Þingmenn stjórnarandstöðu æfir yfir reiðilestri Bjarna Benediktssonar Nanna Elísa Jakobsdóttir skrifar 22. júní 2015 15:38 Bjarni Benediktsson er ósáttur með stjórnarandstöðuna. Vísir „Herra forseti það er kominn 22. júní. Það þýðir að við erum búin að vera hér í meira en þrjár vikur í óvissuferð. Það fer að hafa áhrif á starfsanda hér á þinginu þegar hver dagur er meiri óvissuferð en sá sem á undan kom,“ sagði Katrín Jakobsdóttir, formaður Vinstri grænna, á Alþingi í dag. Bjarni Benediktsson benti á að ríkisstjórnin hefði fengið meirihluta atkvæða í síðustu Alþingiskosningum en orð hans reittu þingmenn stjórnarandstöðunnar til reiði. Þingmenn flokka í stjórnarandstöðu hófu þingfund í dag á því að gagnrýna þingstörf og hversu seint mál ríkisstjórnarinnar koma fram. Starfsáætlun fyrir sumarþing liggur ekki fyrir og hefur Alþingi starfað í þrjár vikur án starfsáætlunar. Árni Páll Árnason, formaður Samfylkingar, sagði að ríkisstjórnin yrði að gera áætlun um hver forgangsmál yrðu. „Ég hlýt að kalla eftir því að það sé rætt með hvaða hætti þinghald verður hér í sumar.“Guðmundur Steingrímsson er ósáttur við störf þingsins.vísir/vilhelmEnginn vilji til að ná samkomulagi „Forseti það eru nú þrjár vikur síðan að starfsáætlun lauk. Það er ljóst að meirihlutanum er fyrirmunað að leggja fram nokkra raunhæfa áætlun um þinglok,“ sagði Svandís Svavarsdóttir, þingmaður Vinstri grænna. Hún sagði engin merki um að von væri á starfsáætlun frá forseta þingsins. Hún óskaði eftir því fyrir hönd Vinstri grænna að lögð yrði fram starfsáætlun svo að þingmenn gætu sinnt störfum sínum. „Ég vil taka undir þessa beiðni um að það verði sett starfsáætlun fyrir sumarþingið,“ sagði Guðmundur Steingrímsson, formaður Bjartrar framtíðar. „Ég held reyndar að það væri vel hægt ef menn vildu að það væri vel hægt að setjast niður og ná samkomulagi um að ljúka þinginu. Það eru nokkur álitamál sem standa í fólki og það væri vel hægt að leysa þau ef vilji er fyrir hendi.“ Hann sagði þó að hann teldi engan vilja vera fyrir hendi.Katrín Jakobsdóttir, formaður Vinstri grænna.vísir/gvaMinnihlutinn á þingi stilli meirihlutanum upp við vegg Bjarni Benediktsson, fjármálaráðherra, svaraði aðfinnslum stjórnarandstöðunnar á þann veg að stjórnarandstaðan hefði haldið þinginu í gíslingu með því að misnota fundarliði eins og fundarstjórn forseta til þess að beita málþófi. „Stjórnarandstaðan sendir skilaboð um að það megi ekki ljúka ákveðnum málum,“ sagði Bjarni. Hann nefndi andstöðu minnihlutans við makrílfrumvarpið, frumvarpi um rammaáætlun og fleiri mál. „Það eru takmörk fyrir því í hversu mörgum málum stjórnarandstaðan getur stillt ríkisstjórninni upp við vegg, meirihlutaviljanum á þinginu, og sagt þetta kemur ekki til greina.“ Bjarni benti þingmönnum á að öllum ætti að vera ljóst að hér hefðu verið kosningar og því hefði meirihluti Alþingis stuðning þjóðarinnar.Sagði skilgreiningu Bjarna lýsa grunnu lýðræði Ræða Bjarna féll ekki í kramið hjá þingmönnum stjórnarandstöðunnar. Jón Þór Ólason sagði Bjarna lýsa ákaflega grunnu lýðræði og að hann væri ekki sammála þeirri skilgreiningu. „Landsmenn vilja fá dýpra lýðræði.