Stjórnarandstaðan segir hneyksli að færa FÁ undir einkarekinn Tækniskóla án samráðs við Alþingi Heimir Már Pétursson skrifar 4. maí 2017 11:52 Tækniskólinn. Vísir/Eyþór Stjórnarandstaðan gagnrýndi harðlega á Alþingi í dag að til standi að færa Fjölbrautaskólann við Ármúla undir Tækniskóla Íslands sem er einkarekinn skóli. Ríkisstjórnin sem hefði minnihluta atkvæða á bak við sig ætlaði sér að sniðganga Alþingi í þessu máli. Greint var frá því í morgunfréttum Ríkisútvarpsins í dag að Fjölbrautaskólinn við Ármúla og Tækniskóli Íslands verði sameinaðir. Þingmenn stjórnarandstöðunnar brugðust harðlega við þessum fréttum við upphaf þingfundar í morgun. Logi Einarsson formaður Samfylkingarinnar sagði ríkisstjórnina sniðganga Alþingi. „Enn einu sinni ætlar ríkisstjórnin að fara framhjá þinginu í stórum ákvörðunum sem varða íslenskt samfélag. Án þess að kóngur né prestur sé spurður. Nú á að gera Fjölbrautaskólann við Ármúla hluta af Tækniskólanum og einkavæðingin lekur inn stjórnlaust án aðkomu þingsins,“ sagði Logi.Sjá einnig: Unnið að sameiningu Tækniskólans og Fjölbrautarskólans við Ármúla Katrín Jakobsdóttir formaður Vinstri grænna minnti á að stjórnarflokkarnir hefðu minnihluta atkvæða á bak við sig og samkvæmt könnunum væri stuðningurinn við ríkisstjórnina orðinn enn minni. Það færi lítið fyrir loforðum um bætt vinnubrögð og samráð. „Þau eru öll orðin ómerkingar orða sinna. Að minnihlutinn á Alþingi þurfi að hlusta á þetta í fréttum, hafandi hlustað á forsvarsmenn málaflokksins tala fyrir stefnumótun án þess að minnast á þetta einu orði, frú forseti, mér finnst þetta ömurlegt,“ sagði Katrín. Sigurður Ingi Jóhannsson formaður Framsóknarflokksins sagði ákvörðun sem þessa án samráðs við þingið vekja undrun. „Nú er það kannski spurningin hvort að Ármúlinn sé sérstaklega valinn? Þar eigi að einkavæða alla götuna? Því að við vitum jú að ríkisstjórn einkavæddi heilbrigðisþjónustu (Klínikin) hinum megin við veginn. Núna eru þau komin þarna megin við götuna. Það er spurning hvaða gata verður undir næst án aðkomu þingsins,“ sagði Sigurður Ingi. Birgitta Jónsdóttir þingmaður Pírata sagði þetta í andstöðu við málflutning Viðreisnar og Bjartrar framtíðar í stjórnarmyndunarviðræðum við stjórnarandstöðuflokkana í vetur. „Það virðist sem að við séum nú með Sjálfstæðisflokkinn einráðan í þessu stjórnarsamstarfi. Ég óska eftir því að þingmenn og ráðherrar frá Viðreisn og Bjartri framtíð segi hug sinn gagnvart svona vinnubrögðum. Því að þetta er ekki í anda opinnar stjórnsýslu sem hér var lofað,“ sagði Birgitta. „Vill Björt framtíð þetta? Var Björt framtíð upplýst um þetta? Var Viðreisn upplýst um þetta? Vill Viðreisn einkavæðingu almannaþjónustunnar með Alþingi bundið fyrir augun,“ spurði Svandís Svavarsdóttir þingflokksformaður Vinstri grænna Fátt var hins vegar um svör því þingmenn þessara flokka tóku ekki þátt í þessari umræðu um fundarstjórn forseta. Oddný G. Harðardóttir þingflokksformaður Samfylkingarinnar