Lilja Rafney Magnúsdóttir, þingmaður Vinstri grænna, stakk upp á því á Alþingi í dag að vaskar konur myndu klára störf þingsins á sumarþinginu. Til umræðu voru störf þingsins að undanförnu og þingmenn stjórnarandstöðunnar hafa gagnrýnt harðlega að ekki liggi fyrir starfsáætlun fyrir sumarþing Alþingis.
Lilju þótti ljóst að þeir karlmenn sem eru í forsvari fyrir ríkisstjórnina væru ekki starfi sínu vaxnir og því, í ljósi hátíðarhalda 19.júní, gæti það orðið lausn að konur tækju við stjórnartaumunum út sumarþingið.
Ekki liggur fyrir starfsáætlun fyrir sumarþing Alþingis og hefur þingið starfað án starfsáætlunar í þrjár vikur.
Tillagan er ekki ný af nálinni en Ragnheiður Ríkharðsdóttir, þingmaður Sjálfstæðisflokksins, stakk upp á því fyrir stuttu að konur myndu taka alfarið við störfum á Alþingi í tvö ár í tilefni af hundrað ára afmæli kosningaréttar kvenna.
Vill að konur taki við stjórnartaumum nú á sumarþingi
Tengdar fréttir
Ragnheiður leggur til að næsta þing verði kvennaþing
Mætti með þessu sannreyna hvort vinnubrögð karla og kvenna séu í raun ólík.
Hvernig liti kvennaþingið út?
Ragnheiður Ríkharðsdóttir kynnti á dögunum hugmynd um aðeins konur á Alþingi. Hér má sjá hvernig þessi róttæka hugmynd myndi breyta þinginu nú.