“ Hann benti á að um fimmtíu þúsund undirskriftir hefðu safnast gegn makrílfrumvarpi.Katrín Júlíusdóttir, þingmaður Samfylkingarinnar, snöggreiddist yfir orðum Bjarna.VísirKatrín Júlíusdóttir lýsti yfir óánægju sinni með orð Bjarna. Hún sagði það þó alveg rétt hjá honum að stjórnarandstaðan myndi ekki hleypa í gegn málum sem ganga gegn hagsmunum þjóðarinnar og lýðræðishugsjóninni. Hún sagði það ótækt að Bjarni kæmi upp í pontu og ysi reiðiorðum yfir þingheim.Guðbjartur spurði hver munurinn væri á einræðisríki og lýðræðisríki „Mikið er málflutningur hæstvirts fjármálaráðherra dapurlegur,“ sagði Birgitta Jónsdóttir, formaður Pírata. „Sér í lagi þegar horft er á hans verklag á síðasta þingi þegar hann var í stjórnarandstöðu. Mér finnst bara að hæstvirtur fjármálaráðherra megi skammast sín,“ sagði Birgitta þegar hún gekk úr pontu. Guðbjartur Hannesson, þingmaður Samfylkingarinnar, spurði hvort fjármálaráðherra væri kunnugt um hvað það væri sem skilur að einræðis- og lýðræðisríkja. „Það er tækifæri til að hafa skoðanir,“ sagði hann og bætti við að það sé ætlast til þess að stjórnarflokkar semji við flokka sem eru í minnihluta á þinginu. Alþingi Mest lesið Lést við flúðasiglingar í Vestari-Jökulsá Innlent Amma ræsti neyðarhnapp við enn eina árás dóttur sinnar Innlent Hundarnir þegar aflífaðir en ákvörðun um lógun ólögmæt Innlent Öryggisráðið ákveður að taka yfir Gasa-borg Erlent Flokkarnir dæla milljónum í áróður á Meta Innlent Maður féll í Vestari-Jökulsá Innlent Dvalarleyfi langtum dýrara í hinum Norðurlöndunum Innlent Telja að lífvörður myndi aðeins gera ferðamenn kærulausari Innlent Fann hagtölur sem honum líkar og hélt óvæntan blaðamannafund Erlent Keppa við Kínverja og Rússa um að koma kjarnakljúfi til tunglsins Erlent Fleiri fréttir Lést eftir skyndileg veikindi við klettastökk Segjast ekkert hafa vitað um hætturnar í Reynisfjöru Féll fjóra metra í vinnuslysi í Kópavogi Ómeðvitaðir ferðamenn í Reynisfjöru, síbökuð hjón og tölvuspil fram á nótt Enginn árangur af „veiða og sleppa“ aðferðinni Flokkarnir dæla milljónum í áróður á Meta Hræðast að fleiri en einn fari í sjóinn Átökin „hvorki vegna né þrátt fyrir“ áfengissöluna Heitavatnslaust í Laugardal Lést við flúðasiglingar í Vestari-Jökulsá Langflestir telja sig búa á góðum stað fyrir samkynhneigða Áttu ekki von á neinu veseni og viðbúnaður eftir því Amma ræsti neyðarhnapp við enn eina árás dóttur sinnar Maður féll í Vestari-Jökulsá Fangar í einangrun vegna sama máls noti ekki sama útisvæði Hundarnir þegar aflífaðir en ákvörðun um lógun ólögmæt Samskipti fanga í einangrun, tapsárir Danir og drottning Gleðigöngunnar Allir fundir við ESB „fyrst og fremst“ hagsmunagæsla Telja að lífvörður myndi aðeins gera ferðamenn kærulausari Esjan snjólaus og það óvenju snemma Íslendingurinn í Grikklandi laus úr haldi Dvalarleyfi langtum dýrara í hinum Norðurlöndunum Lögreglurannsókn á banaslysi í Brúará „svo til“ lokið Nauðsynlegt að fólk fái úrræði til að vernda sig frá djúpfölsunum Enginn handtekinn eftir hópslagsmálin Skjálfti fannst á höfuðborgarsvæðinu Finna áhugann dvína á meðan vinir berjast og deyja á vígvellinum „Það fer enginn lífvörður út í“ Reyndi að kaupa glás af nammi og kom upp um tíu ára bankaræningja Gufunesmálið: „Þetta átti aldrei að fara svona“ Sjá meira