sagði nemendum hafa fækkað þegar Iðnskólinn í Hafnarfirði var færður undir hin einkarekna Tækniskóla. „Er það vísbending um að það sé góð leið til að fjölga nemendum í framhaldsskólum að renna saman skólum á framhaldsskólastigi undir einkarekinn skóla? Hvar er árangursmatið? Hvar eru rökin? Hvar er stefnumörkunin? Þetta er skandall,“ sagði Oddný G. Harðardóttir. Kristján Þór Júlíusson menntamálaráðherra var ekki viðstaddur umræðuna þar sem hann er staddur í útlöndum en hann hefur verið kallaður fyrir allsherjar- og menntamálanefnd vegna málsins að kröfu stjórnarandstöðunnar. Hún óskar eftir því að fundurinn verði opinn fjölmiðlum og er Áslaug Arna Sigurbjörnsdóttir formaður nefndarinnar að kanna hvort hægt sé að verða við því á morgun. Ef ekki verður fundi nefndarinnar væntanlega frestað fram yfir helgi. Alþingi Mest lesið Vandasöm andlitslömun sem greinist vikulega á Íslandi Innlent Sviku út tugi milljóna með því að þykjast vera Brad Pitt Erlent Erfið umræða sem fólk hafi veigrað sér við að taka Innlent Þarf ekki að skerða heitt vatn í vetur vegna nýrrar borholu Innlent Ringulreið á lánamarkaði Innlent „Þetta er ekki átak til einhverra daga eða vikna“ Innlent Forréttindi fyrir fámenna þjóð að hafa jafn öflugar flugsamgöngur Innlent Ein kært nauðgun og fjórar segjast hafa verið beittar ofbeldi Innlent Slagsmál, líkamsárásir og ellefu í fangageymslum Innlent Risavaxin mörgæs slær í gegn Erlent Fleiri fréttir Slagsmál, líkamsárásir og ellefu í fangageymslum Þarf ekki að skerða heitt vatn í vetur vegna nýrrar borholu Erfið umræða sem fólk hafi veigrað sér við að taka Vandasöm andlitslömun sem greinist vikulega á Íslandi Forréttindi fyrir fámenna þjóð að hafa jafn öflugar flugsamgöngur „Þetta er ekki átak til einhverra daga eða vikna“ Skilur að fólk sé hugsi yfir mögulegum skyldleika við sæðisgjöf Úkraínumenn berjist með „aðra hönd bundna fyrir aftan bak“ Ringulreið á lánamarkaði Jódís fer fram gegn Guðmundi Inga í varaformann VG Býður sig ekki fram til formanns og styður Svandísi Ótti um allsherjarstríð, ringulreið á lánamarkaði og íslenskir sæðisgjafar „Vonumst til að sem flestir fari svo í óverðtryggð íbúðalán“ Söfnuðu um níu milljónum í minningu Bryndísar Klöru Leituðu á stóru svæði en fundu ekki fleiri hvítabirni Situr undir gelti, urri og að vera kölluð api Telja Ísland með „hættuleg viðhorf“ gagnvart Rússlandi Með mörg þúsund evrur af illa fengnu fé Íslendingur í Ísrael óskaði eftir aðstoð utanríkisráðuneytisins Brotist inn í tvær verslanir sömu nóttina Guðrún skýst upp fyrir Katrínu Vetrarfærð á fjallvegum norðaustanlands Ein kært nauðgun og fjórar segjast hafa verið beittar ofbeldi Kanna hvort fleiri bjarndýr leynist fyrir vestan Manndráp í Kiðjabergi komið til saksóknara Máttu vita að eiturlyfjasalinn þeirra væri að flytja inn eiturlyf Ungmenni í viðkvæmri stöðu hagnýtt í afbrot hér á landi Ógn Rússa við Norðurlönd og Eystrasaltsríki rædd í HR Efna til söfnunar fyrir móður Kolfinnu Eldeyjar Lögreglan segir hóp ungmenna hagnýttan í skipulagða brotastarfsemi Sjá meira
