Stjórn fjarskiptafyrirtækisins Nova hefur ráðið Margréti B. Tryggvadóttur í starf forstjóra félagsins. Þetta kemur fram í tilkynningu frá fyrirtækinu.
Margrét var áður aðstoðarforstjóri Nova og hefur verið einn af lykilstjórnendum fyrirtækisins allt frá stofnun, að því er segir í tilkynningu. Margrét hefur starfað í tæp tuttugu ár sem stjórnandi í fjarskiptageiranum en áður en hún kom að stofnun Nova starfaði hún meðal annars fyrir Tal og Vodafone.
Liv Bergþórsdóttir, fráfarandi forstjóri félagsins, og Jóakim Reynisson, fráfarandi framkvæmdastjóri tæknisviðs Nova, láta nú af störfum hjá félaginu en munu áfram gegna ráðgjafarhlutverki og vera nýjum forstjóra innan handar næstu mánuði.
„Ég hlakka til að taka við stjórninni á stærsta skemmtistað í heimi. Við ætlum að halda áfram að stækka skemmtistaðinn, viðhalda gleðinni og bæta við lagalistann fyrir viðskiptavini okkar. Vöxturinn og breytingarnar sem við höfum upplifað síðustu ár hafa verið ótrúlegar og ég hlakka til, í þessu nýja hlutverki, að vinna enn fleiri sigra með starfsfólki Nova,“ er haft eftir Margréti í tilkynningu Nova.
Samhliða þessum breytingum þá hefur tæknisviði Nova verið skipt upp í tvö svið; fjarskiptasvið og upplýsingatæknisvið. Benedikt Ragnarsson mun leiða fjarskiptasvið Nova og Gunnar A. Ólafsson mun stýra upplýsingatæknisviði. Báðir hafa þeir verið lykilstjórnendur hjá Nova undanfarin 10 ár.
Margrét nýr forstjóri Nova
Kristín Ólafsdóttir skrifar

Mest lesið

Talaði gegn eigin ráðgjöfum um tollana
Viðskipti erlent

Lítið sem ekkert fékkst upp í kröfur í þrotabú bakarísins
Viðskipti innlent

Verðfall á Wall Street
Viðskipti erlent



Lækkanir í Asíu halda áfram
Viðskipti erlent

Kristjana til ÍSÍ
Viðskipti innlent

Nánast allir telja útgerðirnar geta greitt hærri veiðigjöld
Viðskipti innlent

„Svartari sviðsmynd en flestir bjuggust við“
Viðskipti innlent

Trump-tollarnir muni ekki kollsteypa útflutningsgreinum Íslands
Viðskipti innlent