Sport

Fyrsta tap Chiefs | Green Bay á flugi

Henry Birgir Gunnarsson skrifar
Mahomes var loksins sigraður í nótt.
Mahomes var loksins sigraður í nótt. vísir/getty
Öllum að óvörum tapaði Kansas City Chiefs í nótt á heimavelli fyrir Indianapolis Colts. Kansas er því ekki lengur með fullt hús í NFL-deildinni.

Það eru aðeins New England Patriots og San Francisco 49ers sem eru núna með fullt hús en 49ers er reyndar aðeins búið að spila þrjá leiki en Patriots fimm.

Denver Broncos vann sinn fyrsta leik um helgina sem og Arizona Cardinals. Einu liðin sem hafa ekki unnið leik eru Washington Redskins, Cincinnati Bengals og Miami Dolphins.

Sterk vörn og góður hlaupaleikur lagði grunninn að sigri Colts gegn Chiefs í nótt. Patrick Mahomes, leikstjórnandi Chiefs, endaði með 320 jarda og aðeins eina snertimarkssendingu sem þykir ekki mikið á þeim bænum.



Aaron Rodgers, leikstjórnandi Packers, er nánast alltaf góður gegn Dallas Cowboys og það breyttist ekkert í gær. Packers gjörsamlega keyrði yfir Kúrekana og komst í 31-3.

Þá fór liðið að slaka fullmikið á og gaf Kúrekunum von. Leikstjórnandi þeirra, Dak Prescott, kastaði boltanum aftur á móti þrisvar í hendur andstæðinganna og það reyndist of stór biti. Packers er 4-1 en Cowboys 3-2. Hlaupari Packers, Aaron Jones, átti leik lífs síns og skoraði fjögur snertimörk. Það er jöfnun á félagsmeti.



Meistarar New England Patriots hafa byrjað leiktíðina fullkomlega og Washington Redskins var engin hindrun fyrir Tom Brady og félaga. Brady náði enn einum áfanganum á sínum ferli í þessum leik er hann komst upp fyrir Brett Favre og í þriðja sætið yfir þá leikstjórnendur sem hafa kastað lengst á ferlinum.



Úrslit:

Kansas City-Indianapolis  13-19

Carolina-Jacksonville  34-27

Cincinnati-Arizona  23-26

Houston-Atlanta  53-32

New Orleans-Tampa Bay  31-24

NY Giants-Minnesota  10-28

Oakland-Chicago  24-21

Philadelphia-NY Jets  31-6

Pittsburgh-Baltimore  23-26

Tennessee-Buffalo  7-14

Washington-New England  7-33

LA Chargers-Denver  13-20

Dallas-Green Bay  24-34

Í nótt:

San Francisco - Cleveland

Staðan í NFL-deildinni.

NFL

Mest lesið


Fleiri fréttir

Sjá meira


×

Mest lesið