Dagskráin í dag: Bestu mörk Atla, Halldórs og Ingimundar

Beinum útsendingu frá íþróttaviðburðum hefur snarfækkað vegna útbreiðslu kórónuveirunnar eins og gefur að skilja. Til að mæta því hafa Stöð 2 Sport og hliðarrásir verið dagskrársettar með nýju dagskrárefni og endursýningum af safnefni til að stytta íþróttaþyrstum stundirnar.

Í kvöld verður sýndur nýr þáttur af Topp 5, þar sem markaskorarar úr efstu deild karla í fótbolta velja sín uppáhalds mörk á ferlinum. Að þessu sinni munu Atli Viðar Björnsson, Halldór Orri Björnsson og Ingimundur Níels Óskarsson velja sín mörk.

Á Stöð 2 Sport í dag verða líka sýndar klipptar útgáfur af sígildum leikjum úr Pepsi-deildinni, þáttur um nýliðavalið í NBA árið 1984 þegar Michael Jordan var meðal annars valinn, hnefaleikar, leikir úr enska bikarnum og margt fleira.

Stöð 2 Sport 2

Margir af bestu leikjum efstu deildar karla í fótbolta í gegnum árin verða sýndir á Stöð 2 Sport 2 í styttum útgáfum. Þar verða einnig sýndir viðtalsþættir með Gumma Ben, 1 á 1, þar sem hann ræddi til að mynda við íslenska kvennalandsliðið og Eið Smára Guðjohnsen. Kl. 18.30 heldur PDC Home Tour pílukastmótið áfram. Um kvöldið eru á dagskrá fimm þættir um goðsagnir úr efstu deild í fótbolta; Hörð Magnússon, Guðmund Steinsson, Ólaf Þórðarson, Guðmund Benediktsson og Sigurstein Gíslason.

Stöð 2 Sport 3

Á Stöð 2 Sport 3 verða sýndir bikarúrslitaleikir og undanúrslitaleikir í íslensku bikarkeppninni í fótbolta, auk skemmtilegra þátta um krakkamótin í fótbolta.

Stöð 2 Golf

Sýnt verður frá lokadeginum á The Players síðustu ár, á Stöð 2 Golf, eða frá árunum 2017, 2018 og 2019.

Útsendingar dagsins má finna á heimasíðu Stöðvar 2.