Fyrsti svarti piparsveinninn í sögu The Bachelor

Forsvarsmenn raunveruleikaþáttanna The Bachelor hafa tilkynnt næsta piparsvein og heitir hann Matt James.

James er 28 ára fasteignasali frá New York og verður hann piparsveinninn árið 2021.

Hann er fyrsti svarti piparsveinninn frá upphafi þáttanna en þeir hófu göngu sína árið 2002.

ABC greinir frá þessu í morgun. Næsta þáttaröð er sú 25. síðan árið 2002 en síðustu vikur hafa þættirnir einmitt verið gagnrýndir mikið fyrir að hafa aldrei valið svartann piparsvein.

James var skráður til leiks í Bacheloretter þáttaröðinni sem til stóð að taka upp í vor en framleiðslu var hins vegar slegið á frest sökum kórónuveirunnar. Í frétt USA Today kemur fram að framleiðendur þáttanna hafi kynnst honum við undirbúning þeirra og talið hann álitlegan í hlutverk næsta piparsveins.