Ekki þurfti lengi að bíða þess að við Háskólann á Akureyri færi fram doktorsvörn Eyjólfur Guðmundsson skrifar 11. október 2022 11:01 Heimild til doktorsnáms skiptir sköpum fyrir sjálfstæðan háskóla. Með doktorsnámi er tryggt að nám og rannsóknir eru stundaðar jöfnum höndum við Háskólann á Akureyri og að háskólinn getur sérhæft sig enn frekar til að verða uppspretta þekkingar fyrir landið allt – en ekki síst fyrir landsvæði utan höfuðborgarinnar. Samfélög nútímans, og í enn auknum mæli samfélög framtíðarinnar, munu krefjast gríðarlegrar þekkingar á öllum sviðum svo unnt sé að viðhalda bestu lífsgæðum fyrir okkur öll. Þekkingarleit háskólanna er grundvallaratriði í því ferli og kjölfesta fyrir aukin verðmæti, betri skilning á heiminum öllum og betri þekkingu á okkur sjálfum og samfélögum okkar. Án doktorsnáms gæti Háskólinn á Akureyri ekki tekið næstu skref inn í framtíðina. Á þeim 35 árum sem Háskólinn á Akureyri hefur starfað hefur starfsfólk hans, stuðningsaðilar og nærsamfélögin okkar (um land allt) svo sannarleg tekið höndum saman um að búa til öfluga rannsókna- og menntastofnun sem stenst öðrum háskólum fyllilega snúning. Háskólinn á Akureyri hefur vaxið ár frá ári í stúdentafjölda en jafnframt náð að viðhalda gæðum náms, líkt og fram kemur í könnunum á meðal stúdenta. Háskólinn hefur einnig verið í fararbroddi hvað varðar stafræna miðlun náms (eða fjarnáms) og lyft grettistaki í þeim málum fyrir landið allt svo eftir hefur verið tekið. Fræðafólk HA hefur aukið rannsóknavirkni sína verulega á síðustu árum og í skýrslu Menntamálaráðuneytisins, sem kom út fyrr á árinu, kom fram að rannsóknastig á hvern akademískan starfsmann (miðað við árið 2019) var til jafns á við rannsóknastig annarra opinberra háskóla. Staða Háskólans á Akureyri hefur jafnframt verið mjög sterk þegar horft hefur verið til niðurstöðu úr stofnanamati Gæðaráðs íslenskra háskóla en HA hefur farið í gegnum tvær stórar allsherjarúttektir á síðustu 10 árum og í bæði skiptin fengið mjög jákvæða umsögn erlendra úttektaraðila, eins og sjá má á heimasíðu Gæðaráðsins. Á sama tíma hefur starfsfólk verið jákvætt í svörum sínum í könnun um stofnun ársins og þar hefur HA verið hæstur á meðal opinberra háskóla – og allt hefur þetta gengið innan fjárhagsramma þó stundum hafi það staðið óþægilega tæpt. Undirbúningur þess að unnt væri að hefja doktorsnám við HA á sér langa sögu en formlega fór ferlið af stað upp úr 2009. Í stefnu háskólans 2012 – 2017 var viðurkenning á doktorsnámi fyrir HA eitt af meginmarkmiðum skólans og það markmið náðist þann 20. október árið 2018 þegar þáverandi menntamálaráðherra, Kristján Þór Júlíusson, skrifaði undir heimildina við hátíðlega athöfn í Hátíðarsal Háskólans á Akureyri. Það má því með sanni segja að Háskólinn á Akureyri hafi að endingu sannað sig sem ein helsta menntastofnun landsins og líklegast ein best heppnaða aðgerð stjórnvalda til að efla aðgengi að háskólamenntun á landinu öllu. Við vonumst því eftir að stjórnvöld sjái sér hag í að efla Háskólann á Akureyri enn frekar á næstu árum. Í dag er því merkisdagur í sögu Háskólans á Akureyri þegar fram fer fyrsta doktorsvörnin við skólann. Karen Birna Þorvaldsdóttir mun verja ritgerð sína í heilbrigðisvísindum en ritgerðin ber heitið: Að skilja og mæla hindranir þess að leita sér hjálpar eftir áfall – Þróun á mælitæki með blönduðum aðferðum. Vörnin hefst kl. 13 í Hátíðarsal Háskólans á Akureyri og er öllum opin. Ritgerðin var unnin undir leiðsögn Sigríðar Halldórsdóttur, prófessors við Háskólann á Akureyri. Auk hennar voru í doktorsnefnd Denise Saint Arnault, prófessor við University of