„Herra forseti það er kominn 22. júní. Það þýðir að við erum búin að vera hér í meira en þrjár vikur í óvissuferð. Það fer að hafa áhrif á starfsanda hér á þinginu þegar hver dagur er meiri óvissuferð en sá sem á undan kom,“ sagði Katrín Jakobsdóttir, formaður Vinstri grænna, á Alþingi í dag. Bjarni Benediktsson benti á að ríkisstjórnin hefði fengið meirihluta atkvæða í síðustu Alþingiskosningum en orð hans reittu þingmenn stjórnarandstöðunnar til reiði. Þingmenn flokka í stjórnarandstöðu hófu þingfund í dag á því að gagnrýna þingstörf og hversu seint mál ríkisstjórnarinnar koma fram. Starfsáætlun fyrir sumarþing liggur ekki fyrir og hefur Alþingi starfað í þrjár vikur án starfsáætlunar. Árni Páll Árnason, formaður Samfylkingar, sagði að ríkisstjórnin yrði að gera áætlun um hver forgangsmál yrðu. „Ég hlýt að kalla eftir því að það sé rætt með hvaða hætti þinghald verður hér í sumar.“Guðmundur Steingrímsson er ósáttur við störf þingsins.vísir/vilhelmEnginn vilji til að ná samkomulagi „Forseti það eru nú þrjár vikur síðan að starfsáætlun lauk. Það er ljóst að meirihlutanum er fyrirmunað að leggja fram nokkra raunhæfa áætlun um þinglok,“ sagði Svandís Svavarsdóttir, þingmaður Vinstri grænna. Hún sagði engin merki um að von væri á starfsáætlun frá forseta þingsins. Hún óskaði eftir því fyrir hönd Vinstri grænna að lögð yrði fram starfsáætlun svo að þingmenn gætu sinnt störfum sínum. „Ég vil taka undir þessa beiðni um að það verði sett starfsáætlun fyrir sumarþingið,“ sagði Guðmundur Steingrímsson, formaður Bjartrar framtíðar. „Ég held reyndar að það væri vel hægt ef menn vildu að það væri vel hægt að setjast niður og ná samkomulagi um að ljúka þinginu. Það eru nokkur álitamál sem standa í fólki og það væri vel hægt að leysa þau ef vilji er fyrir hendi.“ Hann sagði þó að hann teldi engan vilja vera fyrir hendi.Katrín Jakobsdóttir, formaður Vinstri grænna.vísir/gvaMinnihlutinn á þingi stilli meirihlutanum upp við vegg Bjarni Benediktsson, fjármálaráðherra, svaraði aðfinnslum stjórnarandstöðunnar á þann veg að stjórnarandstaðan hefði haldið þinginu í gíslingu með því að misnota fundarliði eins og fundarstjórn forseta til þess að beita málþófi. „Stjórnarandstaðan sendir skilaboð um að það megi ekki ljúka ákveðnum málum,“ sagði Bjarni. Hann nefndi andstöðu minnihlutans við makrílfrumvarpið, frumvarpi um rammaáætlun og fleiri mál. „Það eru takmörk fyrir því í hversu mörgum málum stjórnarandstaðan getur stillt ríkisstjórninni upp við vegg, meirihlutaviljanum á þinginu, og sagt þetta kemur ekki til greina.“ Bjarni benti þingmönnum á að öllum ætti að vera ljóst að hér hefðu verið kosningar og því hefði meirihluti Alþingis stuðning þjóðarinnar.Sagði skilgreiningu Bjarna lýsa grunnu lýðræði Ræða Bjarna féll ekki í kramið hjá þingmönnum stjórnarandstöðunnar. Jón Þór Ólason sagði Bjarna lýsa ákaflega grunnu lýðræði og að hann væri ekki sammála þeirri skilgreiningu. „Landsmenn vilja fá dýpra lýðræði.