Dag­skráin í dag: Ís­lenskar perlur og frægir Meistara­deildar­leikir

Beinum útsendingu frá íþróttaviðburðum hefur snarfækkað vegna útbreiðslu kórónuveirunnar eins og gefur að skilja. Til að mæta því hafa Stöð 2 Sport og hliðarrásir verið dagskrársettar með nýju dagskrárefni og endursýningum af safnefni til að stytta íþróttaþyrstum stundirnar.

Stöð 2 Sport

Krakkamótin eiga hug og hjörtu sjónvarpsáhorfenda framan af degi áður en klukkan 08.35 og 12.30 verður sýnd Driplið fyrir 6. bekk. Þar eru sýndar áhugaverðar æfingar fyrir yngri iðkendur körfuboltans. Hörku íslenskir körfu- og fótboltaleikir sem og heimildarmynd um Guðmund Steinarsson má svo finna í kvöld.

Stöð 2 Sport 2

Það má finna ansi marga áhugaverða körfuboltaleiki á Stöð 2 Sport 2 í dag og fram á kvöld. Undanúrslitin í Dominos-deild karla frá árinu 2016 er risarnir Njarðvík og KR mættust, oddaleikur KR og Grindavíkur frá 2017 og fimmti leikur ÍR og Njarðvíkur í 8-liða úrslitunum á síðustu leiktíð er á meðal leikja sem sýndir eru í dag.

Stöð 2 Sport 3

Fyrstu tvær útsendingar dagsins á Stöð 2 Sport 3 eru frá sögulegum úrslitaleikjum í Meistaradeildinni. Liverpool og AC Milan frá árinu 2005 og Man. United og Chelsea frá árinu 2008. Síðan taka við útsendingar frá enska bikarnum og úrslitaeinvígi Hauka og Selfoss í Olís-deild karla hefst svo klukkan 20.25 og stendur yfir fram eftir kvöldi.

Stöð 2 eSport

GT kappakstur, fyrstu landsleikir Íslands í eFótbolta, vináttuleikur gegn Rúmeníu, Lenovo-deildin og svo margt fleira má finna á rafíþróttastöð Stöð 2 í dag.

Stöð 2 Golf

Það helsta frá ferli Tiger Woods, útsendingar frá Augustu-meistaramótinu sem og lokadegi Masters-meistaramótsins þar sem Patrick Reed kom, sá og sigraði er á dagskrá Stöð 2 Golf í dag.

Allar útsendingar dagsins má sjá hér.