Stuðningsmenn Yazans Tamimi, ellefu ára palestínsks drengs með vöðvahrörnunarsjúkdóm, efndu í dag til gjörnings við Lækjartorg til að mótmæla fyrirhugaðri brottvísun hans úr landi.
Hjólastól var komið fyrir á torginu og úr honum liðast rætur, sem eiga að tákna ræturnar sem Yazan og fjölskylda hafa skotið hér á landi.
Stuðningsfólk Yazans skiptist svo á að sitja í stólnum, og hyggst halda gjörningnum gangandi næstu daga.
Efnt var til fjölmennra mótmæla á Austurvelli vegna máls Yazans um nýliðna helgi, eftir að umsókn hans alþjóðlega vernd var endanlega synjað í síðustu viku.
Ellefu ára palestínskum dreng með hrörnunarsjúkdóm verður vísað úr landi eftir að Kærunefnd útlendinga vísaði máli hans frá og neitaði honum endanlega um vernd hér á landi. Boðað hefur verið til mótmæla á sunnudag vegna þessa.
Fjöldi fólks kom saman á Austurvelli í dag til að mótmæla brottvísun Yazans Tamimi, ellefu ára palestínsks drengs með vöðvarýrnunarsjúkdóm.
