„Mér finnst tölurnar sem Reykjavík hefur verið að nefna í þessu sambandi mjög lágar“ Smári Jökull Jónsson skrifar 24. apríl 2022 17:01 Bjarni Benediktsson gagnrýndi borgaryfirvöld í umræðu um þjóðarleikvanga í þættinum Sprengisandur í morgun. Vísir/Vilhelm Bjarni Benediktsson gagnrýndi borgaryfirvöld í umræðu um þjóðarleikvang og þjóðarhöll í þættinum Sprengisandur í morgun. Hann segist hafa orðið orðlaus eftir fund um málið með borgaryfirvöldum. Umræða um byggingu þjóðarhallar innanhúsíþrótta hefur verið mjög áberandi undanfarið enda engin höll til hér á landi sem stenst kröfur alþjóðasambanda í til dæmis handknattleik og körfuknattleik. Bjarni Benediktsson var gestur Kristjáns Kristjánssonar í þættinum Sprengisandur á Bylgjunni í morgun og þar ræddu þeir meðal annars hvar málin standa með byggingu þjóðarleikvanga, bæði fyrir inniíþróttir en einnig knattspyrnuleikvang. Hversu mikinn pening ríkið leggur til sagði Bjarni að færi eftir hvers konar mannvirki væri verið að horfa á. „Þegar við erum að tala um mannvirki fyrir inniíþróttir þá þarf að opna umræðuna á hvort þetta eigi að vera fjölnota hús, hver ætlar að reka ef þetta á að vera ráðstefnuhöll fyrir aðra viðburði, tónleika eða hitt og þetta. Okkur finnst eðlilegt að það sé einhver kostnaðarhlutdeild ríkisins en að uppistöðu til séu mannvirkin rekin af öðrum og haldið uppi af öðrum.“ Bjarni sagði annað mál vera með byggingu þjóðarleikvangs í knattspyrnu sem myndi rýma á bilinu 12-18 þúsund áhorfendur. „Þá erum við að tala um framkvæmd sem kostar töluvert mikið meira. Það er enginn með hugmyndir um að sveitarfélag geti borið það uppi. Í hinu tilvikinu er þetta hús sem eru í rekstri fyrir íþróttafélögin og fyrir alls konar viðburði. Ríkið er ekki að fara að gefa einhverju sveitarfélagi þjóðarhöllina og ég held það séu engar væntingar um það.“ Gagnrýnir Reykjavíkurborg Borgaryfirvöld hafa sagt að búið sé að taka frá tvo milljarða sem nota á í verkefnið og ef hlutirnir komist ekki á hreint sem fyrst þá verði þeir peningar nýttir í að byggja upp aðstöðu fyrir Ármann og Þrótt sem eiga aðsetur í Laugardalnum. „Mér finnst tölurnar sem Reykjavík hefur verið að nefna í þessu sambandi mjög lágar. Tveir milljarðar í hús sem gæti kostað sjö til níu milljarða sem mér finnst ekki há fjárhæð, Garðabær var að reisa íþróttamannvirki um daginn sem kostaði fjóra milljarða.“ Bjarni sagði að ríkið hefði verið alveg skýrt að ríkið ætli sér að leggja pening í verkefnið. „Við stofnuðum sérstakt hlutafélag til að ræða það. Síðasti fundur sem ég sat um það með Reykjavíkurborg hann endaði einhvern veginn þannig að Reykjavík sagðist ekki ætla að setja neitt í Laugardalsvöllinn, knattspyrnuvöllinn.“ „Það var minn skilningur að þeir hafi ákveðið að forgangsraða með öðrum hætti. Ég verð að segja það að ég varð eiginlega hálf orðlaus eftir að stofnað hafði verið hlutafélag til að ræða þetta, að hafa verið í góðri trú um að við værum að fara að ræða einhverja alvöru kostnaðarskiptingu. Þá var það þannig sem sá fundur endaði.