Ís­lenska þrí­eykið þýskur meistari

Landsliðskonurnar Díana Dögg Magnúsdóttir, Elín Rósa Magnúsdóttir og Andrea Jacobsen eru því þýskir meistarar í fyrsta sinn og fullkomna þannig stórkostlegt tímabil. 

Áður hafði Blomberg-Lippe orðið deildarmeistari með því að enda stigi fyrir ofan Dortmundar-liðið sem nú þarf aftur að sætta sig við silfur.

Íslenska þríeykið lét að sér kveða í oddaleiknum í dag, sem Blomberg-Lippe komst í með því að vinna frækinn sigur í öðrum leik liðanna, 28-27, fyrir viku.

Díana Dögg og Elín Rósa skoruðu fjögur mörk hvor í dag og Andrea þrjú. Staðan var 13-12 fyrir Blomberg-Lippe í hálfleik og liðið náði svo fljótt þriggja marka forskoti, og komst svo fjórum mörkum yfir þegar Díana skoraði og kom liðinu í 25-21 með rúmar átta mínútur til leiksloka.

Sigurinn var ekki í hættu eftir það og Blomberg-Lippe því Þýskalandsmeistari í fyrsta sinn í sögu félagsins.