Miami snéri niður nautin frá Chicago

Miami hélt í vonina um að ná efsta sæti Austurdeildar með góðum heimasigri á Chicago í nótt. LeBron James skoraði 27 stig fyrir Miami og Dwyane Wade 18.

Chicago, sem lék án Derrick Rose, hefði getað tryggt sér toppsætið í Austurdeildinni með sigri en er 1,5 leik á undan Miami eftir tapið í nótt.

Miami spilaði frábæra vörn og Bulls var aðeins með 35 prósent skotnýtingu. John Lucas skoraði 16 stig og var stigahæstur.

Phoenix batt síðan enda á fimm leikja sigurg0ngu Clippers og kom sér um leið í síðasta úrslitakeppnissætið í Vesturdeildinni.

Úrslit:

Indiana-Milwaukee  118-109

Detroit-Minnesota  80-91

Miami-Chicago  83-72

New Orleans-Houston  105-99

Phoenix-LA Clippers  93-90