Sport

Falla metin í Höllinni um helgina?

Sindri Sverrisson skrifar
Eftir að hafa verið í hlutverki stuðningsmanna handboltalandsliðsins í Svíþjóð í janúar eru Guðni Valur og Guðbjörg Jóna mætt til Íslands til að keppa um titla á MÍ í frjálsum íþróttum um helgina.
Eftir að hafa verið í hlutverki stuðningsmanna handboltalandsliðsins í Svíþjóð í janúar eru Guðni Valur og Guðbjörg Jóna mætt til Íslands til að keppa um titla á MÍ í frjálsum íþróttum um helgina. Vísir/Vilhelm

Hraðinn verður ofsafenginn í Laugardalshöll um helgina þar sem fjöldi Íslandsmethafa og ólympíufara verður á ferðinni á Meistaramóti Íslands í frjálsum íþróttum.

Ólympíufararnir Aníta Hinriksdóttir og Guðni Valur Guðnason, sem og fljótasta spretthlaupskona Íslandssögunnar Guðbjörg Jóna Bjarnadóttir, koma til landsins vegna mótsins.

Íslandsmethafinn og ólympíufarinn Erna Sóley Gunnarsdóttir kastar kúlu á sunnudaginn og þær Irma Gunnarsdóttir og Eir Chang Hlésdóttir gætu einnig slegið Íslandsmet sín í þrístökki og 200 metra hlaupi.

Þá verður spennandi að sjá hvað hin 18 ára Christina Alba Marcus Hafliðadóttir gerir í 60 metra hlaupi en á dögunum var hún aðeins 0,06 sekúndum frá því að slá Íslandsmet Guðbjargar Jónu í greininni.

Fjöldi fleira spennandi atriða á mótinu má finna í ítarlegri upphitun á vef Frjálsíþróttasambands Íslands.

Mótið fer fram á morgun og sunnudag og hefst keppni klukkan 13 báða daga. Áætlað er mótinu ljúki með 4x200 metra boðhlaupum á sunnudaginn klukkan 15:30.

Dagskrá mótsins

Frjálsar íþróttir

Mest lesið


Fleiri fréttir

Sjá meira


×

Mest lesið