Njarð­víkingar sömdu við David Okeke og kveðja Fotios

Miðherjinn David Okeke er íslensku körfuknattleiksfólki vel kunnugur eftir að hafa leikið með Keflavík, Haukum og Álftanesi hér á landi.

Okeke er 208 sentimetrar á hæð og mun þétta og styrkja teiginn hjá Njarðvíkurliðinu fyrir komandi átök. Hann var með 17,9 stig og 8,9 fráköst að meðaltali með Álftanesi á síðustu leiktíð en hefur alls skorað 16,5 stig að meðaltali í 94 úrvalsdeildarleikjum á Íslandi.

Með komu Okeke munu Njarðvíkingar hins vegar kveðja Fotios Lampropoulos sem kom og hjálpaði sínu gamla félagi vegna meiðslavandræða og spilaði alls þrjá leiki í ár eftir að hafa leikið með Njarðvík áður árin 2021 til 2022.