“ „Ef við færum út í risa mannvirki, eins og til dæmis Laugardalsvöllinn, þá held ég að kostnaðarhlutdeild ríkisins þyrfti að vera meiri.“ „Mörg sveitarfélög með milljarða á kantinum“ Bjarni er á því að ef byggja eigi þjóðarhöll inniíþrótta sem sveitarfélögin nýta undir íþróttastarf ætti ríkið að standa straum af þeim viðbótarkostnaði sem hlytist af því að höllin uppfyllti skilyrði fyrir þjóðarhöll. Skiptingin gæti verið 70/30 þar sem ríkið greiddi 30% hlut. „Svona höfum við allavega rætt þetta okkar á milli einhverjir ráðherrarnir,“ sagði Bjarni. Flestir hafa gengið út frá því að þjóðarhöll inniíþrótta rísi í Laugardalnum. Hins vegar hafa forsvarsmenn ýmissa sveitarfélaga lýst því yfir að þau séu tilbúin að byggja slíka höll með aðstoð ríkisins. „Það eru mörg sveitarfélög sem eru með nokkra milljarða á kantinum sem þau ætla að setja í íþróttamannvirki og eru með á skipulagi hjá sér uppbyggingu íþróttamannvirkja.“ „Þau vilja gjarnan ná samningi við ríkið um að koma með nokkra viðbótarmilljarða til að gera íþróttamannvirkið enn glæsilegra þannig að það geti þjónað landinu öllu, landsliðunum og öðrum stærri tilgangi en þau taki að sér að halda utan um það og reka. Það kemur mér ekkert á óvart og mér finnst það mjög eðlilegt,“ bætir Bjarni við. Ásmundur Einar Daðason, mennta- og barnamálaráðherra, er með málið á sinni könnu innan ríkisstjórnarinnar og hann sagði síðast í gær að mikilvægt væri að málið yrði leitt til lykta sem fyrst. „Hann er að halda ágætlega utan um þetta og er í samtali við borgina um innihöllina núna. Það er fremst á dagskrá og ætli þau séu ekki að ræða saman um kostnaðarskiptingu. Við getum fjármagnað þetta og erum með svigrúm í okkar langtímaáætlunum til að setja mikla peninga í þetta. Ef menn eru með raunhæfar hugmyndir og við fáum alvöru samstarfsaðila þá er hægt að gera stórkostlega hluti og ég hef mikinn metnað til að sjá það verða að veruleika.“ Bjarni segir að sín upplifun sé að samtal við Reykjavíkurborg hafi engu skilað og að ríkið þurfi að hafa alvöru viðmælanda til að komast eitthvað áfram. „Ég held samt að við höfum núna ríkisstjórn sem er í alvöru samstarfi og við höfum sett þetta í okkar langtímaáætlanir að þetta er það sem við viljum gera. Við verðum að hafa alvöru viðmælanda til að komast eitthvað áfram því við erum ekki að fara að byggja þetta.“ Ríkisstjórn Katrínar Jakobsdóttur Reykjavík Sprengisandur Fótbolti Handbolti Körfubolti Ný þjóðarhöll Mest lesið Árásarmaðurinn ölvaður Íslendingur Innlent Ráðist á rútubílstjóra og vegfarendur yfirbuguðu árásarmanninn Innlent Hættu leit eftir þrjá tíma að þeim sem féll útbyrðis úr Norrænu Erlent Formaður og gjaldkeri Vorstjörnunnar kærð fyrir efnahagsbrot Innlent „Samfélagsleg ábyrgð þessa fyrirtækis virðist ekki vera nein“ Innlent Mikil reiði á Þingeyri vegna flutnings fóðurstöðvar Arctic Fish Innlent Sæta lögreglurannsókn vegna níðsöngva um ísraelska herinn Erlent Íranir geti aftur byrjað að auðga úran eftir nokkra mánuði Erlent Ný