Cavaliers enduðu í 4. sæti austurdeildarinnar og Magic í 5. sæti. Aðeins einum sigri munaði milli liðanna og það má því gera ráð fyrir jafnri og spennandi rimmu.
Leikurinn í dag var að mestu í höndum heimamanna, Cleveland Cavaliers. Þeir leiddu með sjö stigum eftir fyrsta leikhlutann og hálfleikstölur voru 53-41 þeim í vil.
The Cavs getting HOT from three early 🔥
— NBA on ESPN (@ESPNNBA) April 20, 2024
📺 ESPN pic.twitter.com/5CLiruYcie
Gestunum gekk illa að saxa á forystuna í seinni hálfleik og sátu á endanum eftir með sárt ennið.
Donovan Mitchell hjá Cavaliers var stigahæstur í leiknum með 30 stig, hann gaf að auki 3 stoðsendingar og tókst þrisvar að stela boltanum. Paulo Banchero skilaði flestum stigum hjá gestunum, 24 talsins auk 13 frákasta og 5 stoðsendinga.
Phoenix Suns og Minnesota Timberwolves eigast einnig við í vestrinu í kvöld. Leikur þeirra er í beinni útsendingu á Stöð 2 Sport 2.
Klukkan 22:00 hefst svo úrslitakeppnin í austrinu þegar Philadelphia 76ers taka á móti New York Knicks.
- Fyrsta umferð úrslitakeppni NBA
- - Austurdeildin -
- (1) Boston Celtics - (8) Miami Heat
- (2) New York Knicks - (7) Philadelphia 76ers
- 3) Milwaukee Bucks - (6) Indiana Pacers
- (4) Cleveland Cavaliers - (5) Orlando Magic
- - Vesturdeildin -
- (1) Oklahoma City Thunder - (8) New Orleans Pelicans
- (2) Denver Nuggets - (7) Los Angeles Lakers
- (3) Minnesota Timberwolves - (6) Phoenix Suns
- 4) Los Angeles Clippers - (5) Dallas Mavericks