Starfs­á­ætlun Al­þingis felld úr gildi

Kolbrún Áslaugar Baldursdóttir, sjötti varaforseti Alþingis, greindi frá þessu klukkan sex síðdegis við upphaf þingfundar eftir hlé. Þingfundur hófst í morgun klukkan hálf ellefu.

„Forseti hefur nú síðdegis átt fund með forsætisnefnd og formönnum þingflokka og gert þeim grein fyrir því að starfsáætlun þingsins hefur verið tekin úr sambandi,“ sagði Kolbrún.

Þegar starfsáætlun þingsins er tekin úr sambandi hefur þingforseti heimild til að fjölga þingfundardögum og lengt þingfundi eins og hann telur þörf á.

Nú standa yfir önnur umræða um bókun 35 og talið er að hún standi fram á kvöld. Aukaþingfundur hefur verið boðaður klukkan hálf ellefu í fyrramálið til að halda umræðum áfram.

Í tilkynningu á vefsíðu Alþingis segir að eldhúsdagsumræður verði samkvæmt fyrri áætlun á miðvikudagskvöld þann 11. júní. Samkvæmt starfsáætlun þingsins átti þingfrestun að fara fram eftir viku, 13. júní. Hins vegar er nú óvíst hversu lengi þingstörf haldi áfram.