Tryggvi með hæstu ein­kunn í flottum sigri

Liðinmætast aftur á Spáni eftir viku en Bilbao er nú í góðum málum eftir átta stiga útisigur í kvöld.

Tryggvi var með hæsta framlagið í leiknum en hann hitti úr fimm af sex skotum sínum við körfuna og skoraði alls 11 stig, næstflest í sínu liði, auk þess að taka 5 fráköst og gefa 2 stoðsendingar. Þá varði hann 3 skot í leiknum.

Bilbao var 23-17 yfir eftir fyrsta leikhluta en heimamenn náðu að jafna metin fyrir hálfleik, 35-35.

Munurinn var aðeins tvö stig fyrir lokafjórðunginn en þar höfðu gestirnir yfirhöndina og unnu eins og fyrr segir átta stiga sigur.