Fram­kvæmda­stjóri Jafn­réttis­stofu til Visku

Í tilkynningu kemur fram að áður en hún hóf störf hjá Jafnréttisstofu hafi hún verið aðstoðarmaður bæjarstjóra á Akureyri frá 2014. 

„Katrín er með M.Ed gráðu í menntunarfræðum með áherslu á kynjajafnrétti frá Háskólanum á Akureyri. Hún er menntuð í uppeldis- og kennslufræðum frá sama skóla auk þess að vera með BA prófi í sagnfræði frá Háskóla Íslands. Á árunum 2006–2014 var Katrín framkvæmdastjóri samfélags- og mannréttindadeildar Akureyrar, en fyrir það starfaði hún sem jafnréttisráðgjafi Akureyrar og sérfræðingur hjá Jafnréttisstofu.

Sérfræðingur í kjara- og réttindamálum er nýtt stöðugildi hjá Visku og mun Katrín meðal annars sinna gerð stofnana- og fyrirtækjasamninga auk þess að hafa umsjón með starfsmati félagsfólks Visku hjá sveitarfélögum,“ segir í tilkynningunni. 

Viska – stéttarfélag er stærsta aðildarfélag BHM og eitt stærsta stéttarfélag sérfræðinga á Íslandi. Félagið tók til starfa um áramótin og varð til við sameiningu nokkurra rótgróinna stéttarfélaga sérfræðinga. Viska byggir á norrænni fyrirmynd þar sem áhersla er lögð á fjölbreytta og víðtæka þjónustu við félagsfólk.