Innlent

Vinstri beygjan við Eiðs­granda aldrei í hættu

Bjarki Sigurðsson skrifar
Beygjan við gámana um miðja mynd er beygjan sem um ræðir.
Beygjan við gámana um miðja mynd er beygjan sem um ræðir. Vísir/Arnar

Vinstri beygjan af Hringbraut á Eiðsgranda við JL-húsið er ekki í hættu líkt og borgarfulltrúi Sjálfstæðisflokksins hefur haldið fram. Beygjan sem lagt er til að hverfi er úr porti nokkrum metrum frá hringtorginu. 

Í kvöldfréttum Stöðvar 2 í gær var fjallað um að stefnt væri að því að breyta gatnamótum Hringbrautar, Eiðsgranda og Ánanausta í T-gatnamót. Þar var vitnað í grein borgarfulltrúa Sjálfstæðisflokksins sem sagði að banna ætti vinstri beygju af Hringbraut yfir á Eiðsgranda.

Snýr það að því að í tillögu skrifstofu samgöngustjóra og borgarhönnunar segir að: „Tillagan gerir ráð fyrir að ekki verði unnt að taka vinstri beygju frá Hringbraut 121 inn á Eiðsgranda.“

Ekki er verið að tala um akstur af Hringbraut heldur út af bílaplaninu við JL-húsið og portinu þar á bak við. Hjálmar Sveinsson, borgarfulltrúi Samfylkingarinnar, staðfestir þetta í samtali við fréttastofu. 

Inni í rauða hringnum má sjá hvar ekki má beygja út til vinstri á Eiðsgranda þegar gatnamótin verða að T-gatnamótum.
Samgöngur Reykjavík Vegagerð Umferð Borgarstjórn Umferðaröryggi

Mest lesið


Fleiri fréttir

Sjá meira


×

Mest lesið