Stjórnarandstaðan gagnrýndi harðlega á Alþingi í dag að til standi að færa Fjölbrautaskólann við Ármúla undir Tækniskóla Íslands sem er einkarekinn skóli. Ríkisstjórnin sem hefði minnihluta atkvæða á bak við sig ætlaði sér að sniðganga Alþingi í þessu máli. Greint var frá því í morgunfréttum Ríkisútvarpsins í dag að Fjölbrautaskólinn við Ármúla og Tækniskóli Íslands verði sameinaðir. Þingmenn stjórnarandstöðunnar brugðust harðlega við þessum fréttum við upphaf þingfundar í morgun. Logi Einarsson formaður Samfylkingarinnar sagði ríkisstjórnina sniðganga Alþingi. „Enn einu sinni ætlar ríkisstjórnin að fara framhjá þinginu í stórum ákvörðunum sem varða íslenskt samfélag. Án þess að kóngur né prestur sé spurður. Nú á að gera Fjölbrautaskólann við Ármúla hluta af Tækniskólanum og einkavæðingin lekur inn stjórnlaust án aðkomu þingsins,“ sagði Logi.Sjá einnig: Unnið að sameiningu Tækniskólans og Fjölbrautarskólans við Ármúla Katrín Jakobsdóttir formaður Vinstri grænna minnti á að stjórnarflokkarnir hefðu minnihluta atkvæða á bak við sig og samkvæmt könnunum væri stuðningurinn við ríkisstjórnina orðinn enn minni. Það færi lítið fyrir loforðum um bætt vinnubrögð og samráð. „Þau eru öll orðin ómerkingar orða sinna. Að minnihlutinn á Alþingi þurfi að hlusta á þetta í fréttum, hafandi hlustað á forsvarsmenn málaflokksins tala fyrir stefnumótun án þess að minnast á þetta einu orði, frú forseti, mér finnst þetta ömurlegt,“ sagði Katrín. Sigurður Ingi Jóhannsson formaður Framsóknarflokksins sagði ákvörðun sem þessa án samráðs við þingið vekja undrun. „Nú er það kannski spurningin hvort að Ármúlinn sé sérstaklega valinn? Þar eigi að einkavæða alla götuna? Því að við vitum jú að ríkisstjórn einkavæddi heilbrigðisþjónustu (Klínikin) hinum megin við veginn. Núna eru þau komin þarna megin við götuna. Það er spurning hvaða gata verður undir næst án aðkomu þingsins,“ sagði Sigurður Ingi. Birgitta Jónsdóttir þingmaður Pírata sagði þetta í andstöðu við málflutning Viðreisnar og Bjartrar framtíðar í stjórnarmyndunarviðræðum við stjórnarandstöðuflokkana í vetur. „Það virðist sem að við séum nú með Sjálfstæðisflokkinn einráðan í þessu stjórnarsamstarfi. Ég óska eftir því að þingmenn og ráðherrar frá Viðreisn og Bjartri framtíð segi hug sinn gagnvart svona vinnubrögðum. Því að þetta er ekki í anda opinnar stjórnsýslu sem hér var lofað,“ sagði Birgitta. „Vill Björt framtíð þetta? Var Björt framtíð upplýst um þetta? Var Viðreisn upplýst um þetta? Vill Viðreisn einkavæðingu almannaþjónustunnar með Alþingi bundið fyrir augun,“ spurði Svandís Svavarsdóttir þingflokksformaður Vinstri grænna Fátt var hins vegar um svör því þingmenn þessara flokka tóku ekki þátt í þessari umræðu um fundarstjórn forseta. Oddný G. Harðardóttir þingflokksformaður Samfylkingarinnar sagði nemendum hafa fækkað þegar Iðnskólinn í Hafnarfirði var færður undir hin