kirkjuhandbók og kaldar kveðjur til ferðaþjónustunnar Innlent „Langflestir Grindvíkingar búa utan Grindavíkurbæjar“ Innlent Fleiri fréttir Krefst aðkomu Vinstri grænna að endurmótun varnarmálastefnu Skýrslutökum írsku lögreglunnar lokið Veðurstofan nýtir ofurtölvu til að herma eftir hraunflæði „Samfélagsleg ábyrgð þessa fyrirtækis virðist ekki vera nein“ Óhress innviðaráðherra, öryggis- og varnarmál og ofurtölva Árásarmaðurinn ölvaður Íslendingur Ný kirkjuhandbók og kaldar kveðjur til ferðaþjónustunnar Ráðist á rútubílstjóra og vegfarendur yfirbuguðu árásarmanninn „Langflestir Grindvíkingar búa utan Grindavíkurbæjar“ Formaður og gjaldkeri Vorstjörnunnar kærð fyrir efnahagsbrot Mikil reiði á Þingeyri vegna flutnings fóðurstöðvar Arctic Fish Ráðherra vill tryggja betra eftirlit með Sjúkratryggingum Íslands Segir tölurnar sláandi og vill bregðast við „Ég vorkenni því fólki sem lét narra sig í þessa vegferð“ Sósíalistar deila um peninga og metþátttaka í ólöglegri baráttugöngu Kostnaður vegna kynja- og jafnréttismála sextán milljónir Svifvængjaflugslys við Reynisfjall Handtóku ökumann eftir eftirför á Sæbraut Vonar að Rauði krossinn endurskoði afstöðu sína Segir ásakanir kjaftæði og íhugar meiðyrðamál „Þurfum að huga að forvörnum“ Átök í Sósíalistaflokknum, þinglokaviðræður og síðasti dagur Litlu kaffistofunnar Veiðigjöld ekki á dagskrá þingfundar í dag Gripinn við innbrot og bíl ekið inn í búð Greindi þátt almennings og fjölmiðla í máli „strokufangans“ Mikill viðbúnaður vegna eftirfarar á Sæbraut Sagður hafa tæmt sjóði flokksins og rekur nýja stjórn úr húsnæðinu Halla forseti blandar sér í götuljósaumræðuna Reiða fram rúma milljón fyrir Jakub Tilraun langtímakjarasamninga hafi mistekist Sjá meira
Umræða um byggingu þjóðarhallar innanhúsíþrótta hefur verið mjög áberandi undanfarið enda engin höll til hér á landi sem stenst kröfur alþjóðasambanda í til dæmis handknattleik og körfuknattleik. Bjarni Benediktsson var gestur Kristjáns Kristjánssonar í þættinum Sprengisandur á Bylgjunni í morgun og þar ræddu þeir meðal annars hvar málin standa með byggingu þjóðarleikvanga, bæði fyrir inniíþróttir en einnig knattspyrnuleikvang. Hversu mikinn pening ríkið leggur til sagði Bjarni að færi eftir hvers konar mannvirki væri verið að horfa á. „Þegar við erum að tala um mannvirki fyrir inniíþróttir þá þarf að opna umræðuna á hvort þetta eigi að vera fjölnota hús, hver ætlar að reka ef þetta á að vera ráðstefnuhöll fyrir aðra viðburði, tónleika eða hitt og þetta. Okkur finnst eðlilegt að það sé einhver kostnaðarhlutdeild ríkisins en að uppistöðu til séu mannvirkin rekin af öðrum og haldið uppi af öðrum.“ Bjarni sagði annað mál vera með byggingu þjóðarleikvangs í knattspyrnu sem myndi rýma á bilinu 12-18 þúsund áhorfendur. „Þá erum við að tala um framkvæmd sem kostar töluvert mikið meira. Það er enginn með hugmyndir um að sveitarfélag geti borið það uppi. Í hinu tilvikinu er þetta hús sem eru í rekstri fyrir íþróttafélögin og fyrir alls konar viðburði. Ríkið er ekki að fara að gefa einhverju sveitarfélagi þjóðarhöllina og ég held það séu engar væntingar um það.