Kynningin frekar en Klaustur sem kostaði Miðflokkinn Kjartan Kjartansson skrifar 26. september 2021 14:40 Sigmundur Davíð Gunnlaugsson (t.v.) og Karl Gauti Hjaltason (t.h.) eru tveir af þremur síðustu móhíkönunum í þingflokki Miðflokksins. Flokkurinn tapaði fjórum þingsætum frá síðustu kosningum 2017 og sex miðað við þingstyrkinn sem hann hafði. Vísir/Vilhelm Miðflokkurinn þarf að kanna hvort eitthvað hafi farið úrskeiðis í kynningarmálum sínum fyrir Alþingiskosningarnar, að mati Karls Gauta Hjaltasonar, eins þriggja fulltrúa hans sem náðu sæti á þingi. Hann telur ekki að Klaustursmálið hafi skemmt fyrir flokknum. Þingflokkur Miðflokksins skreppur verulega saman eftir kosningarnar í gær, fer úr níu þingmönnum í þrjá. Flokkurinn náði sjö mönnum á þing árið 2017 en fékk liðstyrk frá Flokki fólksins þegar Karl Gauti og Ólafur Ísleifsson skiptu yfir í kjölfar Klaustursmálsins svonefnda árið 2018. Karl Gauti segir í samtali við Vísi að greinilegt sé að flokkurinn hafi ekki náð til kjósenda að þessu sinni þrátt fyrir að hann hafi að sínu mati barist fyrir góðum málefnum. „Við þurfum auðvitað bara að leggjast yfir það og skoða hvað var að og hvað klikkaði. Er það eitthvað í auglýsingum eða eitthvað annað?“ Sigmundur Davíð Gunnlaugsson, formaður Miðflokksins, mætti hvorki í umræðuþátt stjórnmálaleiðtoga á Sprengisandi á Stöð 2 og Bylgjunni né Ríkisútvarpinu í morgun. Hann hefur ekki gefið kost á viðtali til þessa. Meira fylgi eftir Klaustursmálið Klaustursmálið vakti mikla athygli og reiði á sínum tíma en þá urðu nokkrir þingmenn Miðflokksins og Flokks fólksins uppvísir af óviðeigandi ummælum um þingkonur á öldurhúsi í Reykjavík. Þeir Karl Gauti og Ólafur og voru reknir úr þingflokki Flokks fólksins í kjölfarið. Engu að síður vill Karl Gauti ekki meina að Klaustursmálið skýri gengi Miðflokksins í kosningunum í gær. Hann bendir á að flokkurinn hafi mælst með meira fylgi fyrir ekki svo löngu síðan og enn meira fyrir tveimur árum eftir að málið kom upp. „Þannig að það er eitthvað að kynningunni, auglýsingunum eða flækjustiginu í okkar stefnumálum, eitthvað þar,“ segir hann. Af þingmönnunum sex úr Klaustursmálinu verða aðeins þeir Sigmundur Davíð og Karl Gauti áfram á þingi. Bergþór Ólason og Anna Kolbrún Árnadóttir náðu ekki kjöri en Gunnar Bragi Sveinsson og Ólafur Ísleifsson buðu sig ekki fram til endurkjörs. Leynileg upptaka var gerð af þingmönnum Miðflokksins og Flokks fólksins á Klausturbar. Þar heyrðust þeir fara ófögrum orðum um konur á þingi. Sigmundur Davíð hefur lýst flokk sínum sem fórnarlambi Klaustursmálsins.Vísir/Vilhelm Ná viðspyrnu Hann segir að það verði viðbrigði að vera í þriggja manna þingflokki í stað níu áður. Auk Karls Gauta náðu Sigmundur Davíð Gunnlaugsson, formaður Miðflokksins, og Birgir Þórarinsson sæti á þingi. „Þetta er auðvitað breytt landslag en þrátt fyrir allt erum við inni á þingi. Þá eigum við kost á því að ræða málefnin og benda á okkar málefni. Ég er auðvitað feginn því að við skulum haldast inni sem var alls ekki uppi á borðum á tímabili í gærkvöldi en smá lagaðist eftir því sem leið á nóttina. Það gefur okkur viðspyrnu til að halda áfram,“ segir Karl Gauti. Ætlar að óska eftir skýringum á miklum sveiflum á milli talna Karl Gauti gerir verulega athugasemdir við talningu atkvæða í Suðvesturkjördæmi í nótt. Miklar sveiflur hafi verið á milli talna. Miðflokkurinn hafi þar verið með um eitt prósent atkvæða í sumum tölum en endaði á að fá 4,5%. „Þetta er ekki eðlileg talning. Það hefur eitthvað misfarist þarna og ég mun óska eftir skýringum á því hvað hefur gerst,“ segir hann. Vill hann meina að augljóslega hafi atkvæðabúnt með atkvæðum Miðflokksins týnst eða gleymst á meðan á talningunni stóð. „Þetta veldur manni áhyggjum yfir hvernig framkvæmd talningar er,“ segir Karl Gauti sem efast þó ekki um