Bill Gates sagður vera kominn með kærustu

Bjarki Sigurðsson skrifar 9. febrúar 2023 10:08

Paula Hurd sést hér lengst til vinstri og Bill Gates fyrir miðju. Myndin var tekin í mars árið 2022. Getty/Matthew Stockman

Bill Gates, stofnandi tæknirisans Microsoft, er sagður vera kominn með kærustu. Gates greindi frá skilnaði sínum og Melindu Gates í maí árið 2021 en þau höfðu verið gift í 27 ár.

Konan sem sögð er hafa verið í sambandi með Gates í yfir ár heitir Paula Hurd og er ekkja fyrrverandi forstjóra Oracle og Hewlett-Packard, Mark Hurd. Hann lést árið 2019 eftir baráttu við krabbamein.

Hurd og Gates hafa sést saman þónokkrum sinnum síðasta ár eða svo en hún hefur aldrei verið nafngreind fyrr en nú. PageSix greinir frá því hver hún er.

Paula starfar sem viðburðaskipuleggjandi og í góðgerðastörfum. Þau eru sögð hafa þekkst lítillega á meðan þau voru bæði í hjónabandi vegna áhuga þeirra beggja á tennis.

Gates á þrjú börn úr fyrra sambandi, Jennifer, Rory og Phoebe en Hurd á tvö börn, Kathryn og Kelly.

Fyrrverandi eiginmaður Hurd þurfti að víkja úr starfi hjá Hewlett-Packard árið 2010 eftir að hafa verið ásakaður um að áreita konu kynferðislega. Þau héldu þó hjónabandi sínu áfram.

Ástin og lífið Microsoft Bandaríkin

Tengdar fréttir

Bill og Melinda Gates skilja

Auðkýfingurinn Bill Gates og eiginkona hans Melinda eru að skilja eftir 27 ára hjónaband.

3. maí 2021 20:42

Gates sagður hafa átt í ástarsambandi við verkfræðing hjá Microsoft

Bill Gates sagði sig frá stjórnarstörfum hjá Microsoft árið 2020 í kjölfar þess að stjórnin réði lögmannsstofu til að rannsaka rómantískt samband hans við starfsmann fyrirtækisins.

17. maí 2021 07:33

Bill Gates heitir því að detta af listanum yfir auðugustu menn heims

Auðjöfurinn og frumkvöðullinn Bill Gates hefur heitið því enn og aftur að gefa auðæfi sín og segist stefna að því að detta af listum yfir ríkustu einstaklinga veraldar. Eins og stendur er hann í fjórða sæti, á eftir Elon Musk, Jeff Bezos og Bernard Arnault og fjölskyldu.

14. júlí 2022 10:51

Forstjóri HP hættir vegna ásakana um áreitni

Mark Hurd, forstjóri Hewlett-Packard tölvuframleiðandans, hefur sagt starfi sínu lausu eftir að hann var ásakaður um að hafa áreitt konu kynferðislega. Konan var viðskiptavinur fyrirtækisins. Talsmenn Hewlett-Packard segja að stefnumörkun fyrirtækisins gegn kynferðilegri áreitni hefði ekki verið brotin. Hins vegar hefðu reglur fyrirtækisins um viðskiptasiðferði verið brotnar. Cathie Lesjak hefur verið ráðin forstjóri Hewlett-Packard til bráðabirgða.

7. ágúst 2010 16:20