Erlent

Fimm for­setar við­staddir út­för Carters

Rafn Ágúst Ragnarsson skrifar
Allir forsetar Bandaríkjanna, núverandi og fyrrverandi, eru samankomnir ásamt Kamölu Harris varaforseta.
Allir forsetar Bandaríkjanna, núverandi og fyrrverandi, eru samankomnir ásamt Kamölu Harris varaforseta. AP/Jacquelyn Martin

Forseti Bandaríkjanna og varaforseti ásamt fjórum fyrrverandi forsetum Bandaríkjanna og þremur fyrrverandi varaforsetum eru viðstaddir útför Jimmy Carter, fyrrverandi Bandaríkjaforseta, sem lést á dögunum hundrað ára að aldri.

Sex daga útför hans hófst 4. janúar. Bílalest fylgdi líkbíl með kistu forsetans frá Plains, heimabæ Carters í Georgíuríki, til borgarinnar Atlanta í sama ríki. Þar lá kista forsetans fyrrverandi í tvo daga. Þá var kistu Carters flogið til Washington höfuðborgar Bandaríkjanna og í dag fór síðan fram opinber útför forsetans fyrrverandi í dómkirkjunni í Washington sem biskupinn af Washington fór fyrir.

Carter var 39. Bandaríkjaforseti og gegndi embættinu í eitt kjörtímabil, árin 1977 til 1981. Hann laut í lægra haldi fyrir Ronald Reagan þegar hann sóttist eftir endurkjöri. Vísir gerði lífshlaupi Carters ítarleg skil í tilefni hundrað ára afmælis hans í október í fyrra.

Joe Biden forseti og Kamala Harris varaforseti eru viðstödd athöfnina sem stendur yfir en ásamt þeim eru Donald Trump, Barack Obama, George W. Bush og Bill Clinton, fyrrverandi forsetar, allir viðstaddir.

Fylgjast má með athöfninni í beinni útsendingu hér að neðan.

Bandaríkin Jimmy Carter George W. Bush Bill Clinton Barack Obama Donald Trump Joe Biden

Mest lesið


Fleiri fréttir

Sjá meira


×

Mest lesið