lokaniðurstöðurnar. Alþingiskosningar 2021 Miðflokkurinn Suðvesturkjördæmi Upptökur á Klaustur bar Mest lesið Dullarfull brotlending nærri Area 51 Erlent Engan óraði fyrir framhaldinu Erlent „Það er sárt að þurfa að horfa á eftir þeim“ Innlent Spyr hvort aflífa þurfi sig vegna mjaðmaskipta Innlent Trump og „maðurinn með ljáinn“ hóta að greiða ekki laun Erlent Tóku farsíma af unglingum í Hafnarfirði og millifærðu af reikningum Innlent Lögregla lýsir eftir Aylin Innlent Stofna hreyfingu til undirbúnings íslenskum her Innlent Ekki hlutverk stjórnarandstöðunnar að halda uppi stemmingu Innlent Segir réttast að ráðherra dragi drögin í heild sinni til baka Innlent Fleiri fréttir Sást blóðugur fyrir utan fjölbýlishús Langþreyttur á TikTok áreiti og rasískum orðsendingum skólakrakka „Það er sárt að þurfa að horfa á eftir þeim“ Ekki hlutverk stjórnarandstöðunnar að halda uppi stemmingu Segir réttast að ráðherra dragi drögin í heild sinni til baka Spyr hvort aflífa þurfi sig vegna mjaðmaskipta Þungt símtal bónda í Skagafirði Lögregla lýsir eftir Aylin Dæmi um að aðstandendur beri fíkniefni í börn á Stuðlum Tóku farsíma af unglingum í Hafnarfirði og millifærðu af reikningum Stofna hreyfingu til undirbúnings íslenskum her Fólk hvatt til að setjast og spjalla á spjallbekknum Diljá hlustaði á Bítið með tárin í augunum Kyngreint nautasæði kemur vel út Samþykkt að kortleggja eignarhald sjávarútvegsfyrirtækja „Þýðir ekki bara að moka yfir hlutina“ Segir stöðuna á sjúkrahúsinu á Akureyri grafalvarlega „Það þarf að gera meira og hraðar“ Ekki áfellisdómur yfir kerfinu að farið sé með börn í meðferð í Suður-Afríku Snjór í Esjunni en ekki víst að hann festist Farþegi á bak og burt þegar björgunaraðilar mættu „Munum fagna þegar riðu hefur verið útrýmt á Íslandi“ „Ekki svo að allir bændur séu að kvarta“ Tvö ár liðin frá árásum Hamas og alvarlegt rútuslys á Snæfellsnesi Vilja heimili á markað en ekki uppboð við nauðungarsölu Þriðjungur telur sumarfrí grunnskólabarna of langt Óánægja með stjórnarandstöðu í hæstu hæðum Mótmæla við ríkisstjórnarfund og kalla eftir aðgerðum Á leið til Suður-Afríku með syni sína í meðferð vegna úrræðaleysis Umferð stýrt eftir að ekið var á grindverk á Austurvegi Sjá meira
Þingflokkur Miðflokksins skreppur verulega saman eftir kosningarnar í gær, fer úr níu þingmönnum í þrjá. Flokkurinn náði sjö mönnum á þing árið 2017 en fékk liðstyrk frá Flokki fólksins þegar Karl Gauti og Ólafur Ísleifsson skiptu yfir í kjölfar Klaustursmálsins svonefnda árið 2018. Karl Gauti segir í samtali við Vísi að greinilegt sé að flokkurinn hafi ekki náð til kjósenda að þessu sinni þrátt fyrir að hann hafi að sínu mati barist fyrir góðum málefnum. „Við þurfum auðvitað bara að leggjast yfir það og skoða hvað var að og hvað klikkaði. Er það eitthvað í auglýsingum eða eitthvað annað?“ Sigmundur Davíð Gunnlaugsson, formaður Miðflokksins, mætti hvorki í umræðuþátt stjórnmálaleiðtoga á Sprengisandi á Stöð 2 og Bylgjunni né Ríkisútvarpinu í morgun. Hann hefur ekki gefið kost á viðtali til þessa. Meira fylgi eftir Klaustursmálið Klaustursmálið vakti mikla athygli og reiði á sínum tíma en þá urðu nokkrir þingmenn Miðflokksins og Flokks fólksins uppvísir af óviðeigandi ummælum um þingkonur á öldurhúsi í Reykjavík. Þeir Karl Gauti og Ólafur og voru reknir úr þingflokki Flokks fólksins í kjölfarið. Engu að síður vill Karl Gauti ekki meina að Klaustursmálið skýri gengi Miðflokksins í kosningunum í gær. Hann bendir á að flokkurinn hafi mælst með meira fylgi fyrir ekki svo löngu síðan og enn meira fyrir tveimur árum eftir að málið kom upp. „Þannig að það er eitthvað að kynningunni, auglýsingunum eða flækjustiginu í okkar stefnumálum, eitthvað þar,“ segir hann. Af þingmönnunum sex úr Klaustursmálinu verða aðeins þeir Sigmundur Davíð og Karl Gauti áfram á þingi. Bergþór