Bein útsending í sólarhring: Rósa Björk fær stjörnur í heimsókn

Þetta er í annað sinn sem Rósa Björk, sem gengur undir nafninu g00nhunter á tölvuleikjastreymisveitunni Twitch, stendur fyrir slíku streymi til styrktar samtakanna. Í fyrra söfnuðust 1,4 milljónir króna en Rósa Björk stefnir á að safna enn meiru í ár.

Það er óhætt að segja að dagskrá streymisins í ár sé stútfull. Þjóðþekktir einstaklingar munu kíkja í streymið til Rósu Bjarkar og taka áskorunum. Herra Hnetusmjör, Birgir Hákon, Flóni og Friðrik Dór verða meðal gesta. Sá síðastnefndi mun einmitt taka áskorun með Rósu og borða ógeðslegan mat með bundið fyrir augun.

Hægt er að fylgjast með streyminu í beinni útsendingu í spilaranum hér fyrir neðan:

Ýmsir vinningar verða gefnir á meðan á streyminu stendur. Flugfélagið Play gefur til dæmis tvo flugmiða og Bleksmiðjan gefur gjafabréf.

Þrátt fyrir að viðburður sem þessi séu yfirleitt ætlaðir áhugafólki um tölvuleiki þá er streymið í ár sniðið að fjöldanum. „Í ár þá langar okkur að gera þetta miklu stærra og flottara þannig við ætlum að hafa þetta svolítið fyrir alla og ég mun spila tölvuleiki miklu minna,“ segir Rósa.