Parið greindi frá komu drengsins í sameiginlegri færslu á Instagram.
Berglind greindi frá óléttuni í byrjun júní þar sem hún tók skýrt fram að hún væri hvergi nærri hætt í knattspyrnu. „Nei, ég er ekki hætt,“ skrifaði hún við mynd af sér og Kristjáni með sónarmynd í hönd.
Eyjamærin Berglind hefur verið alveg skýr með það að hún ætli að snúa aftur á knattspyrnuvöllinn eftir barnsburð. Framherjinn 31 árs gamli hefur komið víða við á sínum ferli og spilað með stórliðum á borð við PSV í Hollandi, AC Milan á Ítalíu og Brann í Noregi. Þá hefur hún spilað fyrir Breiðablik, ÍBV og Fylki hér á landi.
Hún á að baki 72 A-landsleiki og hefur skorað í þeim 12 mörk. Þar á meðal mark Íslands í 1-1 jafnteflinu gegn Belgíu á EM sumarið 2022.