“ Gagnrýnir Reykjavíkurborg Borgaryfirvöld hafa sagt að búið sé að taka frá tvo milljarða sem nota á í verkefnið og ef hlutirnir komist ekki á hreint sem fyrst þá verði þeir peningar nýttir í að byggja upp aðstöðu fyrir Ármann og Þrótt sem eiga aðsetur í Laugardalnum. „Mér finnst tölurnar sem Reykjavík hefur verið að nefna í þessu sambandi mjög lágar. Tveir milljarðar í hús sem gæti kostað sjö til níu milljarða sem mér finnst ekki há fjárhæð, Garðabær var að reisa íþróttamannvirki um daginn sem kostaði fjóra milljarða.“ Bjarni sagði að ríkið hefði verið alveg skýrt að ríkið ætli sér að leggja pening í verkefnið. „Við stofnuðum sérstakt hlutafélag til að ræða það. Síðasti fundur sem ég sat um það með Reykjavíkurborg hann endaði einhvern veginn þannig að Reykjavík sagðist ekki ætla að setja neitt í Laugardalsvöllinn, knattspyrnuvöllinn.“ „Það var minn skilningur að þeir hafi ákveðið að forgangsraða með öðrum hætti. Ég verð að segja það að ég varð eiginlega hálf orðlaus eftir að stofnað hafði verið hlutafélag til að ræða þetta, að hafa verið í góðri trú um að við værum að fara að ræða einhverja alvöru kostnaðarskiptingu. Þá var það þannig sem sá fundur endaði.“ „Ef við færum út í risa mannvirki, eins og til dæmis Laugardalsvöllinn, þá held ég að kostnaðarhlutdeild ríkisins þyrfti að vera meiri.“ „Mörg sveitarfélög með milljarða á kantinum“ Bjarni er á því að ef byggja eigi þjóðarhöll inniíþrótta sem sveitarfélögin nýta undir íþróttastarf ætti ríkið að standa straum af þeim viðbótarkostnaði sem hlytist af því að höllin uppfyllti skilyrði fyrir þjóðarhöll. Skiptingin gæti verið 70/30 þar sem ríkið greiddi 30% hlut. „Svona höfum við allavega rætt þetta okkar á milli einhverjir ráðherrarnir,“ sagði Bjarni. Flestir hafa gengið út frá því að þjóðarhöll inniíþrótta rísi í Laugardalnum. Hins vegar hafa forsvarsmenn ýmissa sveitarfélaga lýst því yfir að þau séu tilbúin að byggja slíka höll með aðstoð ríkisins. „Það eru mörg sveitarfélög sem eru með nokkra milljarða á kantinum sem þau ætla að setja í íþróttamannvirki og eru með á skipulagi hjá sér uppbyggingu íþróttamannvirkja.“ „Þau vilja gjarnan ná samningi við ríkið um að koma með nokkra viðbótarmilljarða til að gera íþróttamannvirkið enn glæsilegra þannig að það geti þjónað landinu öllu, landsliðunum og öðrum stærri tilgangi en þau taki að sér að halda utan um það og reka. Það kemur mér ekkert á óvart og mér finnst það mjög eðlilegt,“ bætir Bjarni við. Ásmundur Einar Daðason, mennta- og barnamálaráðherra, er með málið á sinni könnu innan ríkisstjórnarinnar og hann sagði síðast í gær að mikilvægt væri að málið yrði leitt til lykta sem fyrst. „Hann er að halda ágætlega utan um þetta og er í samtali við borgina um innihöllina núna. Það er fremst á dagskrá og ætli þau séu ekki að ræða saman um kostnaðarskiptingu. Við getum fjármagnað þetta og erum með svigrúm í okkar langtímaáætlunum til að setja mikla peninga í þetta. Ef menn eru með raunhæfar hugmyndir og við fáum alvöru samstarfsaðila þá er hægt að gera stórkostlega hluti og ég hef mikinn metnað til að sjá það verða að veruleika.