“ Hann benti á að um fimmtíu þúsund undirskriftir hefðu safnast gegn makrílfrumvarpi.Katrín Júlíusdóttir, þingmaður Samfylkingarinnar, snöggreiddist yfir orðum Bjarna.VísirKatrín Júlíusdóttir lýsti yfir óánægju sinni með orð Bjarna. Hún sagði það þó alveg rétt hjá honum að stjórnarandstaðan myndi ekki hleypa í gegn málum sem ganga gegn hagsmunum þjóðarinnar og lýðræðishugsjóninni. Hún sagði það ótækt að Bjarni kæmi upp í pontu og ysi reiðiorðum yfir þingheim.Guðbjartur spurði hver munurinn væri á einræðisríki og lýðræðisríki „Mikið er málflutningur hæstvirts fjármálaráðherra dapurlegur,“ sagði Birgitta Jónsdóttir, formaður Pírata. „Sér í lagi þegar horft er á hans verklag á síðasta þingi þegar hann var í stjórnarandstöðu. Mér finnst bara að hæstvirtur fjármálaráðherra megi skammast sín,“ sagði Birgitta þegar hún gekk úr pontu. Guðbjartur Hannesson, þingmaður Samfylkingarinnar, spurði hvort fjármálaráðherra væri kunnugt um hvað það væri sem skilur að einræðis- og lýðræðisríkja. „Það er tækifæri til að hafa skoðanir,“ sagði hann og bætti við að það sé ætlast til þess að stjórnarflokkar semji við flokka sem eru í minnihluta á þinginu.
Alþingi Mest lesið Lést við flúðasiglingar í Vestari-Jökulsá Innlent Amma ræsti neyðarhnapp við enn eina árás dóttur sinnar Innlent Hundarnir þegar aflífaðir en ákvörðun um lógun ólögmæt Innlent Öryggisráðið ákveður að taka yfir Gasa-borg Erlent Flokkarnir dæla milljónum í áróður á Meta Innlent Maður féll í Vestari-Jökulsá Innlent Dvalarleyfi langtum dýrara í hinum Norðurlöndunum Innlent Telja að lífvörður myndi aðeins gera ferðamenn kærulausari Innlent Fann hagtölur sem honum líkar og hélt óvæntan blaðamannafund Erlent Keppa við Kínverja og Rússa um að koma kjarnakljúfi til tunglsins Erlent Fleiri fréttir Lést eftir skyndileg veikindi við klettastökk Segjast ekkert hafa vitað um hætturnar í Reynisfjöru Féll fjóra metra í vinnuslysi í Kópavogi Ómeðvitaðir ferðamenn í Reynisfjöru, síbökuð hjón og tölvuspil fram á nótt Enginn árangur af „veiða og sleppa“ aðferðinni Flokkarnir dæla milljónum í áróður á Meta Hræðast að fleiri en einn fari í sjóinn Átökin „hvorki vegna né þrátt fyrir“ áfengissöluna Heitavatnslaust í Laugardal Lést við flúðasiglingar í Vestari-Jökulsá Langflestir telja sig búa á góðum stað fyrir samkynhneigða Áttu ekki von á neinu veseni og viðbúnaður eftir því Amma ræsti neyðarhnapp við enn eina árás dóttur sinnar Maður féll í Vestari-Jökulsá Fangar í einangrun vegna sama máls noti ekki sama útisvæði Hundarnir þegar aflífaðir en ákvörðun um lógun ólögmæt Samskipti fanga í einangrun, tapsárir Danir og drottning Gleðigöngunnar Allir fundir við ESB „fyrst og fremst“ hagsmunagæsla Telja að lífvörður myndi aðeins gera ferðamenn kærulausari Esjan snjólaus og það óvenju snemma Íslendingurinn í Grikklandi laus úr haldi Dvalarleyfi langtum dýrara í hinum Norðurlöndunum Lögreglurannsókn á banaslysi í Brúará „svo til“ lokið Nauðsynlegt að fólk fái úrræði til að vernda sig frá djúpfölsunum Enginn handtekinn eftir hópslagsmálin Skjálfti fannst á höfuðborgarsvæðinu Finna áhugann dvína á meðan vinir berjast og deyja á vígvellinum „Það fer enginn lífvörður út í“ Reyndi að kaupa glás af nammi og kom upp um tíu ára bankaræningja Gufunesmálið: „Þetta átti aldrei að fara svona“ Sjá meira