Michigan í Bandaríkjunum, Rhonda M. Johnson, prófessor við University of Alaska Anchorage í Bandaríkjunum, og Sigrún Sigurðardóttir, dósent við Háskólann á Akureyri. Andmælendur eru Stefanía Ægisdóttir, prófessor í sálfræði við Ball State University í Bandaríkjunum, og Maria Wemrell, dósent í lýðheilsuvísindum við Lunds universitet í Svíþjóð. Með þessari fyrstu doktorsvörn er jafnframt svarað lokaorðum Haraldar Bessasonar, fyrsta rektors Háskólans á Akureyri, er hann skrifaði í ritgerð um háskóla á Akureyri að „Hugmyndir um hærri háskólagráður eru enn á reiki. Þó má ætla að ekki þurfi lengi að bíða þess að stúdentar geti stefnt að meistara- og doktorsgráðum….“ Það er rétt að ávarpa Harald beint á þessari stóru stund Háskólans á Akureyri: „Ágæti Haraldur, það tók aðeins 35 ár frá stofnun háskólans þar til fyrsta doktorsvörn stúdents HA fór fram. Það er skammur tími í sögu háskóla almennt og varstu virkilega framsýnn í orðum þínum frá árinu 1986.“ Við óskum doktorskandídat góðs gengis í vörn sinni í dag og starfsfólki, fræðasamfélaginu við HA og annarsstaðar, svo og landsmönnum öllum, innilega til hamingju með þennan áfanga. Höfundur er rektor Háskólans á Akureyri. Viltu birta grein á Vísi? Sendu okkur póst. Senda grein Háskólar Akureyri Mest lesið Augnablikið Magnús Jóhann Hjartarson Skoðun Sniðgangan á Rapyd slær öll met Björn B. Björnsson Skoðun Pólitískt hugrekki og pólitískt hugleysi: ólík stefna tveggja systurflokka Birgir Finnsson Skoðun Það þarf ekki að biðjast afsökunar á því að segja satt Þórður Snær Júlíusson Skoðun Tölum um stóra valdaframsalsmálið Hjörtur J. Guðmundsson Skoðun Listnám er lífsbjörg – opið bréf til ráðherra mennta, félags og heilbrigðismála, til stuðnings Söngskóla Sigurðar Demetz Dagbjört Andrésdóttir Skoðun Gott frumvarp, en hvað með verklagið? Bogi Ragnarsson Skoðun Litla landið sem kennir heiminum – Ísland og þróunarsamvinna í gegnum menntun GRÓ skólanna Verena Karlsdóttir,Hreiðar Þór Valtýsson,Þór Heiðar Ásgeirsson Skoðun Ísland gjaldþrota vegna fatlaðs fólks? Alma Ýr Ingólfsdóttir Skoðun Árið 2023 kemur aldrei aftur Heiðrún Lind Marteinsdóttir Skoðun Skoðun Skoðun Alþingi gleymir aftur fötluðum börnum Lúðvík Júlíusson skrifar Skoðun Lægri gjöld, fleiri tækifæri Bragi Bjarnason skrifar Skoðun Tölum um stóra valdaframsalsmálið Hjörtur J. Guðmundsson skrifar Skoðun Litla landið sem kennir heiminum – Ísland og þróunarsamvinna í gegnum menntun GRÓ skólanna Verena Karlsdóttir,Hreiðar Þór Valtýsson,Þór Heiðar Ásgeirsson skrifar Skoðun Öflugar varnir krefjast stöndugra fréttamiðla Sigríður Dögg Auðunsdóttir skrifar Skoðun Gott frumvarp, en hvað með verklagið? Bogi Ragnarsson skrifar Skoðun Augnablikið Magnús Jóhann Hjartarson skrifar Skoðun Listnám er lífsbjörg – opið bréf til ráðherra mennta, félags og heilbrigðismála, til stuðnings Söngskóla Sigurðar Demetz Dagbjört Andrésdóttir skrifar Skoðun Það þarf ekki að biðjast afsökunar á því að segja satt Þórður Snær Júlíusson skrifar Skoðun Lífeyrissjóðirnir og Íslandsbanki, hluthafafundur á mánudag Bolli Héðinsson skrifar Skoðun „Þegar arkitektinn fer á flug“ - opinber umræða á villigötum Eyrún Arnarsdóttir skrifar Skoðun Heilbrigðiskerfið þarf stjórnvöld með bein í nefinu Svandís Svavarsdóttir skrifar Skoðun Börn eru hvorki veiðigjöld né öryggis- og varnarmál Grímur Atlason skrifar Skoðun Í vörn gegn sjálfum sér? Ólafur Stephensen skrifar Skoðun Mig langar að byggja heim með frið og umlykja með ást Guðmunda G. Guðmundsdóttir skrifar Skoðun Þjóðin stendur með sjúkraliðum Sandra B. Franks skrifar Skoðun Vegið að íslenska lífeyriskerfinu Björgvin Jón Bjarnason,Þóra