Memphis hristi af sér Portland

Memphis Grizzlies er komið í aðra umferð í úrslitakeppni NBA-deildarinnar eftir fjórða sigurinn á Portland í nótt.

Liðið mun því mæta Golden State Warriors í næstu umferð. Fyrsti leikur liðanna verður spilaður á sunnudag.

Marc Gasol skoraði 26 stig og tók 14 fráköst fyrir Grizzlies í leiknum í nótt.

Atlanta er svo komið í bílstjórasætið í einvígi sínu gegn Brooklyn. Al Horford og Jeff Teague skoruðu báðir 20 stig fyrir Atlanta.

Úrslit (staðan í einvíginu):

Atlanta-Brooklyn  107-97 (3-2)

Memphis-Portland  99-93 (4-1)