Sport

Niners er ósigrandi og Kansas tapaði aftur

Henry Birgir Gunnarsson skrifar
Jimmy Garoppolo, leikstjórnandi 49ers, skorar í nótt.
Jimmy Garoppolo, leikstjórnandi 49ers, skorar í nótt. vísir/getty
Það var nóg af óvæntum úrslitum í NFL-deildinni í gær og San Francisco 49ers sannaði fyrir öllum að þar er á ferðinni alvöru lið á nýjan leik.

San Francisco er nú búið að vinna alla fimm leiki sína í deildinni en í gær skellti liðið LA Rams á útivelli og það sannfærandi. Liðið var að senda út skýr skilaboð með þessum flotta sigri.





Óvæntustu úrslit gærkvöldsins var líklega sigur NY Jets á Dallas Cowboys. Leikstjórnandi Jets, Sam Darnold, snéri aftur eftir að hafa verið að glíma við einkirningasótt síðustu vikur.

Hann spilaði vel en vörn Jets var líka frábær og átti svör við flestu sem Kúrekarnir buðu upp á. Þessi úrslit mikill skellur fyrir Cowboys og margir sem kölluðu eftir því að Jason Garrett yrði rekinn sem þjálfari liðsins eftir leikinn.





Það biðu margir spenntir eftir leik Kansas og Houston því þar voru að mætast tveir af bestu leikstjórnendum deildarinnar, Patrick Mahomes og DeShaun Watson.

Houston gerði sér lítið fyrir og sótti sigur á Arrowhead þar sem Watson var frábær. Þetta var annað tap Kansas í röð og brestir að koma í ljós á liði sem virkaði ósigrandi í upphafi leiktíðar. Houston er aftur á móti á hraðri uppleið.





Úrslit:

Tampa Bay-Carolina  26-37

Minnesota-Philadelphia  38-20

Miami-Washington  16-17

Kansas City-Houston  24-31

Jacksonville-New Orleans  6-13

Cleveland-Seattle  28-32

Baltimore-Cincinnati  23-17

LA Rams-San Francisco  7-20

Arizona-Atlanta  33-34

NY Jets-Dallas  24-22

Denver-Tennessee  16-0

LA Chargers-Pittsburgh  17-24

Í nótt:

Green Bay - Detroit

Staðan í NFL-deildinni.

NFL

Mest lesið


Fleiri fréttir

Sjá meira


×

Mest lesið