Eggertsdóttir,Halldór Kristinsson,Guðmundur Svavarsson,Elsa Björk Pétursdóttir,Jón Ólafur Halldórsson,Arnar Hjaltalín skrifar Skoðun Ísland gjaldþrota vegna fatlaðs fólks? Alma Ýr Ingólfsdóttir skrifar Skoðun Veiðigjöld, gaslýsingar og valdníðsla Kristinn Karl Brynjarsson skrifar Skoðun Sniðgangan á Rapyd slær öll met Björn B. Björnsson skrifar Skoðun Pólitískt hugrekki og pólitískt hugleysi: ólík stefna tveggja systurflokka Birgir Finnsson skrifar Skoðun Árið 2023 kemur aldrei aftur Heiðrún Lind Marteinsdóttir skrifar Skoðun Trumpistar eru víða Trausti Breiðfjörð Magnússon skrifar Skoðun Fasteignagjöld eru lág í Reykjavík Sara Björg Sigurðardóttir skrifar Skoðun Gerræðisleg áform í anda Ráðstjórnarríkjanna Guðmundur Fertram Sigurjónsson skrifar Skoðun Opið svar til formanns Samleik- Útsvarsgreiðendur borga leikskólann í Kópavogi! Rakel Ýr Isaksen skrifar Skoðun Nýbakaðir foreldrar og óbökuð loforð Ingveldur Anna Sigurðardóttir skrifar Skoðun Þegar bráðamóttakan drepur þig hraðar Hólmfríður Ásta Hjaltadóttir skrifar Skoðun Samkeppnin tryggir hag neytenda Hanna Katrín Friðriksson skrifar Skoðun Stóðhryssur ekki moldvörpur Hallgerður Ljósynja Hauksdóttir skrifar Sjá meira
Heimild til doktorsnáms skiptir sköpum fyrir sjálfstæðan háskóla. Með doktorsnámi er tryggt að nám og rannsóknir eru stundaðar jöfnum höndum við Háskólann á Akureyri og að háskólinn getur sérhæft sig enn frekar til að verða uppspretta þekkingar fyrir landið allt – en ekki síst fyrir landsvæði utan höfuðborgarinnar. Samfélög nútímans, og í enn auknum mæli samfélög framtíðarinnar, munu krefjast gríðarlegrar þekkingar á öllum sviðum svo unnt sé að viðhalda bestu lífsgæðum fyrir okkur öll. Þekkingarleit háskólanna er grundvallaratriði í því ferli og kjölfesta fyrir aukin verðmæti, betri skilning á heiminum öllum og betri þekkingu á okkur sjálfum og samfélögum okkar. Án doktorsnáms gæti Háskólinn á Akureyri ekki tekið næstu skref inn í framtíðina. Á þeim 35 árum sem Háskólinn á Akureyri hefur starfað hefur starfsfólk hans, stuðningsaðilar og nærsamfélögin okkar (um land allt) svo sannarleg tekið höndum saman um að búa til öfluga rannsókna- og menntastofnun sem stenst öðrum háskólum fyllilega snúning. Háskólinn á Akureyri hefur vaxið ár frá ári í stúdentafjölda en jafnframt náð að viðhalda gæðum náms, líkt og fram kemur í könnunum á meðal stúdenta. Háskólinn hefur einnig verið í fararbroddi hvað varðar stafræna miðlun náms (eða fjarnáms) og lyft grettistaki í þeim málum fyrir landið allt svo eftir hefur verið tekið. Fræðafólk HA hefur aukið rannsóknavirkni sína verulega á síðustu árum og í skýrslu Menntamálaráðuneytisins, sem kom út fyrr á árinu, kom fram að rannsóknastig á hvern akademískan starfsmann (miðað við árið 2019) var til jafns á við rannsóknastig annarra opinberra háskóla. Staða Háskólans á Akureyri hefur jafnframt verið mjög sterk þegar horft hefur verið til niðurstöðu úr stofnanamati Gæðaráðs íslenskra háskóla en HA hefur farið í gegnum tvær stórar allsherjarúttektir á síðustu 10 árum og í bæði skiptin fengið mjög jákvæða umsögn erlendra úttektaraðila, eins og sjá má á heimasíðu Gæðaráðsins. Á sama tíma hefur starfsfólk verið jákvætt í svörum sínum í könnun um stofnun ársins og þar hefur HA verið hæstur á meðal opinberra háskóla – og allt hefur þetta gengið innan fjárhagsramma þó stundum hafi það staðið óþægilega tæpt. Undirbúningur þess að unnt væri að hefja doktorsnám við HA á sér langa sögu en formlega fór ferlið af stað upp úr 2009. Í stefnu háskólans 2012 – 2017 var viðurkenning á doktorsnámi fyrir HA eitt af meginmarkmiðum skólans og það markmið náðist