Oden reynir fyrir sér í Kína

Greg Oden var valinn fyrstur í nýliðavali NBA-deildarinnar árið 2007 en ferill hans náði aldrei neinu flugi.

Hann hefur verið ótrúlega óheppinn með meiðsli og hefur aðeins spilað þrjár leiktíðir í NBA-deildinni. Hnén á honum eru handónýt og hann hefur sjö sinnum þurft að leggjast undir hnífinn vegna meiðslanna.

Hann ætlar nú að freista þess að koma ferlinum aftur í gang. Hann er því búinn að gera eins árs samning við Jiangsu Dragons. Fyrir þann samning fær hann 160 milljónir króna.

Hann var valinn af Portland í nýliðavalinu á sínum tíma en hætti 2010. Hann kom til baka 2010 og samdi þá við Miami Heat. Hann náði aðeins að spila 23 leiki með þeim.

Hann var með 8,0 stig og 6,2 fráköst að meðaltali í 105 leikjum sínum í NBA-deildinni.