einkarekna Tækniskóla. „Er það vísbending um að það sé góð leið til að fjölga nemendum í framhaldsskólum að renna saman skólum á framhaldsskólastigi undir einkarekinn skóla? Hvar er árangursmatið? Hvar eru rökin? Hvar er stefnumörkunin? Þetta er skandall,“ sagði Oddný G. Harðardóttir. Kristján Þór Júlíusson menntamálaráðherra var ekki viðstaddur umræðuna þar sem hann er staddur í útlöndum en hann hefur verið kallaður fyrir allsherjar- og menntamálanefnd vegna málsins að kröfu stjórnarandstöðunnar. Hún óskar eftir því að fundurinn verði opinn fjölmiðlum og er Áslaug Arna Sigurbjörnsdóttir formaður nefndarinnar að kanna hvort hægt sé að verða við því á morgun. Ef ekki verður fundi nefndarinnar væntanlega frestað fram yfir helgi.
Alþingi Mest lesið Vandasöm andlitslömun sem greinist vikulega á Íslandi Innlent Sviku út tugi milljóna með því að þykjast vera Brad Pitt Erlent Erfið umræða sem fólk hafi veigrað sér við að taka Innlent Þarf ekki að skerða heitt vatn í vetur vegna nýrrar borholu Innlent Ringulreið á lánamarkaði Innlent „Þetta er ekki átak til einhverra daga eða vikna“ Innlent Forréttindi fyrir fámenna þjóð að hafa jafn öflugar flugsamgöngur Innlent Ein kært nauðgun og fjórar segjast hafa verið beittar ofbeldi Innlent Slagsmál, líkamsárásir og ellefu í fangageymslum Innlent Risavaxin mörgæs slær í gegn Erlent Fleiri fréttir Slagsmál, líkamsárásir og ellefu í fangageymslum Þarf ekki að skerða heitt vatn í vetur vegna nýrrar borholu Erfið umræða sem fólk hafi veigrað sér við að taka Vandasöm andlitslömun sem greinist vikulega á Íslandi Forréttindi fyrir fámenna þjóð að hafa jafn öflugar flugsamgöngur „Þetta er ekki átak til einhverra daga eða vikna“ Skilur að fólk sé hugsi yfir mögulegum skyldleika við sæðisgjöf Úkraínumenn berjist með „aðra hönd bundna fyrir aftan bak“ Ringulreið á lánamarkaði Jódís fer fram gegn Guðmundi Inga í varaformann VG Býður sig ekki fram til formanns og styður Svandísi Ótti um allsherjarstríð, ringulreið á lánamarkaði og íslenskir sæðisgjafar „Vonumst til að sem flestir fari svo í óverðtryggð íbúðalán“ Söfnuðu um níu milljónum í minningu Bryndísar Klöru Leituðu á stóru svæði en fundu ekki fleiri hvítabirni Situr undir gelti, urri og að vera kölluð api Telja Ísland með „hættuleg viðhorf“ gagnvart Rússlandi Með mörg þúsund evrur af illa fengnu fé Íslendingur í Ísrael óskaði eftir aðstoð utanríkisráðuneytisins Brotist inn í tvær verslanir sömu nóttina Guðrún skýst upp fyrir Katrínu Vetrarfærð á fjallvegum norðaustanlands Ein kært nauðgun og fjórar segjast hafa verið beittar ofbeldi Kanna hvort fleiri bjarndýr leynist fyrir vestan Manndráp í Kiðjabergi komið til saksóknara Máttu vita að eiturlyfjasalinn þeirra væri að flytja inn eiturlyf Ungmenni í viðkvæmri stöðu hagnýtt í afbrot hér á landi Ógn Rússa við Norðurlönd og Eystrasaltsríki rædd í HR Efna til söfnunar fyrir móður Kolfinnu Eldeyjar Lögreglan segir hóp ungmenna hagnýttan í skipulagða brotastarfsemi Sjá meira