“ Bjarni segir að sín upplifun sé að samtal við Reykjavíkurborg hafi engu skilað og að ríkið þurfi að hafa alvöru viðmælanda til að komast eitthvað áfram. „Ég held samt að við höfum núna ríkisstjórn sem er í alvöru samstarfi og við höfum sett þetta í okkar langtímaáætlanir að þetta er það sem við viljum gera. Við verðum að hafa alvöru viðmælanda til að komast eitthvað áfram því við erum ekki að fara að byggja þetta.“
Ríkisstjórn Katrínar Jakobsdóttur Reykjavík Sprengisandur Fótbolti Handbolti Körfubolti Ný þjóðarhöll Mest lesið Árásarmaðurinn ölvaður Íslendingur Innlent Ráðist á rútubílstjóra og vegfarendur yfirbuguðu árásarmanninn Innlent Hættu leit eftir þrjá tíma að þeim sem féll útbyrðis úr Norrænu Erlent Formaður og gjaldkeri Vorstjörnunnar kærð fyrir efnahagsbrot Innlent „Samfélagsleg ábyrgð þessa fyrirtækis virðist ekki vera nein“ Innlent Mikil reiði á Þingeyri vegna flutnings fóðurstöðvar Arctic Fish Innlent Sæta lögreglurannsókn vegna níðsöngva um ísraelska herinn Erlent Íranir geti aftur byrjað að auðga úran eftir nokkra mánuði Erlent Ný kirkjuhandbók og kaldar kveðjur til ferðaþjónustunnar Innlent „Langflestir Grindvíkingar búa utan Grindavíkurbæjar“ Innlent Fleiri fréttir Krefst aðkomu Vinstri grænna að endurmótun varnarmálastefnu Skýrslutökum írsku lögreglunnar lokið Veðurstofan nýtir ofurtölvu til að herma eftir hraunflæði „Samfélagsleg ábyrgð þessa fyrirtækis virðist ekki vera nein“ Óhress innviðaráðherra, öryggis- og varnarmál og ofurtölva Árásarmaðurinn ölvaður Íslendingur Ný kirkjuhandbók og kaldar kveðjur til ferðaþjónustunnar Ráðist á rútubílstjóra og vegfarendur yfirbuguðu árásarmanninn „Langflestir Grindvíkingar búa utan Grindavíkurbæjar“ Formaður og gjaldkeri Vorstjörnunnar kærð fyrir efnahagsbrot Mikil reiði á Þingeyri vegna flutnings fóðurstöðvar Arctic Fish Ráðherra vill tryggja betra eftirlit með Sjúkratryggingum Íslands Segir tölurnar sláandi og vill bregðast við „Ég vorkenni því fólki sem lét narra sig í þessa vegferð“ Sósíalistar deila um peninga og metþátttaka í ólöglegri baráttugöngu Kostnaður vegna kynja- og jafnréttismála sextán milljónir Svifvængjaflugslys við Reynisfjall Handtóku ökumann eftir eftirför á Sæbraut Vonar að Rauði krossinn endurskoði afstöðu sína Segir ásakanir kjaftæði og íhugar meiðyrðamál „Þurfum að huga að forvörnum“ Átök í Sósíalistaflokknum, þinglokaviðræður og síðasti dagur Litlu kaffistofunnar Veiðigjöld ekki á dagskrá þingfundar í dag Gripinn við innbrot og bíl ekið inn í búð Greindi þátt almennings og fjölmiðla í máli „strokufangans“ Mikill viðbúnaður vegna eftirfarar á Sæbraut Sagður hafa tæmt sjóði flokksins og rekur nýja stjórn úr húsnæðinu Halla forseti blandar sér í götuljósaumræðuna Reiða fram rúma milljón fyrir Jakub Tilraun langtímakjarasamninga hafi mistekist Sjá meira