunin veitt í fyrsta sinn í október Búið spil hjá Katy Perry og Orlando Bloom Súrrealísk upplifun í prinsessuleik í Versölum Sögulegt hús fær nýtt líf: Hafnfirðingar hrannast inn, segja sögur og þakka fyrir Purrkur Pillnikk spilar á Innipúkanum Ósýnileg veikindi hafi ekki minna vægi „Las þetta allt í drasl í gamla daga“ Þessi vilja verða safnstjóri Listasafns Reykjavíkur Þorgerður brák grafin úr gleymsku „Þú gerir heiminn að betri stað“ Ástin kviknaði á Humarhátíð Rúrik mætti með kærustuna í brúðkaupið Sælureitur Frosta og Helgu Gabríelu til sölu Tíu Þjóðhátíðarráð Arons Mola: „Ekki fara í tjörnina “ Bezos færir brúðkaupið vegna mótmæla Fyrsta fjölbragðaglímufélag landsins stefnir á sýningu „Þetta er auðvitað klisja en hann var fullkominn“ Zendaya sást í miðbænum Sjá meira
Þórhallur Heimisson hefur um árabil unnið með íslenskum hjónum í vandræðum með samband sitt. Hann er í dag búsettur í Uppsala í Svíþjóð og greindi í Bítinu á Bylgjunni í morgun frá nýlegri rannsókn. Skilnuðum í Svíþjóð hefur fækkað um 14 prósent í faraldrinum miðað við tölur fyrir fyrstu sjö mánuði ársins. Hann segir faraldurinn og áhrif hans einu ástæðuna sem hægt sé að benda á. Leita inn á við „Skilnaðartíðnin heufr verið í kringum 48-49 prósent í tuttugu til þrjátíu ár og ekkert hefur haggað því,“ segir Þórhallur. Þangað til nú, í breyttu ástandi, þá verði svo mikil sveifla. Sem kemur mörgum spánskt fyrir sjónir enda fjölmargir haft orð á því að of mikil samvera myndi gera út af við sambandið. „Margir hafa sagt að það sé best fyrir fólk að vera eins mikið í sundur og hægt er. En þetta með samveruna hefur orðið til þess að fólk hefur byrjað upp á nýtt, leitað nýrra leiða og unnið sig saman.“ Þórhallur segist ekki hafa séð nýlegar tölur á Íslandi en er spenntur að vita hver þróunin hafi verið hér. Það sé merkilegt að í Svíþjóð sé 50 prósent alls heimilishalds einstæðingar, þar með taldir einstæðir foreldrar. Nenna þessu ekki „Það eru margir sem eru ekki í sambúð,“ segir Þórhallur. Hraðinn í sænsku stórborgunum sé mikill, fjarlægðir sömuleiðis. Þegar eitthvað komi upp á þá skipti fólk fljótt um stefnu og yfirgefi sambandið. „Fólk hugsar með sér að það nenni ekki að standa í þessu og er bara farið.“ Samfélagið í Svíþjóð sé reyndar þannig að fólki sé gert mjög auðvelt að skilja. Fjárhagsáhyggjur vegna skilnaðar séu ekki svo miklar enda auðvelt að hoppa í leiguíbúð við sambandsslit með litlum fyrirvara. Þá séu margir með rósrauða drauma um sambandið og lífið. Ef draumarnir rætist ekki þá nenni fólk ekki að leggja neitt af mörkum. Standi upp og fari óháð því hvaða áhrif það hafi til dæmis á börnin. Vinna í heimilum sínum „Nú hefur fólk neyðst til að vera saman. Vinna heima, leysa hlutina,“ segir Þórhallur. Ferðalög til útlanda og jafnvel milli svæða innanlands séu í lágmarki. Fólk leiti inn á við, vinni í heimilum sínum, fari saman í sumarfrí og þar fram eftir götunum. Þá blæs Þórhallur á umræðu hér heima að skilnuðum fari fjölgandi. Hann segir hlutfallið hafa verið í kringum 39 prósent hér á landi undanfarin þrjátíu ár. Það sé hlutfall þeirra hjónabanda sem endi með skilnaði. Þar sé ekki kynslóðamun að finna. „Ég hef oft sagt að vandamálin eru alltaf þau sömu.