Lífið

NCIS-stjarnan David Mc­Callum er látinn

Atli Ísleifsson skrifar
David McCallum á viðburði árið 2009.
David McCallum á viðburði árið 2009. Getty

Breski leikarinn David McCallum, sem þekktastur er fyrir hlutverk sitt í þáttunum The Man From U.N.C.L.E frá sjöunda áratugnum og í seinni tíð þáttunum NCIS, er látinn. Hann varð níræður.

McCallum fór með hlutverk rússnesks leyniþjónustumanns í njósnaþáttunum The Man From U.N.C.L.E sem framleiddir voru á árunum 1964 til 1968. Í seinni tíð sló hann svo aftur í gegn sem réttarmeinafræðingurinn Donald „Ducky“ Mallard í þáttunum NCIS sem fjalla um rannsóknardeild innan bandaríska sjóhersins.

BBC segir frá því að leikarinn, sem fæddist í Skotlandi árið 1933, hafi andast af náttúrulegum orsökum í New York í Bandaríkjunum í gær.

McCallum hlaut á sínum tíma fjölda tilnefninga til Emmy- og Golden Globe-verðlauna fyrir hlutverk sitt sem Illya Kuryakin í þáttunum The Man From U.N.C.L.E.

Á leiklistarferli sínum birtist hann jafnframt í kvikmyndum á borð við The Great Escape, The Greatest Story Ever Told og A Night to Remember.

Andlát Bíó og sjónvarp Bretland Skotland


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.