Lífið

Siggi og Alma orðin for­eldrar

Magnús Jochum Pálsson skrifar
Sigurður Ingvarsson og Alma Finnbogadóttir eru lukkuleg með stúlkuna litlu.
Sigurður Ingvarsson og Alma Finnbogadóttir eru lukkuleg með stúlkuna litlu. Getty

Leikarinn Sigurður Ingvarsson og viðskiptafræðingurinn Alma Finnbogadóttir eru orðin foreldrar eftir að þeirra fyrsta barn, lítil stúlka, kom í heiminn í byrjun febrúar.

Vísir greindi frá því 3. desember 2025 að Siggi og Alma ættu von á barni þegar vinir þeirra héldu steypiboð fyrir þau. Akkúrat tveimur mánuðum síðar kom stúlka í heiminn, 3. febrúar 2026.

Siggi og Alma hafa verið par í rúm fimm ár og búa saman í Vesturbænum. Þau bjuggu um stund saman í New York, þar sem Alma stundaði nám við listaháskólann Parsons en hún starfar nú hjá auglýsingaskrifstofunni Pipar.

Sigurður kemur úr mikilli leikarafjölskyldu, er sonur Ingvars E. Sigurðssonar og Eddu Arnljótsdóttur, útskrifaðist af leiklistarbraut LHÍ 2022 og fór þaðan í Borgarleikhúsið þar sem hann lék í Eitraðri lítilli pillu og Ketti á heitu blikkþaki. Þá hefur hann leikið í myndunum Snertingu og Sumarljós og svo kemur nóttin og fór með hlutverk Ragnars í þáttunum um Vigdísi.

Barnalán Tímamót Ástin og lífið

Tengdar fréttir

„Þá er bara búið að skemma MR“

Fyrrverandi og núverandi nemendur Menntaskólans í Reykjavík eru á einu máli um gagnsemi latínunáms. Táknræn mótmæli vegna umdeildra breytinga á latínukennslu skólans beinast að rektor skólans og eiga rætur að rekja rúm 170 ár aftur í tímann.

Siggi Ingvars og Alma Finnboga fjölga sér

Leikarinn Ingvar E. Sigurðsson er enn og aftur að verða afi og er mikið barnalán í kringum fjölskylduna. Sonur hans og sömuleiðis leikarinn Sigurður Ingvarsson og sambýliskona hans, viðskiptafræðingurinn Alma Finnbogadóttir, eiga von á barni.

Fór í forn­fræði og guð­fræði en gat ekki flúið ör­lögin

Sigurður Ingvarsson stefndi á fræðimennsku eftir menntaskóla en gat ekki flúið þau örlög að verða leikari. Hann leikur í nýjustu mynd Baltasars Kormáks, Snertingu, og stígur á svið í rokksöngleiknum Eitraðri lítilli pillu eftir áramót. Í vor fór hann á sjó eftir mönun tengdaföður síns og segir það hafa verið ólýsanlega erfitt.

Fór í forn­fræði og guð­fræði en gat ekki flúið ör­lögin

Sigurður Ingvarsson stefndi á fræðimennsku eftir menntaskóla en gat ekki flúið þau örlög að verða leikari. Hann leikur í nýjustu mynd Baltasars Kormáks, Snertingu, og stígur á svið í rokksöngleiknum Eitraðri lítilli pillu eftir áramót. Í vor fór hann á sjó eftir mönun tengdaföður síns og segir það hafa verið ólýsanlega erfitt.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.