“ Fólk taki hvort öðru sem sjálfsögðum hlut, fjarlægist hvort annað og gefi sér ekki tíma. Við bætast fjárhagserfiðleikar, barneignir, erfiðleikar í atvinnu og framhjáhöld. Hjón sem hafa ekki ræktað sambandið vel standi ekki vel þegar slík vandamál komi upp. Þessar aukabirgðir sé erfitt að takast á við. Karlarnir alveg til í að tala Hann segir þó ýmislegt hafa breyst á Íslandi varðandi sambönd og nefnir helst að pör og hjón séu opnari fyrir því að ræða málin við þriðja aðila. „Það var oft sagt að karlar vilji ekki tala um neitt, en það er algjör vitleysa. Þeir eru alveg jafnopnir að ræða málin ef þeir fá tækifæri til.“ Vinskapur í samböndum skipti annars mestu máli. Vísaði Þórhallur til rannsóknar í Bandaríkjunum þar sem rætt var við hjón sem höfðu verið saman í lengri tíma, tuttugu ár eða svo. Lykillinn að árangri? Þau væru góðir vinir. „Það er kjarninn í þessu, að reyna að rækta vináttuna. Hafa gaman af lífinu saman. Það sleppur enginn við vandamál. Gera hlutina saman og sýna hvort öðru virðingu.“ Viðtalið við Þórhall í heild má heyra í spilaranum hér að ofan.
Íslendingar erlendis Svíþjóð Ástin og lífið Fjölskyldumál Mest lesið Vægar viðreynslur en engir pervertar Lífið Fréttatía vikunnar: Leiðtogafundur, Hollywood-stjarna og umdeilt brúðkaup Lífið Lilja Sif Pétursdóttir krýnd Miss Supranational Europe og talin myndfríðust Lífið Áslaug selur glæsiíbúð í Reykjavík Lífið Stefnir á sigur í stærstu kokkakeppni heims Lífið Albert og Guðlaug saman í fríi á Ibiza Lífið Rúrik mætti með kærustuna í brúðkaupið Lífið Byggir á viðskiptamódeli bandarískrar trúboðsstöðvar Lífið F1: The Movie frumsýnd í Egilshöll – sjáðu myndirnar Lífið samstarf Kyana og Viktor giftu sig undir berum himni Lífið Fleiri fréttir Lilja Sif Pétursdóttir krýnd Miss Supranational Europe og talin myndfríðust Fréttatía vikunnar: Leiðtogafundur, Hollywood-stjarna og umdeilt brúðkaup Stefnir á sigur í stærstu kokkakeppni heims Áslaug selur glæsiíbúð í Reykjavík Vægar viðreynslur en engir pervertar Martin Österdahl hættir hjá Eurovision Kyana og Viktor giftu sig undir berum himni Beckham á spítala Albert og Guðlaug saman í fríi á Ibiza Byggir á viðskiptamódeli bandarískrar trúboðsstöðvar Eurovision aðdáendur flykkjast enn til Húsavíkur Hundruðir gengu skrúðgöngu í Laugardal Íslensku sjónvarpsverðlaunin veitt í fyrsta sinn í október Búið spil hjá Katy Perry og Orlando Bloom Súrrealísk upplifun í prinsessuleik í Versölum Sögulegt hús fær nýtt líf: Hafnfirðingar hrannast inn, segja sögur og þakka fyrir Purrkur Pillnikk spilar á Innipúkanum Ósýnileg veikindi hafi ekki minna vægi „Las þetta allt í drasl í gamla daga“ Þessi vilja verða safnstjóri Listasafns Reykjavíkur Þorgerður brák grafin úr gleymsku „Þú gerir heiminn að betri stað“ Ástin kviknaði á Humarhátíð Rúrik mætti með kærustuna í brúðkaupið Sælureitur Frosta og Helgu Gabríelu til sölu Tíu Þjóðhátíðarráð Arons Mola: „Ekki fara í tjörnina “ Bezos færir brúðkaupið vegna mótmæla Fyrsta fjölbragðaglímufélag landsins stefnir á sýningu „Þetta er auðvitað klisja en hann var fullkominn“ Zendaya sást í miðbænum Sjá meira