Orðaður við FH og KR en byrjar æfingaleik hjá Start í dag

Kristján Flóki Finnbogason er í byrjunarliði Start í dag er liðið mætir Jerv í æfingaleik í Noregi en sumarfrí er í norsku deildunum.

Flóki hefur verið reglulega orðaður við uppeldisfélagið FH og KR á síðustu vikum en í síðustu viku sagði Fótbolti.net frá því að hann hafi samið við KR.

Vi spiller med følgende lag:

Deumeland - Wichne, Berger, Jørgensen, Robstad - Segberg, Aremu - Skaanes, Christensen, Sigurdarson - Finnbogason.#ikstart

— IK Start (@ikstart) July 13, 2019

Það er þó ekki komið lengra en það að Flóki er í byrjunarliðinu hjá Start í dag er liðið mætir B-deildarliðinu Jerv í æfingarleik.

Það verður fróðlegt að fylgjast með hvort að góð frammistaða í æfingaleiknum í dag geri það að verkum að Start vilji ekki sleppa Kristjáni Flóka.

Aron Sigurðarson er einnig í byrjunarliði Start í dag en hann hefur farið á kostum á leiktíðinni.