Baltasar og Eliza á há­tíðar­sýningu Natatorium

Myndin segir frá ungri stúlku, Lilju sem kemur til Reykjavíkur til að þreyta inntökupróf í alþjóðlegan gjörningahóp. Hún ákveður að dvelja hjá ömmu sinni Áróru og afa sínum Grími sem hún hefur ekki séð lengi vegna ósættis í fjölskyldunni. 

Þegar líður á dvöl Lilju fer ýmislegt undarlegt að koma upp á yfirborðið og ljóst er að það sem hefur sundrað fjölskyldunni er hrikalegt leyndarmál sem engin þorir að tala um. Þegar Lilja er tekin inn í listahópinn býður Áróra fjölskyldunni heim til að fagna og hefur það skelfilegar afleiðingar í för með sér.

Leikstjórn er í höndum Helenu Stefánsdóttur. Þær Elin Petersdottir og Ilmur María Arnardóttir fara með aðalhlutverk myndarinnar. Auk leikara og aðstandenda myndarinnar mátti sjá vænan skammt af frægu fólki og má þar nefna Baltasar Kormák leikstjóra, Benedikt Erlingsson leikara og Elizu Reid forsetafrú.

Hér fyrir neðan má sjá nokkrar vel valdar myndir frá viðburðinum.