Ólason og Anna Kolbrún Árnadóttir náðu ekki kjöri en Gunnar Bragi Sveinsson og Ólafur Ísleifsson buðu sig ekki fram til endurkjörs. Leynileg upptaka var gerð af þingmönnum Miðflokksins og Flokks fólksins á Klausturbar. Þar heyrðust þeir fara ófögrum orðum um konur á þingi. Sigmundur Davíð hefur lýst flokk sínum sem fórnarlambi Klaustursmálsins.Vísir/Vilhelm Ná viðspyrnu Hann segir að það verði viðbrigði að vera í þriggja manna þingflokki í stað níu áður. Auk Karls Gauta náðu Sigmundur Davíð Gunnlaugsson, formaður Miðflokksins, og Birgir Þórarinsson sæti á þingi. „Þetta er auðvitað breytt landslag en þrátt fyrir allt erum við inni á þingi. Þá eigum við kost á því að ræða málefnin og benda á okkar málefni. Ég er auðvitað feginn því að við skulum haldast inni sem var alls ekki uppi á borðum á tímabili í gærkvöldi en smá lagaðist eftir því sem leið á nóttina. Það gefur okkur viðspyrnu til að halda áfram,“ segir Karl Gauti. Ætlar að óska eftir skýringum á miklum sveiflum á milli talna Karl Gauti gerir verulega athugasemdir við talningu atkvæða í Suðvesturkjördæmi í nótt. Miklar sveiflur hafi verið á milli talna. Miðflokkurinn hafi þar verið með um eitt prósent atkvæða í sumum tölum en endaði á að fá 4,5%. „Þetta er ekki eðlileg talning. Það hefur eitthvað misfarist þarna og ég mun óska eftir skýringum á því hvað hefur gerst,“ segir hann. Vill hann meina að augljóslega hafi atkvæðabúnt með atkvæðum Miðflokksins týnst eða gleymst á meðan á talningunni stóð. „Þetta veldur manni áhyggjum yfir hvernig framkvæmd talningar er,“ segir Karl Gauti sem efast þó ekki um lokaniðurstöðurnar.
Alþingiskosningar 2021 Miðflokkurinn Suðvesturkjördæmi Upptökur á Klaustur bar Mest lesið Dullarfull brotlending nærri Area 51 Erlent Engan óraði fyrir framhaldinu Erlent „Það er sárt að þurfa að horfa á eftir þeim“ Innlent Spyr hvort aflífa þurfi sig vegna mjaðmaskipta Innlent Trump og „maðurinn með ljáinn“ hóta að greiða ekki laun Erlent Tóku farsíma af unglingum í Hafnarfirði og millifærðu af reikningum Innlent Lögregla lýsir eftir Aylin Innlent Stofna hreyfingu til undirbúnings íslenskum her Innlent Ekki hlutverk stjórnarandstöðunnar að halda uppi stemmingu Innlent Segir réttast að ráðherra dragi drögin í heild sinni til baka Innlent Fleiri fréttir Sást blóðugur fyrir utan fjölbýlishús Langþreyttur á TikTok áreiti og rasískum orðsendingum skólakrakka „Það er sárt að þurfa að horfa á eftir þeim“ Ekki hlutverk stjórnarandstöðunnar að halda uppi stemmingu Segir réttast að ráðherra dragi drögin í heild sinni til baka Spyr hvort aflífa þurfi sig vegna mjaðmaskipta Þungt símtal bónda í Skagafirði Lögregla lýsir eftir Aylin Dæmi um að aðstandendur beri fíkniefni í börn á Stuðlum Tóku farsíma af unglingum í Hafnarfirði og millifærðu af reikningum Stofna hreyfingu til undirbúnings íslenskum her Fólk hvatt til að setjast og spjalla á spjallbekknum Diljá hlustaði á Bítið með tárin í augunum Kyngreint nautasæði kemur vel út Samþykkt að kortleggja eignarhald sjávarútvegsfyrirtækja „Þýðir ekki bara að moka yfir hlutina“ Segir stöðuna á sjúkrahúsinu á Akureyri grafalvarlega „Það þarf að gera meira og hraðar“ Ekki áfellisdómur yfir kerfinu að farið sé með börn í meðferð í Suður-Afríku Snjór í Esjunni en ekki víst að hann festist Farþegi á bak og burt þegar björgunaraðilar mættu „Munum fagna þegar riðu hefur verið útrýmt á Íslandi“ „Ekki svo að allir bændur séu að kvarta“ Tvö ár liðin frá árásum Hamas og alvarlegt rútuslys á Snæfellsnesi Vilja heimili á markað en ekki uppboð við nauðungarsölu Þriðjungur telur sumarfrí grunnskólabarna of langt Óánægja með stjórnarandstöðu í hæstu hæðum Mótmæla við ríkisstjórnarfund og kalla eftir aðgerðum Á leið til Suður-Afríku með syni sína í meðferð vegna úrræðaleysis Umferð stýrt eftir að ekið var á grindverk á Austurvegi Sjá meira