Manchester City tryggði sér sæti í undanúrslitum enska deildarbikarsins með 3-1 sigri á C-deildarliði Oxford í kvöld.
Joao Cancelo kom Englandsmeisturunum yfir á 22. mínútu leiksins og var staðan 1-0 í hálfleik.
Seinni hálfleikurinn byrjaði frábærlega fyrir Oxford, Matt Taylor jafnaði metin strax á fyrstu mínútu hálfleiksins.
Gamanið var þó stutt hjá Oxford því Raheem Sterling kom City aftur yfir á 50. mínútu eftir frábæra sendingu frá Angelino.
Sterling bætti öðru marki sínu við á 70. mínútu eftir sendingu Gabriel Jesus og tryggði sigur City.
Englandsmeistararnir verða því í pottinum þegar dregið verður í undanúrslitin.
Stjarnan
Valur
