Innlent

Steypubíll valt á Arnarnesvegi

Margrét Helga Erlingsdóttir skrifar
Steypubíll valt á Arnarnesvegi laust fyrir klukkan ellefu í dag. Myndin tengist fréttinni ekki beint.
Steypubíll valt á Arnarnesvegi laust fyrir klukkan ellefu í dag. Myndin tengist fréttinni ekki beint. fréttablaðið/Eyþór
Laust fyrir klukkan ellefu barst Lögreglunni á höfuðborgarsvæðinu tilkynning um steypubíl sem valt á hringtorginu við Arnarnesveg og Fífuhvammsveg.

Að sögn Gunnars Hilmarssonar, aðalvarðstjóra hjá Lögreglustöð 3, slapp ökumaðurinn vel frá óhappinu og ekki urðu miklar tafir á umferð. Bíllinn var fullur af steypu en hún lak sem betur fór ekki á veginn.

Krani var fenginn til að lyfta steypubílnum á réttan kjöl og í kjölfarið var hann fjarlægður með vagni. Verkinu er nýlokið.

Lögreglumál

Mest lesið


Fleiri fréttir

Sjá meira


×

Mest lesið