þann 20. október árið 2018 þegar þáverandi menntamálaráðherra, Kristján Þór Júlíusson, skrifaði undir heimildina við hátíðlega athöfn í Hátíðarsal Háskólans á Akureyri. Það má því með sanni segja að Háskólinn á Akureyri hafi að endingu sannað sig sem ein helsta menntastofnun landsins og líklegast ein best heppnaða aðgerð stjórnvalda til að efla aðgengi að háskólamenntun á landinu öllu. Við vonumst því eftir að stjórnvöld sjái sér hag í að efla Háskólann á Akureyri enn frekar á næstu árum. Í dag er því merkisdagur í sögu Háskólans á Akureyri þegar fram fer fyrsta doktorsvörnin við skólann. Karen Birna Þorvaldsdóttir mun verja ritgerð sína í heilbrigðisvísindum en ritgerðin ber heitið: Að skilja og mæla hindranir þess að leita sér hjálpar eftir áfall – Þróun á mælitæki með blönduðum aðferðum. Vörnin hefst kl. 13 í Hátíðarsal Háskólans á Akureyri og er öllum opin. Ritgerðin var unnin undir leiðsögn Sigríðar Halldórsdóttur, prófessors við Háskólann á Akureyri. Auk hennar voru í doktorsnefnd Denise Saint Arnault, prófessor við University of Michigan í Bandaríkjunum, Rhonda M. Johnson, prófessor við University of Alaska Anchorage í Bandaríkjunum, og Sigrún Sigurðardóttir, dósent við Háskólann á Akureyri. Andmælendur eru Stefanía Ægisdóttir, prófessor í sálfræði við Ball State University í Bandaríkjunum, og Maria Wemrell, dósent í lýðheilsuvísindum við Lunds universitet í Svíþjóð. Með þessari fyrstu doktorsvörn er jafnframt svarað lokaorðum Haraldar Bessasonar, fyrsta rektors Háskólans á Akureyri, er hann skrifaði í ritgerð um háskóla á Akureyri að „Hugmyndir um hærri háskólagráður eru enn á reiki. Þó má ætla að ekki þurfi lengi að bíða þess að stúdentar geti stefnt að meistara- og doktorsgráðum….“ Það er rétt að ávarpa Harald beint á þessari stóru stund Háskólans á Akureyri: „Ágæti Haraldur, það tók aðeins 35 ár frá stofnun háskólans þar til fyrsta doktorsvörn stúdents HA fór fram. Það er skammur tími í sögu háskóla almennt og varstu virkilega framsýnn í orðum þínum frá árinu 1986.“ Við óskum doktorskandídat góðs gengis í vörn sinni í dag og starfsfólki, fræðasamfélaginu við HA og annarsstaðar, svo og landsmönnum öllum, innilega til hamingju með þennan áfanga. Höfundur er rektor Háskólans á Akureyri.
Listnám er lífsbjörg – opið bréf til ráðherra mennta, félags og heilbrigðismála, til stuðnings Söngskóla Sigurðar Demetz Dagbjört Andrésdóttir Skoðun
Litla landið sem kennir heiminum – Ísland og þróunarsamvinna í gegnum menntun GRÓ skólanna Verena Karlsdóttir,Hreiðar Þór Valtýsson,Þór Heiðar Ásgeirsson Skoðun
Skoðun Litla landið sem kennir heiminum – Ísland og þróunarsamvinna í gegnum menntun GRÓ skólanna Verena Karlsdóttir,Hreiðar Þór Valtýsson,Þór Heiðar Ásgeirsson skrifar
Skoðun Listnám er lífsbjörg – opið bréf til ráðherra mennta, félags og heilbrigðismála, til stuðnings Söngskóla Sigurðar Demetz Dagbjört Andrésdóttir skrifar
Skoðun Vegið að íslenska lífeyriskerfinu Björgvin Jón Bjarnason,Þóra Eggertsdóttir,Halldór Kristinsson,Guðmundur Svavarsson,Elsa Björk Pétursdóttir,Jón Ólafur Halldórsson,Arnar Hjaltalín skrifar
Skoðun Pólitískt hugrekki og pólitískt hugleysi: ólík stefna tveggja systurflokka Birgir Finnsson skrifar
Skoðun Opið svar til formanns Samleik- Útsvarsgreiðendur borga leikskólann í Kópavogi! Rakel Ýr Isaksen skrifar
Listnám er lífsbjörg – opið bréf til ráðherra mennta, félags og heilbrigðismála, til stuðnings Söngskóla Sigurðar Demetz Dagbjört Andrésdóttir Skoðun
Litla landið sem kennir heiminum – Ísland og þróunarsamvinna í gegnum menntun GRÓ skólanna Verena Karlsdóttir,Hreiðar Þór Valtýsson,Þór Heiðar Ásgeirsson Skoðun